منگلورو ،16/ دسمبر (ایس او نیوز)  شہر کے مضافات  تھوکٹو میں کلاپو سیونتھی گٹو کے قریب تعمیراتی کام کے دوران ایک ٹیلہ گرنے سے ایک مزدور کی موت واقع ہو گئی ۔

فوت ہونے والے مزدور کی شناخت بالپا (45) کے طور پر کی گئی ہے جو ہونگند تعلقہ کا رہنے والا تھا ۔ یہ حادثہ اس وقت پیش آیا جب پانچ مزدور ایک نجی پراپرٹی میں رکاوٹی دیوار کی تعمیر میں مصروف تھے۔ کام کے دوران پہاڑی ٹیلے کی کھدائی کے لیے ایک جے سی بی مشین کا استعمال کیا جا رہا تھا کہ اچانک ٹیلہ کھسک کر نیچے گر گیا۔

بالپا، جو مارٹر پکڑ کر اس مقام پر کام کر رہا تھا، اچانک  ٹیلہ  گرنے مٹی کے نیچے دب گیا ۔ اس کی وجہ سے اسے شدید چوٹیں آئیں اور اس نے موقع پر ہی دم توڑ دیا ۔

اُلال پولیس نے موقع پر پہنچ کر معائنہ کیا اور اس واقعہ کی تحقیقات شروع کر دی ہے ۔