سعودی عرب: گھر میں آتشزدگی سے 11 غیر ملکی مزدور ہلاک

Source: S.O. News Service | By Shahid Mukhtesar | Published on 13th July 2017, 11:59 AM | خلیجی خبریں | ان خبروں کو پڑھنا مت بھولئے |

ریاض،12؍جولائی (ایجنسی )سعودی عرب میں غیر ملکی مزدوروں کے گھر میں آگ لگنے کے باعث دم گھٹنے سے 11 افراد ہلاک ہوگئے۔

غیر ملکی خبر رساں ایجنسی ’اے ایف پی‘ کے مطابق سعودی حکام کا کہنا تھا کہ غیر ملکی مزدور جس گھر میں مقیم تھے اس کی کھڑکیاں نہیں تھیں، اس لیے آگ کا دھواں باہر نہیں نکل سکا۔

شہری دفاع نے اپنے ٹویٹ میں کہا کہ ’جنوبی صوبے نجران کے بغیر کھڑکیوں والے پُرانے گھر میں آگ لگنے کے باعث دم گھٹنے سے 11 افراد ہلاک اور 6 زخمی ہوئے۔‘بیان میں کہا گیا کہ واقعے میں ہلاک و زخمی ہونے والوں کا تعلق بھارت اور بنگلہ دیش سے تھا۔

واضح رہے کہ 2015 میں جاری ہونے والے سرکاری اعداد و شمار کے مطابق سعودی عرب میں تقریباً 90 لاکھ غیر ملکی باشندے کام کرتے ہیں، جن میں سے بیشتر کا تعلق جنوبی ایشیا سے ہے۔

انسانی حقوق کی تنظیموں اور گروپوں کی جانب سے سعودیہ اور دیگر عرب ممالک پر زور دیا جاتا رہا ہے کہ وہ کفالہ (اسپانسرشپ) کا نظام ختم کرے، کیونکہ اس سے غیر ملکی مزدوروں کے حقوق کا بری طرح استحصال ہوتا ہے۔

کفالہ کے تحت یہ مزدور اپنے موجودہ مالک یا آجر کا تحریری اجازت نامہ ملنے تک ملک چھوڑ سکتے ہیں نہ روزگار کے لیے کسی دوسری جگہ جاسکتے ہیں، جبکہ اس نظام کے تحت مالک اکثر ان مزدوروں کے پاسپورٹ اور سفری دستاویزات ضبط کر لیتے ہیں۔

ایک نظر اس پر بھی

سمندری طوفان مکونو عمان کے ساحل سے ٹکراگیا؛ تیز ہواؤں اور شدید بارشوں نے مچائی تباہی؛ 12افراد ہلاک

   سمندری طوفان مکونو عمان کے ساحلی علاقوں سے ٹکرانے کے نتیجے میں  جنوبی عمان کے صلالہ میں  تیز ہواؤں اور شدید بارشوں نے تباہی مچا دی ہے،  اور عمان ٹائمز کی رپورٹ کے مطابق ایک بچی سمیت 12 افراد ہلاک ہوگئے ہیں۔

بھٹکل جامعہ اسلامیہ وفد کی جدہ آمد پر افطاری پروگرام ؛ بھٹکل کے معروف نابینا حافظ انیس بڈو کو جماعت کی جانب سے عمرہ کا اعزاز

بھٹکل کمیونٹی جدہ کی جانب سے ممبران کے لئے ہوٹل ٹرائی ڈینٹ میں افطاری کا اہتمام کیا گیا۔ اور اس پروگرام میں جامعہ اسلامیہ کے وفد  مولانا انصار خطیب مدنی و مولانا ارشاد صدیقہ ندوی کا پُرتباک استقبال ہوا

ممبئی داعش معاملہ؛ ملزم کو دوبارہ چارج شیٹ مہیا کرانے کا حکم ؛ ضمانت عرضداشت پر ایڈوکیٹ شریف شیخ بحث کریں گے

ممنو ع تنظیم داعش کے رکن ہونے کے الزامات کے تحت گرفتار ملزم محسن شیخ کی ضمانت عرضداشت پر سماعت سے قبل خصوصی عدالت نے استغاثہ کو حکم دیا کہ وہ دفاعی وکیل کو چارج شیٹ کی نقول پیش کرے جس میں گواہوں کے نام او ر دیگر اہم معلومات کو مخفی نہیں رکھا گیا ہے ۔

کرناٹکا بند کو کامیاب بنانے بھٹکل بی جے پی نے کی عوام سے اپیل؛ کیا کل پیر کو ہوگا کرناٹک بند ؟

ایک طرف بی جے پی رہنما اور سابق وزیراعلیٰ یڈی یورپا نے کل پیر کو بند نہ ہونے کی بات کہی تھی اور کہا تھا کہ اگر کسانوں کی تنظیموں کی طرف سے بند منایا  جاتا ہے تو بی جے پی اُن تنظیموں کی مکمل حمایت کرے گی، مگر دوسری طرف بی جے پی کی جانب سے مختلف علاقوں میں پریس کانفرنس کا انعقاد ...

کسانوں کے قرضوں کی معافی فی الوقت نہیں: کمار سوامی 

وزیراعلیٰ کمار سوامی نے کہا کہ ریاست کے کسانوں کے قرضے معاف کرنے کے وعدے پر وہ قائم ہیں لیکن اس کا اعلان فی الوقت نہیں کرسکتے۔ آج جے پی نگر میں اپنی رہائش گاہ پر اخباری نمائندوں سے بات چیت کرتے ہوئے کمار سوامی نے کہا کہ ریاست کی معاشی صورتحال کے بہتر ہونے کے بعد وہ کسانوں کے قرضے ...

بی جے پی لیڈر کے گھر سے 80وی وی پیاٹ مشینیں برآمد، ریاست کے انتخابی عمل پر شکوک کا اظہار 

ریاستی اسمبلی انتخابات میں بی جے پی کی طرف سے الیکٹرانک ووٹنگ مشینوں میں مبینہ چھیڑ چھاڑ کے ثبوت یکے بعد دیگر ے سامنے آنے لگے ہیں۔ تازہ معاملے میں ایک بی جے پی لیڈر کے گھر سے 80سے زائد وی وی پیاٹ مشینیں برآمد ہوئی ہیں، جس سے انتخابی نظام کی شفافیت پر سوالیہ نشان لگنے لگے ہیں۔ چند ...