بھٹکل جامعہ اسلامیہ کے بانی ڈاکٹر علی ملپا صاحب انتقال کرگئے؛ کل تدفین تک دکانیں بند رکھنے تنظیم کی ا پیل

Source: S.O. News Service | By I.G. Bhatkali | Published on 1st September 2017, 9:50 PM | ساحلی خبریں | ان خبروں کو پڑھنا مت بھولئے |

بھٹکل یکم ستمبر (ایس او نیوز)  جنوبی ہندوستان کی سب سے بڑی دینی درسگاہ جامعہ اسلامیہ کے بانی وصدر اور قومی سماجی ادارہ مجلس اصلاح و تنظیم کے سرپرست ڈاکٹر علی ملپا صاحب آج جمعہ کی شام انتقال کرگئے۔ انا للہ و اناالیہ راجعون۔

ڈاکٹر علی ملپا صاحب کی طبیعت گذشتہ کچھ دنوں سے علیل تھی، انہیں مینگلور کے ڈاکٹروں کو بھی دکھایا گیا تھا مگر طبیعت میں سدھار نظر نہیں آیا، آج عیدالاضحیٰ کے مبارک دن عشاء کی اذان ہوتے ہوتے موصوف داعی اجل کو لبیک کہہ گئے۔ ان کی عمر سوسال تھی۔

انتقال کی خبر ملتے ہی نوائط کالونی میں واقع ان کے مکان پر لوگوں کا ہجوم جمع ہوگیا۔ تنظیم کے صدر جناب مزمل قاضیا، نائب صدر عنایت اللہ شاہ بندری، جنرل سکریٹری محی الدین الطاف کھروری،  سکریٹری مولوی یاسر برماور ندوی، دیگر عہدیداران صدیق ڈی ایف،  ایس ایم پرویز وغیرہ بھی انتقال کی خبر سنتے  ہی ان کے مکان پر پہنچ گئے اور گھروالوں سے تعزیت کرتے ہوئے مرحوم کے حق میں دعائے  مغفرت کی۔

انہوں نے اپنے پیچھے پانچ فرزندان، پانچ دُختران اور بے شمار عقیدتمندچھوڑے ہیں۔

بتایا گیا ہے کہ کل سنیچر بعد نماز ظہر نوائط کالونی تنظیم جامع مسجد میں ان کی نماز جنازہ ادا کی جائے گی اور قریبی قبرستان میں ہی تدفین عمل میں آئے گی۔

اس موقع پر مجلس اصلاح و تنظیم نے تمام مسلمانوں سے درخواست کی ہے کہ  کل سنیچر کو مرحوم ڈاکٹر علی ملپا صاحب کی تدفین تک اپنے اپنے کاروبار اور دکانوں وغیرہ کو بند رکھیں اور جنازے میں شریک ہوں۔

موصوف کے انتقال پر بھٹکل کے کئی ایک اداروں کے ذمہ داروں نے گہرے دکھ کا اظہار کیا ہے ۔

ایک نظر اس پر بھی

بھٹکل :میں ہتک آمیز جذبات نہیں رکھتا : پنچایت ممبر کی الزام تراشی کا رکن اسمبلی نے دیا جواب

ہوناور تعلقہ کیلگی نور پنچایت موگلی ائییپا مندر کونکال باہر کرنےکے معاملے میں تعلقہ پنچایت ممبر گنپیا گوڈا کی طرف سےلگائے گئے الزامات کا بھٹکل رکن اسمبلی سنیل نائک نے تحریری دیتے ہوئے کہا ہےکہ میں ایک شریف خاندان سے تعلق رکھتاہوں اور میری پرورش  انہی کے درمیان ہوئی ہے۔ غلط ...

کرناٹکا یونیورسٹی دھارواڑ اتھلیٹک مقابلے میں مرڈیشور بینا وئیدیا ڈگری کالج کی طالبات  رنر اپ

ہوناور کے ایس ڈی ایم ڈگری کالج میں منعقدہ  کرناٹکا یونیورسٹی دھارواڑ کے اتھلیٹک کھیل مقابلوں میں مرڈیشور کی بینا وئیدیا کامرس اور سائنس ڈگری کالج کی طالبات نے رنر اپ کا مقام حاصل کیا ہے۔

ایران میں قید ضلع شمالی کینرا کے ماہی گیروں نے رہائی کی اپیل کے ساتھ جاری کیا نیا ویڈیو؛ اُترکنڑا کے ڈپٹی کمشنر نے جلد رہائی کی دی یقین دہانی

ایرانی سمندری حدود کے خلاف ورزی کرنے کے الزام میں دبئی سے ماہی گیری کے لئے نکلنے والے شمالی کینرا کے جن 18افراد کو ایرانی حفاظتی دستے نے گزشتہ تقریباً ساڑھے تین مہینوں سے ’کشتیوں میں قید‘کررکھا ہے ، انہوں نے ایک نیا ویڈیو جاری کرتے ہوئے مجلس اصلاح وتنظیم، دبئی جماعت ، ضلع ...

کْولنگ ٹیکنالوجی میں اہم اختراعات کے تین ملین امریکی ڈالر انعام کا اعلان 

آج نئی دہلی میں دو روزہ گلوبل کْولنگ انوویشن سمٹ کے افتتاحی اجلاس کے دوران معیاری روم ایئر کنڈیشننگ(آر اے سی)کے مقابلے میں پانچ گنا کم ماحولیاتی اثرات کی حامل رہائشی کولنگ ٹیکنالوجی میں اختراع اور ترقی کو ترغیبات فراہم کرنے کے لیے ایک بین الاقوامی مسابقہ گلوبل کولنگ پرائز کا ...

شادی میں شرکت مہنگی پڑی : 9خاندانوں کا سماجی بائیکاٹ ؛آج بھی انسانیت سوز روایت زندہ ؟

گاؤں کے ذمہ دار کی اجازت کے بغیر شادی میں شریک ہونے پر 9خاندانوں کابائیکاٹ کرتے ہوئے انہیں گاؤں سے ہی باہر کئے جانے کا غیرانسانی واقعہ پیش آیاہے۔ سماجی مقاطعہ ، عدم تعاون جیسے ناسور آج بھی زندہ رہنے کی تازہ مثال ہے۔

مدھیہ پردیش : اقتدار میں آئے تو سرکاری دفاتر میں نہیں ہوگی آر ایس ایس کی نشست ، ملازمین پر بھی پابندی

مدھیہ پردیش میں انتخابی ماحول گرم ہے۔ سیاسی پارٹی ووٹروں کو لبھانے کے لئے زور شور سے تشہیر میں مصروف ہیں۔ تمام طرح کے وعدے کئے جا رہے ہیں۔ اس دوران کانگریس نے اپنا منشور جاری کر دیا ہے۔