ویلنگٹن ٹیسٹ:نیوزی لینڈ نے بنگلہ دیش کو 7وکٹ سے شکست دے دی
ویلنگٹن،16جنوری(ایس اونیوز/آئی این ایس انڈیا)کپتان کین ولیمسن (ناٹ آووٹ 104)کی سنچری اور راس ٹیلر کی نصف سنچری اننگز کے دم پر نیوزی لینڈ کرکٹ ٹیم نے بیسن رسرو میدان پر کھیلے گئے پہلے ٹیسٹ میچ میں پیر کو بنگلہ دیش کو سات وکٹ سے شکست دی. اپنی دوسری اننگز کی بنیاد پر بنگلہ دیش نے نیوزی لینڈ پر 216رنز کی برتری حاصل کر لی تھی، جسے نیوزی لینڈ کی ٹیم نے صرف تین وکٹ کے نقصان پر اپنی دوسری اننگز میں 217رنز بنا کر حاصل کر لیا۔چوتھے دن (اتوار) کے اسکور تین وکٹ پر 66رنز سے آگے کھیلنے اتری بنگلہ دیش کی ٹیم نے پیر کو اپنے کھاتے میں صرف 94رنز ہی جوڑے۔آخری دن بنگلہ دیش کے لئے صرف شبیر رحمان نے 50رنز بنائے۔بنگلہ دیش کو دن کا پہلا جھٹکا 66کے ہی اسکور پر شکیب الحسن کے آؤٹ ہونے پر لگا،وہ بغیر کھاتہ کھولے مشیل سیٹنر کی گیند پر ولیمسن کے ہاتھوں کیچ آؤٹ ہوئے،اس کے بعد مومن الحق بھی صرف 23رنز ہی بنا پائے اور نیل ویگنر کی گیند پر کولن ڈی گریڈہومے کے ہاتھوں کیچ آؤٹ ہو کر پویلین لوٹ گئے۔
بنگلہ دیش کے لئے پہلی اننگز میں 159رنز بنانے والے کپتان مشفق الرحیم ریٹائرڈ ہرٹ ہو کر پولین لوٹ گئے۔43ویں اوور میں ٹم ساؤتھی کی گیند پر ان کے کان پر چوٹ لگی تھی، جس کے بعد انہیں ہسپتال لے جایا گیا،وہ صرف 13رنز بنا پائے تھے،مشفق کے پولین لوٹنے کے بعد ٹیم کا کوئی بھی بلے باز دہائی تک نہیں پہنچ سکا اور بنگلہ دیش کی ٹیم 160رنز پر ہی آؤٹ ہو گئی۔اپنی دوسری اننگز کی بنیاد پر ٹیم نے نیو لینڈ میں 216رنز کی برتری لی. نیوزی لینڈ کے لئے ٹریٹ بالٹ نے سب سے زیادہ تین وکٹ حاصل کئے، وہیں مشیل سیٹنر اور وگنر کو دو دو وکٹ حاصل ہوئے۔