جدہ کانسلیٹ جنرل آف انڈیا کے زیر اہتمام تمل ناڈواور نارتھ ایسٹ اسٹیٹ ڈیز کا انعقاد

Source: S.O. News Service | By Abu Aisha | Published on 2nd February 2018, 7:43 PM | خلیجی خبریں | ان خبروں کو پڑھنا مت بھولئے |

 جدہ:2/ فروری (ایس اؤنیوز)جدہ میں قائم کانسلیٹ جنرل آف انڈیا کے زیر اہتمام سعودی انڈین بزنس نیٹ ورک (SIBN)،جدہ تمل اینڈ نارتھ ایسٹ اسٹیٹ کمیونٹی کے تعاون سے 26جنوری 2018کو ’’تمل ناڈو ڈے 2018اور نارتھ ایسٹ اسٹیٹ ڈے 2018‘‘ کانسلیٹ جنرل آف انڈیا کے صحن میں ثقافتی پروگرام کا انعقاد ہوا۔

پروگرام کا آغاز عزیزی عمر احمد کی تلاوت قرآن سے ہوا، عزیزی فہیم اور عزیزہ فرحانہ محمد رفیع نے بالترتیب تمل اور انگریزی میں ترجمہ پیش کیا۔ اس کے بعد بھارت کا قومی ترانہ پیش کیاگیا۔ ابراہیم مرکیرے نے جدہ تمل کمیونٹی کی سرگرمیوں کا تذکرہ کرتےہوئے مہمانوں کا استقبال کیا۔ کانسل جنرل آف انڈیا جدہ محترم محمد نور رحمن شیخ اور ان کے خاندان والوں کا سراج کی نگرانی میں تمل ناڈوکے روایتی انداز میں استقبال کیاگیا ۔

اس موقع پر خطاب کرتےہوئے کونسل جنرل آف انڈیا محمد نوررحمن شیخ نے مختلف صوبہ جات کے ایام منانےکی غرض وغایت بیان کی اور بتایا کہ دراصل بیرون ملک میں مقیم بھارتیوں کی ہمت افزائی اور ان کی تہنیت مقصود ہے۔ انہوں نے اس موقع پر سعودی عرب میں مقیم تمام ہندوستانیوں کو سعودی شہریوں سےجوڑتے ہوئے سرمایہ داری میں وزارت کی طرف سے ممکنہ تعاون کرنے کی بات کہی۔ انہوں نے سرمایہ داروں سے کہاکہ بھارت اور بیرون ملک خاص کر سعودی کانسلیٹ حدود کے اندر جو بھی سرمایہ داری کی جائے گی اس سلسلے میں جو سہولیات فراہم کی جارہی ہیں اس زمرے میں ہر طرح کی مدد کئے جانے کا تیقن دلایا۔ انہوں نے جدہ کانسلیٹ کی طرف سے انڈین کمیونٹی کے لئے کی جانے والی خدمات پر روشنی ڈالی۔ اس موقع پر کانسل جنرل نے تمل کمیونٹی کی سماجی ، ثقافتی میدان میں انجام دی جانے والی خدمات کی ستائش کی۔ انہوں نے خاص کر نارتھ ایسٹ اسٹیٹ والوں کی بھی خدمات کا تذکرہ کیا۔ شعبہ کامرس کے کانسل ڈاکٹر نورالحسن نے آئندہ ہونے والے دیگر صوبہ جات کے پروگرام کی جانکاری دی۔

پروگرام میں تمل کا مشہوڈانس موررقص، پشپا سریش کی نگرانی میں پیش کیا گیا۔ میتھلی اور مرلی نے بچوں کے فیانسی ڈریس پروگرام کا بہترین انتظام کیا۔آئی آئی ایس جے کے طلبا کی طرف سے میزو/چیراؤ/بامبو ڈانس ، تھانگ-تا نامی کھیل کا مظاہر ہ عوام کو محظوظ کرنےمیں کامیاب ہوا۔سعودی اور دیگر شہریوں کو بھارت کے سیاحتی مراکزسے متعارف کرانے نارتھ ایسٹ اسٹیٹ کے قریب 8سیاحتی مقامات کا تعارف پیش کرنےو الی ایک مصوری نمائش کا اہتمام کیا گیا تھا۔ اس کے علاوہ بچوں اور خواتین نے بھی ثقافتی پروگرام پیش کئے۔ تقریب میں 1500سے زائد افراد شریک ہوئے تھے۔ پرتھیبانے اور رابعہ محی الدین نے بہترین انداز میں نظامت کے فرائض انجام دئیے۔

ایک نظر اس پر بھی

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔

کیرالہ کی این آر آئی خاتون نے منگلورو ایئرپورٹ اسٹاف پر لگایا ،جان بوجھ کر پاسپورٹ پھاڑنے کا الزام؛ ائرپورٹ ڈائرکٹر نے الزام کو کیا خارج

 پڑوسی ریاست کیرالہ۔  کاسرکوڈ کے  ایک این آر آئی نے   الزام لگایا ہے کہ منگلورو انٹرنیشنل ایئر پورٹ پر سیکیوریٹی اسٹاف نے جان بوجھ کر اس کی بیوی کا پاسپورٹ اُس وقت   پھاڑ دیا جب وہ اپنے دو چھوٹے بچوں کے ساتھ دبئی روانہ ہونے کے لئے پہنچی تھی۔پاسپورٹ پھاڑنے کے بعد  ائرپورٹ ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔

نوہیرا شیخ کے خلاف چارج شیٹ داخل ہونے پر دبئی سے سرمایہ لگانے والوں نے کیا خیر مقدم، لیکن رقم واپس ملنے کے تعلق سے شش و پنج برقرار

’ہیرا گروپ‘ کی پونزی اسکیم میں سرمایہ لگاکر فریب کھانے والے خلیجی ممالک میں مقیم افراد نے کمپنی کی سی ای او   نوہیرا شیخ کے خلاف ممبئی میں چارج شیٹ داخل کیے جانے کا خیر مقد م کیا ہے۔ مگر ان میں سے بہت سارے لوگ اپنی رقم واپس ملنے کے تعلق سے زیادہ پُر امید بھی نظر نہیں آرہے ہیں۔

دبئی میں راہل نے اخبار نویسوں سے کہا؛ ’بی جے پی مشتعل اور غیر روادار؛ کررہی ہے ہمارے اداروں کو برباد؛ مگر ہم اب اُنہیں ایسا کرنے دیں گے

متحدہ عرب امارات کے دورہ پر پہنچے راہل گاندھی نے دبئی میں پریس کانفرنس سے خطاب کرتے ہوئے مودی حکومت پر راست حملہ کیا اور  کہ  ’’بی جے پی مشتعل اور غیر روادار ہو رہی ہے اور ہمارے اداروں کو برباد کر رہی ہے، جیسا کہ  سپریم کورٹ ، ریزرو بینک اور الیکشن کمیشن   آف انڈیا  میں ...

دبئی میں راہول گاندھی نے کہا؛ میں آپ کے من کی بات سننے آیا ہوں؛ ہزاروں کی بھیڑ میں راہول کا چل گیا جادو؛ راہول۔راہول کے نعرے

کانگریس کے صدر راہل گاندھی نے کہاکہ آئندہ برس ہونے والے عام انتخابات کے بعد مرکز میں ان کی حکومت بننے پر آندھراپردیش کو خصوصی ریاست کا درجہ دیا جائے گا۔متحدہ عرب امارات کے اپنے پہلے دورہ پر آئے مسٹر گاندھی نے جمعہ کو شرمک کالونی میں رہنے والے ہندوستانیوں سے خطاب کرتے ہوئے کہا ...

ہوناور: ہیسکام کے افسران راستہ بھٹک گئے۔ پوری رات جنگل میں گزارنے پر ہوئے مجبور

گیر سوپّا ڈیم کے علاقے میں گھنے جنگل سے گزرنے والی 33کے وی بجلی لائن کا معائنہ کرنے کے لئے نکلی ہوئی ہیسکام افسران اور عملے پر مشتمل ایک ٹیم میں شامل دوافسران جنگل میں راستہ بھٹک گئے جس کی وجہ سے انہیں پوری رات جنگل ہی میں گزارنی پڑی ۔

بھٹکل مجلس احیاء المدارس کے زیراہتمام انوکھی نوعیت کا  ’اجتماعی قرأت مقابلے ‘کا خوبصورت انعقاد : قرآن فیصلہ کن ، ممتاز ،مسلسل پڑھی جانی والی واحد کتاب ہے

مجلس احیاء المدارس بھٹکل کے زیر اہتمام مخدوم کالونی میں واقع مدرسہ دارالتعلیم و التربیہ میں 19فروری 2018بروز منگل کی رات منعقدہ اپنی نوعیت کے پہلے ’’اجتماعی قرأت مقابلہ ‘‘میں جامعہ اسلامیہ چوک بازار بھٹکل اول، جامعہ اسلامیہ بھٹکل کے شعبہ ثانویہ دوم اور جامعہ اسلامیہ کارگدے ...

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔