ڈانڈیلی میں شوہر کے قتل کے لئے بیوی نے دی سپاری : دو گرفتار، دو فرار
ڈانڈیلی:13؍جون(ایس اؤ نیوز)میاں بیوی کو بچے نہ ہونے پر بیوی ہمیشہ موبائیل پر مصروف رہنے پر شوہر نے بیوی کو ٹوکا تو بیوی نے اپنے شوہر کو سپاری کے ذریعے قتل کرنےکی کوشش کرڈالی۔ واردات ڈانڈیلی پولس تھانہ حدود میں پیش آیا ہے۔معاملے کو لےکر پولس نے دو ملزموں کو گرفتار کرلیا ہے جبکہ دوافراد فرار بتائے گئےہیں۔
دیہی پولس تھانہ حدود کے گاونوٹھانہ کے مکین انکوش راما ستار اور تیجسوینی انکوش ستار( میاں بیوی) کو اولاد نہ ہونے سے دونوں میں کچھ ان بن چل رہی تھی اس دوران شوہر اس بات پر ناراض رہتا تھا کہ اس کی بیوی تیجسوینی ہمیشہ موبائیل پر بات چیت کرتی رہتی ہے۔ بتایا جارہا ہے کہ موبائل پر بات چیت سے ناراض شوہر نے ایک دن اپنی بیوی کو سمجھانے کی کوشش کی تو بیوی اسی بات کو لے کر ناراض ہوگئی ۔ اور ایک منصوبے کے تحت شوہر کو ٹھکانےلگانےکے لئے اپنی سہیلی بیلگام کے گنیش پور کی مکین ونیتا چوہان کے ساتھ گفتگو کرتےہوئے اپنے شوہر انکوش کے قتل کے لئے 30ہزارروپئے کی سپاری دے دی اور طئے ہوا کہ کام ہونے کے بعد رقم ادا کی جائے گی۔
پلان کے تحت بیلگام ، نند گڑھ کے مکین گنیش شانتا رام پاٹل اور ایک نابالغ لڑکا 11جون کو ڈانڈیلی پہنچے اور رات 11بجے تیجسوینی کے گھرپہنچ کر تیجسوینی کے ساتھ مل کر انکوش کے والد راما ستار کا گلہ دبا کر قتل کرنےکی کوشش کی ۔ عین وقت پر انکوش نے چیخ پخار شروع کی تو پاس پڑوس کے رشتہ دار دوڑ کر اس کے گھر پہنچنے لگے ، جس پر ملزم فرار ہوگئے۔معاملے کو لےکر 12جون کو ڈانڈیلی دیہی پولس تھانے میں کیس درج کرلینے کے بعد 12جون کی دوپہر کو ہی انکوش کی بیوی تیجسوینی اور گنیش پاٹل کو گرفتار کرلیاگیا جب کہ کلیدی ملزم ونیتا چوہان اور نابالغ لڑکا فرار ہونے پر ان کی گرفتاری کےلئے جال بچھا ئی گئی ہے۔
اترکنڑا ضلع ایس پی شیوپرکاش دیوراج اور ایڈیشنل ایس پی بدری ناتھ ایس کی ہدایات پر ڈی وائی ایس پی کے ایل گنیش ، سی پی آئی پربھو آر گنگن ہلی کی رہنمائی میں دیہی پولس تھانہ انسپکٹر آئی آر گڈیکر کی قیادت میں پولس عملہ کارروائی میں شریک تھا۔