ٹی-20 ورلڈ کپ2021: پاکستان کو5 وکٹوں سے شکست، آسٹریلیا فائنل میں پہنچ گیا

Source: S.O. News Service | Published on 12th November 2021, 10:07 PM | اسپورٹس | ان خبروں کو پڑھنا مت بھولئے |

دبئی،12؍نومبر(ایس او نیوز؍ایجنسی) آسٹریلیا کی اننگز کے 19 ویں اوور میں شاہین شاہ آفریدی کی تیسری گیند پر حسن علی کا میتھیو ویڈ کا کیچ چھوڑنا پاکستان کے لیے کتنا مہنگا ثابت ہوا اس کا اندازہ ویڈ نے اگلی گیندوں پر لگاتار چھکے لگاتے ہوئے پاکستان پر ظاہر کردیا۔

آسٹریلیا نے 19 اوورز میں پانچ وکٹوں پر 177 رنز بنا کر فتح حاصل کی اور فائنل میں داخل ہوگیا۔ اب فائنل میں آسٹریلیا کا مقابلہ 14 نومبر کو اپنے پڑوسی نیوزی لینڈ سے ہوگا، جس نے پہلے سیمی فائنل میں انگلینڈ کو ایک اوور باقی رہتے ہوئے پانچ وکٹوں سے شکست دی تھی۔

177 رنز کے ہدف کا تعاقب کرتے ہوئے آسٹریلیا کی پہلی وکٹ ایک رنز پر ہی گر گئی، کپتان کے آؤٹ ہونے کے بعد ڈیوڈ وارنر اور مچل مارش نے اچھی بیٹنگ شروع کر دی۔ تاہم آسٹریلیا کی دوسری وکٹ مچل مارش کی صورت میں 52 رنز پر گری جنہوں نے 22 گیندوں پر 28 رنز بنائے تھے۔

آسٹریلیا کی جانب سے اسمتھ 5 رنز بنا کر شاداب خان کی گیند پر 77 کے مجموعے پر کیچ آؤٹ ہوئے اس کے بعد ڈیوڈ وارنر 49 رنز بنا کر 89 کے مجموعی اسکور پر آؤٹ ہوگئے۔

پاکستان کو پانچویں کامیابی 7 رنز بنانے والے گلین میکس ویل کی صورت میں ملی اور انہیں بھی شاداب خان نے 96 کے مجموعے پر کیچ آؤٹ کروایا۔ تاہم اس کے بعد مارکس اسٹوئنس اور میتھیو ویڈ نے پاکستانی بولرز کو خاطر میں لائے بغیر آسٹریلیا کو فتح دلوا کر فائنل میں پہنچا دیا۔ مارکس نے 31 گیند پر 40 رنز بنائے جبکہ میتھو ویڈ نے 17 گیند میں 41 رنز بنائے جس کی وجہ سے انھیں مین آف دی میچ کے ایوارڈ سے نوازا گیا۔

واضح رہے کہ دبئی انٹرنیشنل کرکٹ اسٹیڈیم میں کھیلے جانے والے اس میچ میں آسٹریلیا نے ٹاس جیت کر پاکستان کو پہلے بیٹنگ کرنے کی دعوت دی تھی۔

پاکستان نے اپنے اوپنر محمد رضوان (67) اور فخر زماں (55) کی شاندار نصف سنچریوں کی مدد سے جمعرات کو آسٹریلیا کے خلاف آئی سی سی ٹی 20 ورلڈ کپ کے دوسرے سیمی فائنل میں 20 اوورز میں چار وکٹوں پر 176 رن کا چیلنجنگ اسکور بنالیا۔

رضوان اور کپتان بابر اعظم نے ابتدائی شراکت داری میں 10 اوورز میں 71 رنز جوڑے۔ اعظم 34 گیندوں میں پانچ چوکوں کی مدد سے 39 رنز بنانے کے بعد لیگ اسپنر ایڈم جمپا کا شکار بنے۔

اس کے بعد رضوان نے دوسرے وکٹ کے لیے زماں کے ساتھ 72 رنز کی شراکت داری کی۔ رضوان نے 52 گیندوں میں تین چوکوں اور چار چھکوں کی مدد سے 67 رنز بنائے اور مچل اسٹارک کی گیند پر اسٹیون اسمتھ کے ہاتھوں کیچ آؤٹ ہوئے۔ رضوان نے اپنی 11ویں ٹی 20 نصف سنچری بنائی۔

فخر زماں نے آخری اوور میں اسٹارک کی گیندوں پر لگاتار دو چھکے لگا کر 31 گیندوں پر اپنی نصف سنچری مکمل کی۔ آصف علی کھاتہ کھولے بغیر آؤٹ ہوگئے جب کہ شعیب ملک ایک رن بنانے کے بعد اسٹارک کی گیند پر بولڈ ہوگئے۔

آصف کی وکٹ پیٹ کمنز نے حاصل کیا۔ زماں 32 گیندوں پر تین چوکوں اور چار چھکوں کی مدد سے 55 رنز بنا کر ناٹ آؤٹ ہوئے۔ محمد حفیظ ایک رن بنا کر ناٹ آؤٹ رہے۔

آسٹریلیا کی جانب سے اسٹارک نے 38 رنز کے عوض دو وکٹ حاصل کئے جبکہ کمنز اورجمپا نے ایک ایک وکٹ حاصل کیا۔

ایک نظر اس پر بھی

دبئی : 6 فروری سے شروع ہورہا ہے بھٹکل پریمیئر لیگ کا نواں کرکٹ ٹورنامنٹ؛ کھلاڑیوں کے آوکشن میں آسجد حیدر اور صفوان شانو ثابت ہوئے سب سے مہنگے کھلاڑی

بھٹکل پریمئیر لیگ (بی پی ایل) کا دسواں کرکٹ ٹورنامنٹ 6 فروری سے شروع ہورہا ہے جو  27 فروری تک جاری رہے گا۔  گذشتہ سالوں کی طرح اس بار بھی ٹورنامنٹ کے تمام میچس  عجمان گراونڈ میں  کھیلے جائیں گے۔

انگلینڈ نے 9 وکٹ گنوانے کے باوجود چوتھا ٹیسٹ ڈرا کرایا

جیک کرولی (77) اور بین اسٹوکس (60) کی شاندار نصف سنچری اننگز اور نچلے آرڈر کے بلے بازوں کی ہمت افزا کارکردگی کی بدولت آسٹریلیا کے خلاف چوتھے ایسیز ٹسٹ میچ کو 9 وکٹ سے گنوانے کے باوجود پانچویں اور آخری دن اتوار کو ڈرا کرالیا۔ آسٹریلیا یہ ٹسٹ ڈرا ہونے کے باوجود پانچ میچوں کی سیریز میں ...

یوپی میں سردی کا ستم جاری، بارش کے آثار

 اترپردیش میں گھنے کہرے، گلن بھری ٹھنڈ اور شیت لہر سے بدھ کو بھی معمولات زندگی متاثر رہی۔ محکمہ موسمیات نے اگلے 72گھنٹوں میں ریاست کے کئی مقامات پر بارش کی پیشین گوئی کی ہے۔ ریاست کے کئی علاقے دیر رات سے گھنے کہرے کی چادر اوڑھے ہوئے ہیں۔

کاروار سے تعلق رکھنے والے سپریم کورٹ کے سینئر ایڈوکیٹ دیو دت کامت اترپردیش انتخابات کے لئے کانگریس قانونی کوآرڈی نیشن کمیٹی کے صدر مقرر

ضلع اُترکنڑا کے کاروار سے تعلق رکھنے والے سپریم کورٹ کے سینئر ایڈوکیٹ دیو دت کامت کو اتر پردیش انتخابات میں کانگریس پارٹی کی قانونی کورآرڈی نیشن کمیٹی کا صدر بنایا گیا ہے

ہندوستانی بحریہ کے جنگی جہاز آئی این ایس رنویر پر زوردار دھماکہ، 3 ہلاک، متعدد زخمی

ممبئی  میں ہندوستانی بحریہ کے ڈاکیارڈ پر منگل کو ایک بڑا حادثہ پیش آیا ،یہاں جنگی جہاز آئی این ایس رنویر پر ایک زور دار دھماکہ ہواجس میں ہندوستانی بحریہ کے تین فوجی ہلاک ہو گئے ہیں۔ واقعہ کے بعد صورتحال پر قابو پالیا گیا ہے۔اطلاعات کے مطابق دھماکہ آئی این ایس رنویر کے اندرونی ...

بھٹکل میونسپالٹی کی کارپرعائد کیا گیا 500 روپیہ جرمانہ؛ کار کے اسٹیکرس نکال دئے گئے

بھٹکل ٹاون میونسپالٹی پہنچ کر اسسٹنٹ آر ٹی او نے میونسپالٹی کی کار کے تین اسٹیکرس سمیت کرناٹک سرکار کا ایمبولم لگا ہوا اسٹیکر بھی نکال دیا اور اس تعلق سے میونسپالٹی پر 500 روپیوں کا جرمانہ بھی عائد کردیا، واردات آج بدھ صبح قریب دس بجے پیش آئی ہے۔