اڈپی،15 / جنوری (ایس او نیوز) راہگیروں کو لوٹنے کا منصوبہ بنانے والی ایک ٹولی کے تعلق سے مصدقہ اطلاع ملنے پر منی پال پولیس نے کارروائی کی اور منشیات اور ہتھیار سمیت  چار ملزمین کو گرفتار کر لیا۔
    
منی پال کے وی پی نگر میں گرفتار کیے گئے ملزمین کے نام مزمل (27 سال)، محمد انس (25 سال)، محمد رفیق (26 سال) اور محمد نہال (19 سال) بتائے گئے ہیں ۔ اس کے علاوہ رقیب نامی ملزم موقع پر فرار ہوگیا ۔ پولیس کے بیان کے مطابق ملزمین کے پاس سے پانچ گرام ایم ڈی ایم اے کی گولیاں، 110 گرام گانجہ، 10 ملی لیٹر کی ایک سیرینج ، بوتل ، ایک چھرا، ایک چاقو، ایک لویے کا ہتھوڑا، ڈنڈا اور پانچ موبائل فون ضبط کیے گئے ہیں۔     
    
منی پال پولیس نے کیس درج کیا ہے اور مزید تحقیقات جاری ہے۔