بھٹکل ڈی وائی ایس پی کے طورپر یو کے بیلی اپا نے سنبھالی زمہ داری
بھٹکل:26؍فروری (ایس اؤ نیوز)بھٹکل میں سرکل انسپکٹر کے طورپر خدمات انجام دینے والے یو کے بیلی اپا اب بھٹکل کے ڈی وائی ایس پی کے طورپر اپنے عہدے کا چارج سنبھال لیا ہے۔
بھٹکل کے اے ایس پی نکھیل بی کا تبادلہ ہونے کے بعد یہ عہدہ خالی ہوگیا تھا جس پر بیلی اپاکا تقرر ہوا ہے۔ بیلی اپا اس سے قبل منگلورو کمشنریٹ کے پنمبور علاقے میں اے سی پی کے عہدے پر فائز تھے۔ اے ایس پی نکھیل کا تبادلہ ہونےکے بعد اروند کلگوجی کا کارگزار ڈی وائی ایس پی کے طورپر زمہ داری سونپی گئی تھی اس کے بعد کاروار ڈی سی آربی کے ڈاکٹر شیوانند چلوادی کارگزار ڈی وائی ایس پی فائز ہوئے تھے۔ اب بیلی اپا کو مستقل ڈی وائی ایس پی کی زمہ داری سونپی گئی ہے جنہوں نے جمعرات کو بھٹکل پہنچ کر اپنا عہدہ سنبھالا ہے۔
خیال رہے کہ بیلی اپا 2013میں بھٹکل میں سرکل انسپکٹر کے طورپر خدمات انجام دے چکے ہیں۔