بھٹکل میونسپالٹی کی کارپرعائد کیا گیا 500 روپیہ جرمانہ؛ کار کے اسٹیکرس نکال دئے گئے

Source: S.O. News Service | By I.G. Bhatkali | Published on 19th January 2022, 5:12 PM | ساحلی خبریں | ان خبروں کو پڑھنا مت بھولئے |

بھٹکل 19 جنوری (ایس او نیوز) بھٹکل ٹاون میونسپالٹی پہنچ کر اسسٹنٹ آر ٹی او نے میونسپالٹی کی کار کے تین اسٹیکرس سمیت کرناٹک سرکار کا ایمبولم لگا ہوا اسٹیکر بھی نکال دیا اور اس تعلق سے میونسپالٹی پر 500 روپیوں کا جرمانہ بھی عائد کردیا، واردات آج بدھ صبح قریب دس بجے پیش آئی ہے۔

ذرائع سے پتہ چلا ہے کہ کاروار آرٹی او کو کسی نے جانکاری دی تھی کہ بھٹکل میونسپالٹی کی کار پر میونسپالٹی صدر لکھا ہوا اسٹیکرلگا ہے ساتھ ساتھ کار پر حکومت کرناٹک کا اسٹیکربھی لگا ہوا ہے، جس پر آرٹی او نے ہوناور میں موجود اسسٹنٹ آرٹی او کو خبر دی، اسسٹنٹ آر ٹی او مسٹر ایل پی نائک نے صبح قریب دس بجے بھٹکل میونسپالٹی پہنچ کر کار کی اگلی اسکرین اور پچھلی اسکرین پر لگے اسٹیکرس کو ہٹانے کے ساتھ ساتھ کار پر لگے میونسپل صدر کے اسٹیکر کو بھی نکال دیا اور پانچ سو روپیہ جرمانہ بھرنے کا بِل کار ڈرائیور کے ہاتھ میں تھما دیا۔

پتہ چلا ہے کہ قریب چھ سات ماہ قبل ہی 16 لاکھ سے زائد مالیت کی نئی اینّوا کار میونسپالٹی کے لئے خریدی گئی تھی، جس پر یہ اسٹیکرس لگائے گئے تھے۔

ساحل آن لائن سے گفتگو کرتے ہوئے اسسٹنٹ آر ٹی او مسٹر ایل پی نائک نے بتایا کہ  آرٹی او کی طرف سے میونسپالٹی کو نوٹس روانہ کی گئی تھی کہ کار پرمیونسپل صدر اور حکومت کرناٹک کا اسٹیکر نہیں لگایا جاسکتا، اس بناء پر آج وہ خود اپنے اہلکاروں کے ساتھ میونسپالٹی پہنچ کر کار کا معائنہ کیا اور متعلقہ اسٹیکرس موجود ہونے پر اُسے نکالتے ہوئے جرمانہ عائد کیا۔ انہوں نے کہا کہ میونسپالٹی کی طرف سے جرمانہ بھراجاتا ہے یا پھر وہ لوگ کورٹ میں جاتے ہیں، یہ اُن کا معاملہ ہے۔

 میونسپالٹی کے صدر جناب پرویز قاسمجی نے بتایا کہ کار پر سے حکومت کرناٹک کا اسٹیکر نکالنا سراسر غلط ہے کیونکہ میونسپالٹی سرکار کی ہوتی ہے اور یہاں  سرکاری کام انجام دئے جاتے ہیں انہوں نے یہ بھی بتایا کہ وہ  کاربھی سرکاری فنڈ سے ہی خریدی گئی ہے۔انہوں نے کہا کہ ہم نے جرمانہ نہیں بھرا ہے اور ہم عدالت جانے کی تیاری کررہے ہیں۔

ایک نظر اس پر بھی

منڈگوڈ میں ڈاکٹر انجلی نمبالکر  نے کہا : وزیر اعظم صرف من کی بات کرتے ہیں اور جن کی بات بھول جاتے ہیں  

لوک سبھا کے لئے کانگریسی امیدوار ڈاکٹر انجلی نمبالکر نے منڈگوڈ کے ملگی نامی علاقے میں انتخابی اجلاس سے خطاب کرتے ہوئے کہا کہ گزشتہ دس برسوں میں وزیر اعظم نریندرا مودی نے صرف من کی بات کی ہے اور انہیں کبھی جن کی بات یاد نہیں آئی ۔

اُتر کنڑا میں چڑھ رہا ہے سیاسی پارہ - پرچار کے لئے وزیر اعظم نریندر مودی اور کرناٹک کے وزیراعلیٰ سدا رامیا کریں گے ضلع کا دورہ

لوک سبھا انتخابات کے دوسرے مرحلے کے لئے اُتر کنڑا میں سیاسی پارہ پوری قوت سے اوپر کی طرف بڑھ رہا ہے کیونکہ اپنے اپنے امیدواروں کے پرچار کے لئے وزیر اعظم نریندرا مودی اور وزیر اعلیٰ سدا رامیا کے دورے طے ہوئے ہیں ۔

اُتر کنڑا میں آج سے 30 اپریل تک چلے گی عمر رسیدہ، معذور افراد کے لئے گھر سے ووٹ دینے کی سہولت

ضلع ڈپٹی کمشنر گنگو بائی مانکر کی طرف سے جاری کیے گئے بیان کے مطابق الیکشن کمیشن کی طرف سے معذورین اور 85 سال سے زائد عمر والوں کے لئے گھر سے ووٹ دینے کی جو سہولت فراہم کی گئی ہے، اتر کنڑا میں آج سے اس کی آغاز ہو گیا ہے اور 30 اپریل تک یہ کارروائی چلے گی ۔

انجمن گرلز کے ساتھ انجمن بوائز کی سکینڈ پی یو میں شاندار کامیابی پر جدہ جماعت نے کی ستائش؛ دونوں پرنسپالوں کوفی کس پچاس ہزار روپئے انعام

انجمن گرلز پی یو کالج کے ساتھ ساتھ انجمن بوائز پی یو کالج کے سکینڈ پی یو سی میں قریب97  فیصد نتائج آنے پربھٹکل کمیونٹی جدہ نے دونوں کالجوں کے پرنسپال اور اساتذہ کی نہ صرف ستائش اور تہنیت کرتے ہوئے سپاس نامہ پیش کیا، بلکہ ہمت افزئی کے طور پر دونوں کالجوں کے پرنسپالوں کو فی کس ...

بیدر میں وزیراعلیٰ سدرامیا نے وزیراعظم مودی پر کی سخت تنقید 

بیدر کے انتخابی دورہ پر کرناٹک کے وزیراعلیٰ سدرامیا نے وزیراعظم نریندر مودی پر  یہ کہہ کر سخت تنقید کی کہ  اُنہیں انتخابات کے موقع پر ہی  کرناٹک کی یاد آتی ہے۔ شہر کے گنیش میدان میں منعقدہ کانگریس پارٹی کے انتخابی جلسہ سے خطاب کرتے ہوئے انہوں نے کہا کہ ریاست میں شدید خشک سالی ...

بی جے پی نے باغی لیڈر ایشورپا کو 6 سال کے لئے پارٹی سے معطل کر دیا

  کرناٹک میں آزاد امیدوار کے طور پر لوک سبھا الیکشن لڑ رہے بی جے پی کے باغی لیڈر کے ایس ایشورپا کو پارٹی نے 6 سال کے لئے معطل کر دیا۔ زیر بحث شیوموگا لوک سبھا سیٹ سے اپنی نامزدگی واپس نہیں لینے کے ایشورپا کے فیصلے کے بعد بی جے پی کی تادیبی کمیٹی نے اس تعلق سے ایک حکم جاری کر دیا۔ ...

یوپی-بہار میں شدید گرمی کی لہر کی پیش گوئی، کئی ریاستوں میں بارش کا الرٹ

راہملک کی شمالی ریاستوں میں درجہ حرارت ہر گزرتے دن کے ساتھ بڑھ رہا ہے۔ بڑھتی ہوئی گرمی کے باعث لوگوں کو شدید پریشانی کا سامنا ہے۔ تاہم کچھ ریاستوں میں بارش بھی ہو رہی ہے۔ ہندوستان کے محکمہ موسمیات (آئی ایم ڈی) نے کہا ہے کہ ہمالیائی مغربی بنگال، بہار، اوڈیشہ، آسام، مغربی ...

بی جے پی کی پالیسیوں کی وجہ سے دلت ومسلم ترقی سے محروم: مایاوتی

بہوجن سماج پارٹی(بی ایس پی) سپریمو مایاوتی نے کہا کہ بی جے پی کی ذات پات ، فرقہ وارانہ و پونجی وادی سوچ اور پالیسیوں کی وجہ سے ملک کے غریب، قبائلی، دلت اور مسلمانوںکی ترقی نہیں ہوسکی۔  مایاوتی نے یہاں سکندرآباد میں گوتم بدھ نگر علاقے کے پارٹی امیدوار راجندر سولنکی اور بلندشہر ...