کونکن ریلوے کی چلتی ٹرین میں ایک ہفتے کے اندرآگ لگنے کا دوسراواقعہ؛ بیندور کے بعد اب گوا میں پیش آئی واردات

Source: S.O. News Service | By I.G. Bhatkali | Published on 2nd May 2019, 8:06 PM | ساحلی خبریں | ملکی خبریں |

بھٹکل 2/مئی (ایس او نیوز) ایک ہفتے کے اندرکونکن ریلوے کی چلتی ٹرین میں رات کے وقت آگ لگنے کا دوسرا واقعہ پیش آیا ہے، یاد ہوگا کہ اس سے قبل بیندور میں پہلا حادثہ پیش آیا تھا، مگر اب یہ دوسرا واقعہ  گوا میں پیش آیا ہے۔

ذرائع سے ملی اطلاع کے مطابق  منگلورو سے ممبئی جانے والی مستیہ گندھا ایکسپریس بدھ کی رات قریب 1.45بجے گو ا کے مڈگاؤں اسٹیشن پہنچی تھی، جب ٹرین   وہاں سے آگے بڑھی تو ٹرین کے  پہیوں سے آگ کے شعلے بھڑکتے دکھائی دئے۔اور ٹرین کے اطراف میں گہرا دھواں اٹھنے لگا جس  کی وجہ سے مسافروں میں افراتفری پھیل گئی۔

 بتایاجاتا ہے کہ آگ لگنے کی بات معلوم ہوتے ہی ’ٹریک مین‘ نے ٹرین کو ایمرجنسی طور پر رکنے کا سگنل دیا اور بیچ پٹریوں پر ٹرین روک دی گئی۔ مگر مسئلہ یہ تھا کہ ٹرین کے اندر آگ بجھانے کے جوایمرجنسی آلات تھے اس کے استعمال کرنے کا طریقہ خود ٹرین کے اسٹاف کو معلوم نہیں تھااور وہ آگ پر قابو پانے میں ناکام ہو رہے تھے۔اس کے علاوہ بڑے پیمانے کی آگ بجھانے کے لئے آس پاس کوئی انتظام بھی نہیں تھا۔ خطرناک بات یہ بھی تھی کہ  جلتی ہوئی ٹرین جس مقام پر روکی گئی تھی اس کے قریب میں ایک آئیل ٹینک موجود تھا۔ اس وجہ سے بہت بڑا المیہ رونما ہونے کے پورے امکانات تھے۔ اسی دوران ایک مسافر نے آگے بڑھ کرریلوے عملے کی مدد کی اورتقریباً آدھے گھنٹے کی جدوجہد کے بعدکسی طرح آگ بجھادی گئی۔پھر جب ٹرین کانکون ریلوے اسٹیشن پر پہنچی تو وہاں پر ٹیکنیکل ٹیم نے معائنہ کیااور ضروری مرمت کا کام انجام دیا۔

 یادرہے کہ اسی ہفتے ضلع اڈپی کے بیندور کے قریب نظام الدین ایکسپریس میں بھی آتشزدگی کا معاملہ پیش آیا اور آدھی رات کو جب تمام مسافر گہری نیند میں تھے تو ایئرکنڈیشنڈ بوگی میں شارٹ سرکیوٹ کی وجہ سے آگ بھڑک اُٹھی تھی، مگر ایک خاتون مسافر کی مستعدی کی وجہ سے بھاری جانی و مالی نقصان ٹل گیا تھا۔ حالانکہ اس حادثے میں پوری بوگی اندر سے بری طرح جل کر خاکسترہوگئی تھی۔

ایک نظر اس پر بھی

بنٹوال میں ایمبولینس اور ٹرک کا تصادم۔ 1خاتون ہلاک، 4زخمی    

نیرلکٹے کے پاس پیش آنے والے ٹرک اور ایمبولینس کے تصادم میں ایک خاتون موقع پر ہی ہلاک ہوگئے جبکہ ایمبولینس میں موجود مریض سمیت دیگر 4افراد زخمی ہوگئے ہیں، جنہیں علاج کے لئے پتور کے سرکاری اسپتال میں داخل کیا گیا ہے۔

کاروار:اپنی نجی خواہشات کے لئے دوسروں پر الزام عائد نہ کریں : وزیر دیش پانڈے کا ہیبار پرپلٹ وار

اغی گروپ میں شامل یلاپور کے رکن اسمبلی شیورام ہیبار نےاپنے فیس بک پیج پر ضلع نگراں کار وزیر آر وی دیش پانڈے کے خلاف لگائے گئے الزاما ت کا وزیر دیش پانڈے نے بھی فیس بک پر  ہی  کچھ اس طرح جواب دیا ہے۔ ’ہیبار اپنے نجی اور انفرادی فیصلوں اور خواہشات کے لئے خود ذمہ دار ہیں ، اس ...

اڈپی ضلع پولیس نے کروائی گائیں چرانے کے معاملات میں ملوث157 افرادکی پریڈ۔ شہر بدرکرنے اور غنڈہ ایکٹ لاگو کرنے کی دی گئی وارننگ

اڈپی ضلع میں پولیس نے گائیں چرانے کے معاملات میں شامل رہنے والے افراد کو مختلف مقامات پر طلب کرکے ان کی اجتماعی پریڈ کروائی اور انہیں تنبیہ کرتے ہوئے کہا کہ آئندہ اس طرح کی وارداتوں میں اگر وہ ملوث ہونگے تو پھر ان کے خلاف شہر بدر کرنے یا پھر غنڈہ ایکٹ لاگو کرنے جیسے اقدامات کیے ...

 گجرات:  ٹھاکر کمیونٹی کادقیانوسی قانون،لڑکیوں کے موبائل کے استعما ل پر مکمل پابندی، بھاگ کر شادی کرنے پر اہل خانہ کو بھرنا ہوگا جرمانہ 

گجرات کے بناس کا ٹھا میں ٹھا کر کمیونٹی کی طرف سے 12 دیہات میں عجیب و غریب اور دقیانوسی قوانین بنائے گئے ہیں۔ اس میں ایک اصول ایسا ہے کہ لڑکیاں اپنے پاس موبائل نہیں رکھ پائیں گی۔

 اب تمام علاقائی زبانوں میں ہون گے ڈاک محکمہ کے امتحانات، راجیہ سبھا میں ہنگامہ کے بعد حکومت نے منسوخ کیا پیپر 

ڈاک محکمہ کی گزشتہ ہفتے ہوئے ایک امتحان کا ذریعہ صرف ہندی اور انگریزی رکھنے کی مخالفت میں منگل کو راجیہ سبھا میں کئی جماعتوں کے ارکان کے ہنگامے کی وجہ سے کاروائی کئی بار روکنا پڑی۔

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...