ایس ایس ایل سی نتائج؛95.63 فیصد کامیابی کی شرح کے ساتھ ضلع میں بھٹکل کو ملا دوسرا مقام؛ بھٹکل کے ٹاپ فائیو میں انجمن کی تین طالبات شامل
بھٹکل 9/مئی (ایس او نیوز) کرناٹک سیکنڈری ایجوکیشن ایگزامینیشن بورڈ (کے ایس ای ای بی) نے جمعرات کو سال 2023-24 کے ایس ایس ایل سی امتحان کے نتائج کا اعلان کیا جس میں بھٹکل تعلقہ کی مجموعی کامیابی کی شرح 95.63 فیصد درج کی گئی ہے۔ بھٹکل میں لڑکیوں نے پھر ایک بار شاندار کامیابی کا سلسلہ جاری رکھتے ہوئے لڑکوں پر سبقت لے گئی ہیں۔ لڑکیوں کی کامیابی کی شرح 96.43 فیصد درج ہوئی ہے تو لڑکوں کا کامیابی کا تناسب 94.66 فیصد درج کیا گیا ہے۔ اسی طرح انجمن کی طالبات نے امتیازی نمبرات کے ساتھ کامیابی حاصل کرنے کا سلسلہ جاری رکھتے ہوئے اِس بار تعلقہ کے ٹاپ فائیو میں تیسرا، چوتھا اور پانچواں رینک پانے میں کامیاب رہی ہیں۔
کرناٹک پبلک اسکول، بیلور سے بھاونا پربھاکر نائک، اور کرناٹک پبلک اسکول، ترن مکّی سے ہرشن ناگیہ گونڈا، دونوں نے بھٹکل تعلقہ میں 98.88% سے شاندار کامیابی درج کرتے ہوئے پورے تعلقہ میں ٹاپ کیا ہے۔
بھٹکل نوائط کالونی انجمن گرلز انگلش میڈیم ہائی اسکول کی میمونہ عجائب بنت محمد امین عجائب، فاطمہ ریحا بنت رئیس احمد ایم جے ، اور فاطمہ سیرا بنت عبدالعظیم گنگاولی تینوں نے ایس ایس یل سی میں شاندار کامیابی درج کرتے ہوئے بھٹکل تعلقہ میں بالترتیب 98.72 فیصد کے ساتھ دوسرے،98.24 فیصد کے تیسرے اور98.08 فیصد کے ساتھ چوتھے نمبر سے کامیاب ہوئیں ہیں۔
گورنمنٹ ہائی اسکول تنگنگونڈی سے منوج بھیرا موگیر اور کتور رانی چنمّا رہائشی اسکول کی نینا دُرگیّا گونڈا دونوں نے 97.92 فیصد مارکس کے ساتھ تعلقہ میں پانچویں پوزیشن حاصل کی ہے۔
اِ مسال بھٹکل کے 18 اسکولوں نے صد فیصد کامیابی درج کی ہے جس میں علی پبلک گرلز اسکول، آنند آشرم کانوینٹ اسکول، سدھارتھا انگلش میڈیم ہائی اسکول، ودھا بھارتی انگلش میڈیم ہائی اسکول، جنتا ودیالیہ شرالی ہائی اسکول شامل ہیں۔ صد فیصد کامیابی درج کرنے والے اسکولوں میں آٹھ سرکاری اسکول بھی ہیں۔
بتاتے چلیں کہ اِس بار ضلع اُترکنڑا 86.54 فیصد کامیابی کی شرح کے ساتھ ریاست کرناٹک میں پانچویں نمبر پر ہے، جبکہ ضلع میں 96.42 فیصد کے ساتھ ہوناور اول نمبر پر، 95.63 فیصد کے ساتھ بھٹکل دوسرے نمبر پر اور کمٹہ 93.07 فیصد کے ساتھ تیسرے نمبر پر ہے۔ انکولہ85.18 فیصد کے چوتھے اور کاروار 79.42 فیصد کے ساتھ پانچویں نمبر پر ہے۔
ٹاپرس لسٹ اور صد فیصد نتائج کی لسٹ وغیرہ کے لئے یہاں کلک کریں: