بنگلورو،29؍جولائی (ایس او نیوز) موذی وباکوروناوائر س کے خطرناک پھیلاؤ کے موقع پر اسکولوں کوکھولنے کی جلدبازی حکومت کے پیش نظرنہیں ہے۔یہ بات ریاسی وزیربرائے بنیادی وثانوی تعلیم ایس سریش کمارنے کہی۔بروزمنگل غیرسرکاری تنظیموں (این جی اوز)کے نمائندوں کے ساتھ”ٹیکنالوجی پرمبنی تعلیم اوراسکولی سرگرمیاں“ عنوان کے تحت ہوئے ویبنارمباحثہ میں خطاب کرتے ہوئے انہوں نے کہا کہ موجودہ نازک حالت میں بچوں کی صحت کی حفاظت اوران کے مفادات کے تحفظ کے تناظرمیں حکومت اسکولوں کوکھولنے کی جلدبازی نہیں کرے گی،تاہم بچوں کوتعلیمی سرگرمیوں میں مشغول رکھنے کے لیے ہرزاویہ فکرونظرسے کوششیں جاری رکھی ہوئی ہیں۔ مختلف غیرسرکاری تنظیموں اور اداروں کے 36سے زائد نمائندوں پرمشتمل اس ویبینارمیں سریش کمارنے کہا کہ ایسی مشکل حالت میں تعلیم کوجاری رکھنے ہرا س محفوظ متبادل کوبروئے کارلانے پر توجہ مبذول کی جائے گی جس سے بچوں کاتعلیمی مستقبل تابناک ہو۔کوروناجیسی صورتحال سے پہلی مرتبہ دوچارہوئی ہے،اس لیے صورت حال سے نمٹنے کا کسی کے پاس کوئی سابقہ تجربہ نہیں ہے۔ا س سلسلہ میں حکومت کی جانب سے بچوں کی تعلیم کے حوالے سے ہرممکن کوششیں کی جارہی ہیں۔حکومت کی جانب سے اب تک بچوں کو تعلیم سے جوڑنے کی جوکوششیں کی گئیں اس پر تبصرہ کرتے ہوئے انہو ں نے کہا کہ پاٹھ شالہ، گھریلواسکول،جیسی ٹیکنالوجی پرمبنی تعلیم،آکاش وانی،چندنیا،پرائیویٹ ٹی وی اورمحکمہ تعلیمات عامہ کے چینلوں کے سمیت دستیاب تمام مواقع کوبروئے کارلانے کے سلسلہ میں حکومت غوروفکرکررہی ہے۔اس ویبینارمیں عظیم پریم جی فاؤنڈیشن،گرامس اکشرافاؤنڈیشن، یونیسیف،ایجوکیشن سی ای ای،واش پروگرام، فورتھ فاؤنڈیشن، لینڈ اے ہینڈانڈیا،وائٹ فیلڈ ریڈی ٹرسٹ،انڈین لٹریسی پراجیکٹ،روم ٹوریڈانڈیاٹرسٹ ودیگرکئی اداروں کے نمائندے شریک رہے۔