بھٹکل میں کل ہوں گے11 وارڈوں کے لئے میونسپل انتخابات؛ تیاریاں زوروں پر جاری
بھٹکل 28/مئی (ایس او نیوز) بھٹکل میونسپالٹی کے 11 وارڈوں کے لئے انتخابات کل بروز بدھ کو ہوں گے جس کے لئے تیاریاں زوروں پر جاری ہیں۔ گیارہ وارڈوں کے لئے 13 پولنگ بوتھ بنائے گئے ہیں اور ان 11 وارڈوں میں جملہ 27 اُمیدوار میدان میں ہیں۔ میونسپل انتخابات کے لئے بھٹکل بندر روڈ پر واقع نیو انگلش اسکول کو انتخابی مرکز بنایا گیاہے۔
آج منگل صبح نیو انگلش اسکول سے متعلقہ انتخابی وارڈوں کے لئے الیکٹرانک ووٹنگ مشینوں کو روانہ کیا گیا، اس سے قبل یہاں تمام انتخابی اہلکاروں کو ٹریننگ فراہم کی گئی تھی۔
کل صبح 7 بجے سے شام 6 بجے تک انتخابی کاروائی چلے گی جس کے لئے ہر انتخابی وارڈ کے لئے الگ الگ آفسران کو ذمہ داری سونپی گئی ہے۔
خیال رہے کہ بھٹکل میونسپالٹی کی جملہ 23 سیٹوں میں سے 12 وارڈوں کے لئے کونسلروں کا انتخاب بلامقابلہ ہوچکا ہے جس میں تین کا تعلق کانگریس سے جبکہ نو آزاد اُمیدوار ہیں۔بقیہ گیارہ وارڈوں کے لئے کل 29 مئی کو انتخابات ہوں گے۔
انتخابات میں کونسے وارڈ پر کون کھڑا ہے :
کونسے وارڈ کے لئے کون کون اُمیدوار انتخابات لڑیں گے، اس کی تفصیل اس طرح ہے:
وارڈ نمبر 4: اسماعیل اِمشاد مختصر (آزاد)، اُودے نائک (بی جےپی ) ۔۔۔(755 مسلم ووٹرس ، جملہ 1136ووٹرس)
وارڈ نمبر 6: محی الدین الطاف کھروری (آزاد)، محی الدین سلیط دامودی (آزاد) ۔۔۔۔ (710مسلم ووٹرس، جملہ 765 ووٹرس)
وارڈ نمبر 7: زرین محمدغوث (آزاد) ، مڈیوال سُوما (بی جے پی) ۔۔۔۔ (773مسلم ووٹرس ، جملہ 1236 ووٹرس)
وارڈ نمبر 8: وکٹر گومس (آزاد)، پاسکل گومس (آزاد)
وارڈ نمبر10: فرزانہ بانو خان یونس (کانگریس) ، راجوتی نائک (بی جے پی) (778مسلم ووٹرس ، جملہ 1411 ووٹرس)
وارڈ نمبر 11: راجو شیٹ (آزاد)، وینکٹیش نائک (کانگریس)، ماروتی شیٹ (جےڈی ایس)، رگھویندرا شیٹ (بی جے پی)، اُودے رائکر (آزاد) ۔۔۔۔۔ (384مسلم ووٹرس، جملہ 914 ووٹرس)
وارڈ نمبر 15: موہن نائک (آزاد) ، کمار نائک (بی جے پی)
وارڈ نمبر 18: عائشہ حبیب احمد (آزاد)، جینتی دیوداس مِنجچی (بی جے پی) ۔۔۔ (259مسلم ووٹرس، جملہ 398 ووٹرس)
وارڈ نمبر 19: رگھویندرا بابو گاولی (آزاد) ، رویندرا سُوبّو منگلا (بی جے پی) ، نارائن گاولی (جےڈی ایس)
وارڈ نمبر 22: پربھو رجنی بائی (بی جے پی)، مُلّا نسیم افروسی (آزاد) ۔۔۔ (379مسلم ووٹرس، جملہ 657 ووٹرس)
وارڈ نمبر 23: کرشنانند پائی (آزاد)، یشودھر نائک (بی جے پی)، مصطفیٰ محمد قاسم (آزاد) ۔۔ (427مسلم ووٹرس، جملہ 1196ووٹرس)
انتخابات کہاں کہاں ہوں گے :
جن 11 وارڈوں کے لئے انتخابات ہوں گے، اُن وارڈوں کے لئے جگہ متعین کی گئی ہے، تفصیلات اس طرح ہے:
وارڈ نمبر 4 : اُردو سرکاری اسکول ، مخدوم کالونی
وارڈ نمبر 6: میونسپالٹی ہال، گونڈرکیری، کوگتی
وارڈ نمبر 7: آنند آشرم کانوینٹ اسکول
وارڈ نمبر 8: اُردو سرکاری اسکول، ڈارنٹا
وارڈ نمبر 10، 10A اور 11 : سرکاری اسکول سونارکیری
وارڈ نمبر 18: انجمن گرلز ہائی اسکول، بستی روڈ
وارڈ نمبر 23 ,22 , 19A اور 19 سرکاری کنڑا گرلز اسکول
وارڈ نمبر 15 سرکاری اسکول منکولی کیری