اپن انگڈی :پولیس اسٹیشن کے باہر پی ایف آئی کے احتجاج معاملہ میں 10 افراد گرفتار
اپن انگڈی 16/ دسمبر (ایس او نیوز) اپن انگڈی پولیس کی جانب سے کیے گئے پی ایف آئی لیڈروں کی رہائی کرتے ہوئے پی ایف آئی نے پولیس اسٹیشن کے باہر جو احتجاجی مظاہرہ کیا تھا اور مظاہرین پر پولیس لاٹھی چارج کے بعد صورتحال بڑی ہنگامہ خیز ہوگئی تھی، اس پس منظر میں آج پولیس نے 10 افراد کو گرفتار کرلیا ہے۔
پولیس کا کہنا ہے کہ اپی ایف آئی کی احتجاجی بھیڑ توڑ پھوڑ اور تشدد پر اتر آئی تھی اور پولیس پر بھی حملہ آور ہوئی تھی ۔ اس کے علاوہ علاقہ میں دفعہ 144 لاگو کرکے بھیڑ کو منتشر ہونے کی ہدایت دینے کے باوجود ہجوم نے زبردستی پولیس اسٹیشن میں گھسنے کی کوشش کی تھی ۔ اس معاملہ میں جن لوگوں کو گرفتار کیا گیا ہے ان کی شناخت محمد طاہر، صادق، عبدالمبارک، محمد فیصل ، محمد حنیف، کے نسیم، محمد آصف اور طفیل محمد بتائے گئے ہیں ۔ ان لوگوں پر قاتلانہ حملہ کا دفعہ 307 اور عوامی املاک کو نقصان پہنچانے کے قانون کے پی ڈی ایل کی دفعہ 2(a) سیمت آئی پی سی کی مختلف دفعات کے لگائی گئی ہیں۔
یاد رہے کہ پولیس لاٹھی چارج میں پی ایف آئی کے بہت سے کارکنان اور عام افراد بھی بری طرح زخمی ہوگئے تھے جن کا ابھی اسپتالوں میں علاج چل رہا ہے ۔ پولیس پر مسجد میں نماز ادا کرنے والوں یہاں تک کہ امام پر بھی لاٹھی چارج کرکے انہیں بھی بری طرح زخمی کرنے کا الزام لگایا جارہا ہے اور اس تعلق سے سوشیل میڈیا پر زخمیوں کے فوٹوز بھی وائرل ہورہے ہیں۔ جبکہ کہا جارہا ہے کہ واردات میں دو پولیس والے بھی زخمی ہوئے ہیں اور پتور سرکاری اسپتال میں زیر علاج ہیں۔