ٹی 20 ورلڈ کپ کے پہلے سیمی فائنل میں نیوزی لینڈ نے انگلینڈ کو دی 5 وکٹوں سے شکست ؛ فائنل میں داخل

Source: S.O. News Service | Published on 11th November 2021, 11:54 AM | اسپورٹس | ان خبروں کو پڑھنا مت بھولئے |

ابو ظہبی ، 11؍نومبر (ایس او نیوز؍ایجنسی) ٹی 20 ورلڈ کپ کے پہلے سیمی فائنل میں نیوزی لینڈ نے انگلینڈ کو پانچ وکٹوں سے شکست دے کر فائنل کے لیے کوالیفائی کرلیا ہے۔ نیوزی لینڈ کی ٹیم نے 167 رنز کا ہدف 19 ویں اوور کی آخری گیند پر حاصل کیا جبکہ اس کی5 وکٹیں باقی تھیں۔

نیوزی لینڈ کی جانب سے ڈیرل مچل نے چار چھکوں اور چار چوکوں کی مدد سے 73 رنز کی ناقابل شکست اننگز کھیلی اور ٹیم کی جیت میں اہم کردار ادا کیا۔ انہیں میچ کا بہترین کھلاڑی قرار دیا گیا۔

ٹی20 ورلڈ کپ کے پہلے سیمی فائنل میں انگلینڈ نے پہلے بیٹنگ کی اور نیوزی لینڈ کو 167 رنز کا ہدف دیا جو نیوزی لینڈ نے 19ویں اوور میں مکمل کر لیا۔

شروع میں انگلش بولرز نے نیوزی لینڈ کے پے درپے دو وکٹیں گرا کر نیوزی لینڈ کو دباؤ میں لایا۔

نیوزی لینڈ کے مارٹن گپٹل پہلے اوور میں 4 رنز جبکہ کین ولیمسن دوسرے اوور 5 رنز بنا کر آؤٹ ہو گئے۔ دونوں کھلاڑی کرس ووکس کی گیند پر آؤٹ ہوئے۔

 14ویں اوور میں نیوزی لینڈ کے ڈیون کونوے 46 رنز جبکہ 16ویں اوور میں گلین فلپس صرف 2 رنز بنا کر کیچ آؤٹ ہوئے۔ یہ دونوں کھلاڑی لیونگ سٹون کی گیند پر آؤٹ ہوئے۔

 جمیز نیشم 10 گیندوں پر ایک چوکے اور دو چھکوں کی مدد سے 26 رنز بنانے کے بعد 18ویں اوور میں کیچ آؤٹ ہوئے۔

انگلینڈ کی اننگز بدھ کو ابو ظبی کے شیخ زاید سٹیڈیم میں نیوزی لینڈ نے ٹاس جیت کر پہلے بولنگ کا فیصلہ کیا تو انگلینڈ نے مقررہ 20 اوررز میں چار وکٹوں کے نقصان پر 166 رنز بنائے۔ انگلینڈ کی جانب سے معین علی 51 رنز کے ساتھ ناقابل شکست رہے جبکہ ڈیوڈ ملان 41 رنز کے ساتھ نمایاں سکورر رہے۔

 اس سے قبل انگلینڈ کی جانب سے جوز بٹلر اور جونی بیئرسٹو نے محتاط انداز میں اننگز کا آغاز کیا تو چھٹے اوور میں ایڈم میلن کی گیند پر جونی بیئرسٹو 13 رنز بنا کر کیچ آؤٹ ہو گئے۔ نویں اوور کی پہلی گیند پر جوز بٹلر ایل بی ڈبلیو آؤٹ ہو گئے۔ بٹلر نے 24 گیندوں میں چار چوکوں کی مدد سے 29 رنز بنائے۔ سولہویں اوور میں ٹم سودھی کی گیند پر ڈیوڈ ملان 41 رنز بنا کر کیچ آؤٹ ہوئے۔ آخری اوور میں لیونگ سٹون 17 رنز بنا کر کیچ آؤٹ ہوئے۔

انگلینڈ نے ٹی 20 ورلڈ کپ کے گروپ ون میں پہلے چارمیچ جیتنے کے بعد آخر میں جنوبی افریقہ سے شکست کھائی۔

 نیوزی لینڈ کو گروپ 2 کے پہلے میچ میں پاکستان سے شکست ہوئی لیکن اس کے بعد کے چار میچوں میں وہ فاتح رہی اور اس نے سیمی فائنل کے لیے کوالیفائی کر لیا۔

اس سے قبل 2 آئی سی سی میگا ایونٹس میں انگلینڈ کی ٹیم کو نیوزی لینڈ پر برتری حاصل رہی۔ ٹی 20 ورلڈ کپ 2016 کے سیمی فائنل میں نیوزی لینڈ کو انگلینڈ نے شکست دی اور پھر ون ڈے میچ میں بھی انگلینڈ کی ٹیم فاتح رہی۔

 یو اے ای میں جاری ٹی 20 ورلڈ کپ میں اب تک انگلینڈ کی ٹیم کی کارگردگی شاندار رہی ہے۔ انگلینڈ کے بیٹسمین جوز بٹلر پاکستان کے بابر اعظم کے بعد ٹاپ سکوررز میں اس وقت دوسرے نمبر پر ہیں۔

 واضح رہے کہ اس سے قبل انگلینڈ اور نیوزی لینڈ پانچ مرتبہ ایک دوسرے کے مد مقابل آئیں، جن میں سے تین میچ انگلینڈ جبکہ دو نیوزی لینڈ کے نام رہے۔

ٹی 20 ورلڈ کپ کا دوسرا سیمی فائنل جمعرات کو پاکستان اور آسٹریلیا کے درمیان ہو گا۔

ایک نظر اس پر بھی

کامن ویلتھ گیمز: ارشد ندیم نے طلائی تمغہ جیتا تو نیرج چوپڑا نے کہا ’آل دی بیسٹ‘

جیولن  تھرو کے دو بہترین کھلاڑی نیرج چوپڑا اور ارشد ندیم آپس میں بہترین دوست بھی ہیں۔ ہندوستانی کھلاڑی نیرج چوپڑا اور پاکستانی کھلاڑی ارشد ندیم ایک دوسرے کو ’بھائی‘ کہہ کر مخاطب کرتے ہیں۔

کامن ویلتھ گیمز 2022: سندھو کے بعد لکشیہ سین نے بھی کیا کمال، حاصل کیا طلائی تمغہ

ہندوستان کا کامن ویلتھ گیمز میں شاندار مظاہرہ جاری ہے۔ ویٹ لفٹنگ، کشتی کے بعد اب ہندوستانی بیڈمنٹن اسٹارس نے کمال کر دیا۔ پی وی سندھو کے بعد بیڈمنٹن اسٹار لکشیہ سین نے کامن ویلتھ گیمز 2022 کے بیڈمنٹن سنگلز فائنل میں ملیشیا کے تجے ینگ کو شکست دے کر طلائی تمغہ اپنے نام کیا ہے۔

کامن ویلتھ گیمز 2022 : نکہت زرین اور شرت کمل ہوں گے اختتامی تقریب میں ہندوستانی پرچم بردار

انگلینڈ کے برمنگھم میں کھیلے جا رہے 22ویں کامن ویلتھ گیمز کا آج یعنی 8 اگست کو آخری دن ہے۔ آج ہی ان کھیلوں کا اختتام ہو جائے گا اور اختتامی تقریب کا انعقاد عمل میں آئے گا۔ اس اختتامی تقریب میں ایک بار پھر سبھی ممالک کے نئے پرچم بردار دکھائی دیں گے۔

ہندوستان نے ویسٹ انڈیز کو پانچویں ٹی20 میں بھی شکست دی ، سیریز پر1-4 سے قبضہ

 ہندوستانی ٹیم نے ویسٹ انڈیز کے خلاف سیریز کا پانچواں ٹی20 میچ اتوار کو 88 رنوں کے بڑے فرق سے جیت لیا۔ اسی کے ساتھ ٹیم انڈیا نے 5 میچوں کی ٹی20 سیریز 1-4 سے اپنے نام کیا۔ فلوریڈا کے لاڈرہل میں کھیلے گئے اس مقابلے میں ہندوستان نے مقررہ 20 اوور میں 7 وکٹ پر  188 رن بنائے۔

کامن ویلتھ گیمز: ہندوستان نے ایک دن میں جیتے 5 طلائی، 4 نقرئی اور 6 کانسے، اب تک 55 تمغے حاصل

  برطانیہ کے برمنگھم میں کھیلے جا رہے کامن ویلتھ گیمز 2022 میں ہندوستانی کھلاڑیوں کا شاندار کارکردگی کا مظاہرہ جاری ہے۔ کھیلوں کے دسویں دن (اتوار کے روز) 7 اگست کو ہندوستان نے 15 تمغے اپنے نام کئے۔ اس میں 5 گولڈ، 4 سلور اور 6 برونز میڈل شامل ہیں۔ اسی کے ساتھ ٹیبل ٹینس اور بیڈمنٹن میں ...

گجرات: تعزیہ داری کے دوران حادثہ، کرنٹ لگنے سے 2 افراد ہلاک، 10 زخمی

آج ہندوستان ہی نہیں، کئی دیگر ممالک میں بھی عام عاشورہ کے موقع پر تعزیہ داری کا اہتمام کیا جا رہا ہے۔ 8 اگست کو بھی کئی مقامات پر تعزیہ داری ہوئی اور عزاداری کا اہتمام بھی کیا گیا۔ اس دوران گجرات میں اندوہناک حادثہ پیش آیا ہے۔

نوئیڈا میں خاتون سے گالی گلوچ کرنے کا ملزم لیڈر شری کانت تیاگی میرٹھ سے گرفتار

 اتر پردیش کے نوئیڈا میں واقع گرینڈ اومیکس سوسائٹی میں خاتون کے ساتھ بدسلوکی کرنے کے ملزم بی جے پی لیڈر شری کانت تیاگی کو گرفتار کر لیا گیا ہے۔ تیاگی کو گرفتار کرنے کے لئے ایس ٹی ایف کی کئی ٹیمیں تشکیل دی گئی تھیں۔ میڈیا رپورٹ کے مطابق شری کانت تیاگی کو میرٹھ سے گرفتار کیا گیا ...

کیوبا میں فیول اسٹوریج میں آتشزدگی، ایک افراد ہلاک، کم از کم 122 زخمی

کیوبا کے ماتنجاس بندرگاہ میں ایک ایندھن ذخیرہ سسٹم میں زبردست آگ لگنے سے ایک شخص کی موت ہو گئی ہے اور کم از کم 122 افراد کے زخمی ہونے کی اطلاع ہے۔ یہ واقعہ آسمانی بجلی گرنے کے بعد پلانٹ میں ایک خام تیل کے ٹینک میں زبردست آگ لگنے سے پیش آیا۔ اس حادثہ کے بعد ملک پر زبردست بجلی ...

پاترا چال معاملہ: سنجے راؤت کو 22 اگست تک عدالت تحویل میں بھیجا گیا

 شیو سینا کے راجیہ سبھا رکن سنجے راؤت کو 22 اگست تک عدالتی تحویل میں بھیجنے کا حکم صادر کیا گیا ہے۔ تاہم عدالت نے ان کے تئیں نرم رویہ اختیار کرتے ہوئے عدالتی تحویل کے دوران ادویات اور گھر کا کھانا منگانے کی اجازت دی ہے۔