منڈگوڈ میں بی جےپی اور یڈیورپا کے خلاف گرجے حزب مخالف لیڈر سدرامیا: وزیرا علیٰ اور امیت شاہ کے استعفیٰ کا مطالبہ ؛ شیورام ہیبار کو سبق سکھانےکی اپیل
منڈگوڈ:05؍نومبر(ایس اؤ نیوز)نااہل قرار دئیے یلاپور کے شیورام ہیبار کو آر وی دیش پانڈے نے ہی بی جے پی سے لاکر کانگریس میں دو مرتبہ جیت دلائی۔ شیورام ہیبار اپنے بل بوتے پر جیت درج نہیں کی تھی بلکہ کانگریس اور پارٹی کارکنان کی جدوجہد کا نتیجہ تھا وہ جیت کر ودھان سبھا پہنچے۔ ان خیالات کااظہار کرتےہوئے ودھان سبھا میں حزب مخالف لیڈر سدرامیا نے شیورام ہیبار کے خلاف سخت تنقید کی۔
وہ یہاں تعلقہ میدان میں پیر کو منعقدہ کانگریس کارکنان سماویش میں عوام سے مخاطب تھے۔ سدرامیا نے عوام سے کہاکہ ہماری حکومت نے یلاپور حلقہ کی ترقی کے لئے کافی رقم منظور کی تھی مگر شیورام ہیبار سرگرم نہیں تھے کہ منظور کی ہوئی رقم کو حلقہ کے لئے استعمال نہیں کیا۔ جو بہت معصوم نظر آتے ہیں ان پر اعتماد نہیں کرناچا ہئے، پیٹھ میں چھرا گھونپا ہے،مجھے یا پارٹی کو تو دھوکہ دیا ہے پرواہ نہیں ، لیکن اس حلقہ کے عوام کو بھی انہوں نے دھوکہ دیا ہے مجھے پورا اعتماد ہے کہ عوام ان کو سبق سکھائیں گے۔
بی جے پی کے صدر امیت شاہ اور وزیر اعلیٰ یڈیورپا کے خلاف بھی الزامات کی بوچھار کرتے ہوئے سدرامیا نے سوال کیا کہ لیک ہوئے آڈیو کو اپنا کہنے والے یڈیورپا پلٹ کر میرے آڈیو میں دخل اندازی کی بات کہہ رہے ہیں، کیا یڈیورپا کی دو زبانیں ہیں ؟۔ چونکہ امیت شاہ ان پر دباؤ بنائے ہوئے ہیں اسی لئے یڈیورپا اپنے ہی بیان کو غلط قرار دے رہے ہیں غالباً نلین کمار کٹیل یا لکشمن ساودی جیسے لوگوں نے ہی ان کا وڈیو لیک کرنےکا الزام لگایا۔ بی جے پی والے جھوٹے بولنے میں ماہر ہیں، جھوٹ ان کے گھر کا بھگوان ہے،انہیں سچ بولنا آتا ہی نہیں ہے۔ بی جےپی کے اندرونی خلفشار پر بات کرتے ہوئے سدرامیا نے کہا کہ یڈیورپا کی حالت دیکھیں تو مجھے بہت افسوس ہوتاہے۔ خود ان کی پارٹی کے لوگ ہی انہیں نکال باہر کرنے کی سوچ رہے ہیں، یڈیورپا جی! خود تمہاری پارٹی میں ہی چور ہیں، یڈیورپا نے خود ہاتھ جوڑ کر درخواست کی تھی کہ کسی کے سامنے مت بولیں، لیکن یڈیورپا کو پھنسانے کے لئے آڈیو، وڈیو لیک کئے ہیں اسی لئے ہم سپریم کورٹ جانے کی بات کہی۔
سدرامیا نے وزیرا عظم مودی پر بھی تنقید کرتےہوئے کہاکہ عالمی بھوک انڈکس کے مطابق ہماراملک اس وقت 102نمبر پر ہے جب کہ 2015میں ہم 93نمبر پر تھے، اس کے لئے مودی ہی اہم وجہ سبب ہونے کا الزام لگایا۔بی جےپی صدر امیت شاہ پارٹی تبدیلی میں راست کام کئے ہیں، امیت شاہ اور یڈیورپا دستور کی خلاف ورزی کئےہیں انہیں اقتدار میں رہنے کا حق ہے یا نہیں عوام فیصلہ کریں۔ اگریہ دونوں عزت چاہتےہیں تو استعفیٰ دے کر عہدوں سے برخاست ہونےکا مطالبہ کیا۔
عوام سے ریاستی کانگریس صدر دنیش گنڈوراؤ، سابق وزیر آر وی دیش پانڈے ، ایس ایل گھوٹنیکر، ایس آر پاٹل ، ڈاکٹر ایچ سی مہادیوپا،ایچ کے پاٹل ، یلاپور حلقہ کے کانگریس امیدوار بھیمنانائک وغیرہ نے اپنے خیالات کااظہار کیا۔ سابق ارکان اسمبلی منکال وئیدیا، شاردا شٹی ، ستیش سئیل وغیرہ موجود تھے۔