بھٹکل 18 اگست (ایس او نیوز): نارتھ ویسٹ کرناٹک روڈ ٹرانسپورٹ کارپوریشن  (NWKRTC) نے سکینڈٖ پی یو سی کے دوسرے سپلیمنٹری امتحانات میں شریک ہونے والے طلبہ کی سہولت کے لئے مفت بس سروس کی سہولت فراہم کرنے کا اعلان کیا ہے۔

یہ امتحانات 21 اگست سے شروع ہونے والے ہیں اور 2 ستمبر کو اختتام پذیرہوں گے۔

NWKRTC کے ڈپٹی چیف مینجر ایچ رمن گوڈا نے پریس ریلیز جاری کرتے ہوئے بتایا کہ PUC 2nd سپلیمنٹری امتحان میں شرکت کرنے والے طلباء کو چاہئے کہ وہ NWKRTC کی کسی بھی بس پرچڑھ کر کنڈیکٹر کو اپنا امتحانی ہال ٹکٹ دکھا کرمفت میں اپنے گھر کے قریبی بس اسٹاپ سے امتحانی مراکز اورامتحان کے بعد اسی طرح NWKRTC کی کسی بھی بس پرسوار ہوکر واپس اپنے گھر لوٹ سکیں گے۔

انہوں نے بتایا کہ NWKRTC کی سٹی بس، دیہاتی بس، جنرل بس یہاں تک کہ ایکسپریس بس پر بھی طلبہ کےلئے فری بس کی سہولت دستیاب ہوگی.