کاروار:17؍ جنوری (ایس اؤ نیوز)اترکنڑا ضلع کے 16سرکاری ہائی اسکولوں کو ترقی دیتے ہوئے نئے پی یوکالج شروع کرنے کی منظوری دی گئی ہے۔ اس سلسلے میں محکمہ  پی یو تعلیمات عامہ نے ستمبر میں ہی حکم جاری کیاتھا لیکن اس کا نفاذ نہیں ہواتھا۔ اب دوبارہ حکم نامہ جاری کرتےہوئے نافذ کرنےکہاگیا ہے۔

سرکاری اسکولوں میں دستیاب بنیادی سہولیات اور حالیہ اساتذہ اورلکچرر حضرات کی خدمات کوحاصل کرتےہوئےپی یوکالج شروع کرنےکہاگیا ہے۔ سرکاری ہائی اسکولوں میں سال 2021-22سےنئے طورپر پی یو سی اول کے کلاسس شروع ہونگے۔

کون کونسے اسکولوں کی ترقی :بھٹکل تعلقہ کے تیرن مکی سرکاری ہائی اسکول ، کمٹہ تعلقہ میں مرجان ، برگی ، ناڈو ماسکیری ، سنتے گولی ، جوئیڈا تعلقہ میں تِنّے گھاٹ، ہلیال تعلقہ میں ساتنہلی ، سانبرانی ، جنگا، انکولہ تعلقہ میں اگر گون ، بیلکیری ، ہارواڑ، اچوے، ہوناور تعلقہ میں ہڈین بال ،گیرسوپا، اور چتارہائی اسکولوں کو ترقی دے کر پی یوکالج شروع کئےجائیں گے۔