اترکینرا کے رکن پارلیمان عوام کو ملے نہ ملے، لیکن کم سے کم ان کا دفتر تو کھلا رہے : دفتر بند دیکھ کر یمونا گاؤنکر مایوس
کاروار:10/ جنوری (ایس اؤنیوز) دکشن کنڑا آنگن واڑی ملازمین سنگھا کی ضلع صدر یمونا گاؤنکر نے پریس ریلیز کے ذریعے جانکاری دی ہے کہ ہم لوگ یعنی آنگن واڑی ملازمین سنگھا کےعہدیداران اور ممبران اپنی مانگوں کو لےکر جب مرکزی اسکل اینڈ ڈیولپمنٹ وزیر اننت کمار ہیگڈے کی کاروار میں واقع آفیس پہنچے تو دفتر کے دروازے پر قفل دیکھ کر تعجب ہوا اور سخت افسوس بھی ہوا کیونکہ پتہ چلا کہ پچھلے 15دنوں سے دفتر بند پڑا ہے۔ انہوں نے کہا کہ ہمیں بالاخر اپنی مانگوں کو دروازے کےنیچے سے اندر پھینک کرواپس لوٹنا پڑا۔
گاؤنکر نے بتایا کہ سنگھا کی طرف سے اب سرسی دفتر جا کر اس اپیل کی رسیوڈ کاپی لانے کا فیصلہ کیا گیا ہے، ساتھ ہی ساتھ ہم نے سوچا ہے کہ ضلعی مرکز میں قائم وزیر کے دفتر میں کارگزاری کی درخواست دے کر آئیں گے۔
انہوں نے کہا کہ اُترکنڑا علاقہ کے عوام کو مرکزی وزیر نہیں ملتے ہیں، یہ عام شکایتیں پہلے سے تھیں، مگر کم سے کم ان کادفتر کھلا رہنا چاہئے تھا، مگر وہ بھی بند پڑا ہے۔ انہوں نے مزید بتایا کہ ہم مطالبہ کریں گے کہ دفتر کو ہمیشہ کھلا رکھا جائے۔
یموناگاؤنکر نے اپنی مانگوں کےمتعلق جانکاری دیتےہوئے بتایا کہ ہماری مانگ ہے کہ آنگن واڑی ملازمین کو مرکز سے ملنے والی امداد بر وقت ملے، مستفیدین کو راست نقد منتقلی اور پاکٹ غذا نہیں چاہئے ، لوک سبھا میں وزارت خواتین و اطفال کی طرف سے کہاگیا ہے کہ آنگن واڑی ملازمین کے مشاہیرہ میں اضافہ کیا گیا ہے، جس کو ہم نہیں مانتے ، موصوف وزیر سے درخواست ہے کہ وہ آنگن واڑی ملازمین کی طرف سے لوک سبھا میں مدعا پیش کرے، جس کے لئے ہم 17جنوری کو ان کے گھر پہنچ کر اپنے مانگوں کی لسٹ درخواست کی صورت میں دیں گے۔ اس دن ہماری درخواست قبول کرنے کے لئے دعوت دینے آج یہاں پہنچے ہوئے تھے تو دیکھتے ہیں کہ دفتر کا دروازہ ہی بند ہے۔ اس موقع پر آنگن واڑی ملازمین سنگھا کی ریاستی جنرل سکریٹری سنندا ایچ ایس، موہنی نمسیکر، للتا ہیگڈے ، لکشمی سدی ، شالنی کلمنے وغیرہ موجود تھے۔