بنگلورو، 20؍اپریل (ایس او نیوز) کرناٹک میں کورونااوائرس سے متاثر ہونے والوں کی تعداد میں اتوار کے روز قدرے کمی رہی اور صرف 6 تازہ معاملات سامنے آئے لیکن اس کے ساتھ ہی اس مہلک وائرس سے متاثر ہونے والے دو اور لوگوں کی موت کے ساتھ مرنے والوں کی تعداد 16 تک جا پہنچی ۔

دکشن کنڑا ضلع کے منگلورو میں ایک 50 سالہ خاتون جسے سانس لینے میں تکلیف کی شکایت پر اسپتال میں داخل کروایا گیا تھا اس نے دم توڑ دیا۔ دوسری موت بنگلورو میں ہوئی ۔ ان کو بھی سانس لینے میں دسورای کی شکایت پر اسپتال میں داخل کیا گیا تھا۔

کرناٹک میں اتوار کے روز 6 ؍ تازہ معاملات سامنے آئے ان میں سے 4 میسورو سے ہیں۔ اتوار کے روز ریاست میں کم معاملات سامنے آنے سے عوام اور حکومت کو کچھ حد تک راحت کی سامنے آنے سے عوام اور حکومت کو کچھ حد تک راحت کی سانس لینے کا موقع ملا ۔

گزشتہ تین چار دن کے دوران کرناٹک میں ایک سو سے زیادہ لوگ اس وائرس سے متاثر پائے گئے جس کے سبب سرکاری اور عوامی حلقوں میں اس وائرس سے متاثر پائے گئے جس کے سبب سرکاری اور عوام حلقوں میں وائرس کی دہشت میں اضافہ ہوگیا۔ تاہم اتوار کی شام5 بجے تک کی رپورٹوں کے مطابق کرناٹک میں صرف چھ نئے معاملات سامنے آئے ہیں ان میں میسورو کے چار تازہ معاملات کے علاوہ دکشن کنڑا ضلع سے دو تازہ معاملہ سامنے آئے ۔ اس تازہ اضافہ کے ساتھ کرناٹک میں کورونا وائرس سے متاثر ہونے والوں کی تعداد 390 تک پہنچ گئی۔ مرنے والوں کی تعداد 16 تک پہنچ گئی ۔

ریاست کی راجد ھانی بنگلورو سے اتوار کے روز کوئی نیا کیس سامنے نہیں آیا ۔ کرناٹک میں اب تک صحت تاب ہونے والوں کی تعداد بڑھ کر 111 ہوگئی ہے جبکہ 263 مختلف اسپتالوں میں اب بھی زیر علاج ہیں۔

بنگلورو میں متاثرین کی تعداد 100 رہی، میسورو84 ، بیلگاوی 42 ، کلبرگی 22، وجئے پور 21 ، باگل کوٹ 21 ، دکشن کنڑا15 ، بیدر 14، چکبالاپور13 ، بیلاری 13، منڈیا12، اُتر کنڑا11، دھارواڑ 7، بنگلورو رورل 5، اُڈپی 3، گدگ 3، داونگرے 3، ٹمکورو1، کورگ1۔