بھٹکل میں دن دھاڑے چوری کی واردات؛ دو گھنٹوں میں 18 لاکھ مالیت کے زیورات پر کیا گیا ہاتھ صاف

Source: S.O. News Service | By I.G. Bhatkali | Published on 10th May 2024, 11:45 PM | ساحلی خبریں |

بھٹکل 10/ مئی (ایس او نیوز) تعلقہ کے شرالی ۔چتراپور کے ایک مکان میں چوروں نے گھر کے اندر گھس کر  صرف دو گھنٹوں کے اندر 18 لاکھ مالیت کے زیورات سمیت 35/ ہزار نقد رقم پر ہاتھ صاف کرلیا۔ واردات جمعہ  صبح  نو بجے سے گیارہ بجے کے درمیان  پیش آئی۔

ذرائع نے بتایا کہ  منجوناتھ نائک عرف مہیش  صبح قریب    آٹھ بجے   اپنی   منی لاری  لے کر کام پر چلا گیا، جبکہ اس کی بیوی  بیبی نائک   قریب 8:50 کو  کام کے لئے گھر سے نکلی تھی۔ وہ  قریب ڈیڑھ کلو میٹر دور  ایک پیپر فیکٹری میں ملازمت کرتی ہے  ۔ 

منجوناتھ نائک جب 11:10 کو گھر پہنچا تو اُس کی حیرت کی انتہا نہ رہی جب گھرکا دروازہ  کُھلا ہوا تھا، اندر جاکر دیکھا تو الماری کھلی ہوئی تھی اور پورا سامان بکھرا پڑا تھا۔ جانچ کرنے پر پتہ چلا کہ  سونے کے زیورات کے ساتھ نقد رقم بھی غائب ہے۔ سونے کے زیورات کی مالیت قریب 18 لاکھ بتائی گئی ہے۔

تعجب کی بات یہ ہے کہ سامنے والا   اور پچھواڑے  والا دروازہ دونوں صحیح سلامت ہے،  سمجھا جارہا ہے کہ یا تو چور پہلے سے ہی گھر کے اندر چھپ کر بیٹھا تھا،جیسے ہی میاں بیوی گھر سے باہرنکلے،  چور نے اپنی کاروائی انجام دی، یا پھر  بیبی نائک  ڈیوٹی پر جانے سے قبل دروازے کو تالہ لگانا بھول گئی ہوگی۔ اس تعلق سے   پولس جانچ کے بعد ہی پتہ چلے گا کہ چور گھر کے اندر کیسے داخل ہوئے تھے۔

واقعے کی اطلاع ملتے ہی  مضافاتی پولس ٹیم  انسپکٹر چندن گوپال  کے ساتھ  جائے وقوع پر پہنچی ضروری جائزہ لینے اور چھان بین کے بعد  کاروار سے ڈاگ اسکواڈ اور فنگر پرنٹس کے ماہرین  کو بلایا گیا۔ جمعہ شام کو ہی ڈاگ اسکواڈ اور فنگر پرنٹس کے ماہرین کے ذریعے چھان بین کی کاروائی انجام دی گئی ہے۔

بھٹکل مضافاتی پولس تھانہ میں معاملہ درج کیا گیا ہے، چھان بین جاری ہے۔

ایک نظر اس پر بھی

کمٹہ کے تدڑی میں سیاحوں کی کشتی ڈوبنے کا معاملہ : محکمہ ٹورازم کی کارروائی - 21 ٹورسٹ بوٹس کا لائسنس منسوخ

تعلقہ کے تدڑی موڈنگی میں سیاحوں کی کشتی ڈوبنے کا جو معاملہ پیش آیا تھا اس پر محکمہ سیاحت کی طرف سے کارروائی کی گئی اور غیر قانونی طور پر یا لائسنس کی تاریخ ختم ہونے کے باوجود چلائی جا رہی ٹورسٹ بوٹس کے اجازت نامے عبوری طور پر منسوخ کر دئے گئے۔ 

مرڈیشور بستی مکّی میں جنگلاتی زمین پر قبضہ - وزیر منکال وئیدیا پر اٹھ رہی ہیں انگلیاں - محکمہ جنگلات نے لگائی روک

مرڈیشور بستی مکّی میں موجود اتر کنڑا ضلع انچارج وزیر منکال وئیدیا کی صدارت میں چل رہے بینا وئیدیا اسکول سے متصل جنگلاتی زمین پر ناجائز قبضے کی کوشش کے بعد محکمہ جنگلات نے مداخلت کرتے ہوئے وہاں چل رہی کھدائی اور صفائی کے کام پر روک لگا دی ہے ، مگر اس ناجائز قبضے کے معاملے میں ...

ادیب و شاعر نفرت کی آگ کو گلزار بنانے کا کام کریں: بھٹکل میں منعقدہ شعری نشست میں سالک ندوی ‌کا‌اظہار خیال

وطن عزیز ان دنوں انتہائی اہم دور سے گزر رہا ہے۔ایک طرف تہذیبی جارحیت نے ان ہنگاموں کو نہایت سنگین بنا دیا ہے تو دوسری طرف فرقہ پرستی، تنگ نظری،لسانی عصبیتیں، اور طبقاتی کشمکش عروج پر ہے اور بے چہرگی کی بھیڑ میں انسانوں کا وجود ہی گم ہو گیا ہے۔

سرسی : کار خریدی کے نام پر بینکوں کو دھوکہ دینے کے الزام تین افراد پر کیس درج 

کار خریدی کے نام پر بینک کو دھوکہ دینے اور نقلی دستاویزات کے ذریعے لاکھوں روپے قرضہ حاصل کرنے کے الزام میں رویش ہیگڑے، وینکٹرمنا گجانن ہیگڑے اور منی کنٹا چندرا شیکھر نائک کے خلاف کیس درج کیا گیا ہے ۔

بیلتنگڈی : پتھروں کی غیر قانونی کھدائی کے خلاف پولیس کی کارروائی - پولیس کو دھمکی دینے پر رکن اسمبلی ہریش پونجا دی پر درج ہوئی ایف آئی آر

غیر قانونی طور پر پتھروں کی کھدائی کرنے والوں کے خلاف پولیس نے اقدام کرتے ہوئے اس معاملے میں ملوث بی جے پی یووا مورچہ کے صدر ششی راج شیٹی کو جب گرفتار کیا تو ایم ایل اے ہریش پونجا نے خود پولیس اسٹیشن پہنچ کر پولیس کے ساتھ بدتمیزی سے پیش آنے کے علاوہ انہیں دھمکیاں دی تھی ۔ اس پر ...