آئی پی ایل کے 13ویں سیزن پر ’کورونا‘ کے ’بادل‘، ٹورنامنٹ 15 دنوں کے لئے مؤخر

Source: S.O. News Service | Published on 14th March 2020, 10:07 AM | اسپورٹس | ان خبروں کو پڑھنا مت بھولئے |

نئی دہلی،14؍مارچ(ایس او نیوز؍ایجنسی) انڈین پریمیر لیگ (آئی پی ایل) کا 13واں سیزن اب 29 مارچ سے شروع نہیں ہو پائے گا۔ بورڈ آف کنٹرول فار کرکٹ ان انڈیا (بی سی سی آئی) نے کورونا وائرس کے خطرہ کے سبب ٹورنامنٹ 15 اپریل تک مؤخر کر دیا ہے۔ آئی پی ایل کا پہلا مقابلہ 29 مارچ کو ممبئی انڈینز اور چنئی سپر کنگز (سی ایس کے) کے مابین ممبئی کے وانکھیڈے اسٹیڈیم میں کھیلا جانا تھا۔ اب 15 اپریل تک آئی پی ایل کا آغاز نہیں ہوگا۔

اس سے پہلے کورونا وائرس کے خطرے کے پیش نظر دہلی حکومت نے آئی پی ایل سمیت تمام کھیلوں کے دہلی میں انعقاد پر پابندی عائد کر دی تھی۔ دہلی کے نائب وزیراعلی اور وزیر تعلیم منیش سسودیا نے پریس کانفرنس میں کہا،’’دہلی حکومت نے کورونا وائرس کو پھیلنے سے روکنے کےلئے آئی پی ایل سمیت سبھی کھیل،بڑے سیمینار،کانفرنس وغیرہ کے انعقاد پر پابندی لگا دی ہے۔‘‘

سسودیا نے کہا، ’’سبھی ڈسٹرکٹ مجسٹریٹ اور ڈپٹی ڈسٹرکٹ مجسٹریٹ اپنے علاقوں میں کورونا وائرس سے متعلق احکامات پر عمل کی نگرانی کریں گے۔ہم سبھی کو مل کر اس خطرناک وائرس کو پھیلنےسے روکنا ہے۔‘‘

انہوں نے کہاکہ حکومت نے طے کیا ہے کہ دہلی میں ہونےوالے آئی پی ایل میچ پر پابندی لگائیں گے جہاں لو گ ہزاروں کی تعداد میں میچ دیکھنے آتے ہیں۔کورونا کے خطرے کے پیش نظر لوگوں کو ایسے انعقاد والے مقامات پر جمع ہونے سے روکنا ضروری ہے۔آئی پی ایل 29مارچ سے شروع ہونا ہے۔

دہلی حکومت نے اس سے پہلے جمعرات کو کورونا وائرس کو وبا قرار دیتے ہوئے سبھی سنیما گھر،اسکول اور کالجوں کو 31مارچ تک بند کرنے کا حکومت دیاتھا۔حالانکہ جن اسکولوں میں امتحانات چل رہےہیں وہ بند نہیں کئے جائیں گے ۔

اس کے علاوہ حکومت نے سبھی عام سویمنگ پول کو 31مارچ تک بند کرنے کا حکم دیا ہے اور کہا ہے کہ سبھی سرکاری ،نجی دفتروں اور عام مقامات کو وائرس سے بچانے کے قدامات کئےجائیں گے۔اسپتالوں میں اس کے پیش نظر پوری تیاری کرلی گئی ہے اور 500زیادہ بستروں کا خصوصی طورپر انتظام کیاگیا ہے۔

واضح رہے کہ ملک میں کورونا وائرس سے انفیکشن میں مبتلا ہونے والوں کی تعداد 73ہوگئی ہے۔وزیراعظم نریندرمودی نے کورونا وائرس سے خوف زدہ نہ ہونے کی اپیل کی ہے۔انہوں نے کہاکہ حکومت سبھی احتیاطی اقدامات کررہی ہے،اس سے ڈرنے کی ضروری نہیں ہے۔

ایک نظر اس پر بھی

ٹوکیو اولمپکس: لولینا سیمی فائنل مقابلہ میں ہاریں، مگر ہندوستان کو تمغہ دلانے میں کامیاب

ہندوستانی خاتون مکہ باز لولینا بوگوہین عالمی چیمپین اور ترک مکہ باز بوسیناز سورمینیلی سے سیمی فائنل مقابلہ میں ہار گئی ہیں۔ لولینا کو 0-5 سے شکست ملی۔ اس ہار کے ساتھ ہی لولینا کی مہم ختم ہو گئی ہے۔ تاہم انہوں نے اب تک کی کارکردگی کے دم پر ہندوستان کو کانسی کا تمغہ دلا دیا ہے۔

ٹوکیو اولمپکس: نیزہ پھینکنے کے مقابلہ میں نیرج چوپڑا کا کمال، فائنل میں داخل

 ٹوکیو اولمپکس میں ہندوستانی کھلاڑی نیرج چوپڑا نے نیزہ پھینکنے (جیولن تھرو) کے مقابلہ میں اپنی مہم کا آغاز انتہائی شاندار طریقہ سے کیا ہے۔ انہوں نے بہترین کارکردگی کا مظاہرہ کرتے ہوئے 86.65 میٹر پر نیزہ پھینک کر فائنل میں مقام حاصل کیا۔

ٹوکیو اولمپکس: ہاکی کے سیمی فائنل میں بلجیم کے ہاتھوں ہاری ٹیم انڈیا، تمغہ جیتنے کا موقع برقرار

جاپان کی راجدھانی ٹوکیو میں کھیلے جا رہے اولمپکس 2020 میں ہندوستان کی ہاکی ٹیم سیمی فائنل مقابلہ ہار گئی ہے۔ ٹیم انڈیا کو عالمی چیمپین بلجیم نے 2 کے مقابلہ 5 گول سے شکست دی۔ تاہم، ٹیم انڈیا کے پاس تمغہ جینے کا موقع ہنوز برقرار ہے اور اب تہ کانسی کا تمغہ جینے کے لئے میدان میں اترے ...

ٹوکیو اولمپکس: خواتین ہاکی ٹیم نے رقم کی تاریخ، آسٹریلیا کو ہرا کر پہلی بار اولمپکس کے سیمی فائنل میں پہنچی

ٹوکیو اولمپک گیمز کے 10 ویں دن پیر کو خواتین کی ہاکی ٹیم نے تاریخ رقم کی۔ ہندوستانی ٹیم نے کوارٹر فائنل میں آسٹریلیا کو 1-0 سے شکست دے کر اولمپک گیمز کی تاریخ میں پہلی بار سیمی فائنل میں رسائی حاصل کی ہے۔ اب ہاکی میں ایک اور میڈل کی امید بڑھ گئی ہے۔

ٹوکیو اولمپک: سندھو نے کانسہ جیتا، ہندوستان کو دلایا تیسرا تمغہ

 ہندوستان کی موجودہ چیمپئن پی وی سندھو نے شاندار کارکردگی کا مظاہرہ کرتے ہوئے اتوار کے روز چین کی ہی بنگ جیاؤ کو 15-21 ،13-21 سے شکست دے کر بیڈمنٹن سنگلز مقابلے میں کانسے کا تمغہ جیتا اور اس کے ساتھ ہی سندھو نے ہندوستان کو ٹوکیو اولمپک کھیلوں میں تیسرا تمغہ دلایا۔

یلاپور : دو ہفتوں بعد اربیل گھاٹ پر بھاری گاڑیوں کے لئے دی گئی اجازت

دو ہفتہ قبل نیشنل ہائی وے 63 کے اربیل گھاٹ  علاقہ میں  کئی جگہ زمین کھسکنے اور ملبہ سڑک پر گرنے کی وجہ سے موٹر گاڑیوں کی آمد و رفت پر پابندی لگائی گئی تھی جس کی وجہ سے مختلف مقامات سے سامان لاد کر آنے جانے والے ٹرکس اور ایندھن کے ٹینکرس سڑک کناے لمبی قطاریں لگا کر کھڑے رہنے پر ...

ٹوکیو اولمپکس: نیزہ پھینکنے کے مقابلہ میں نیرج چوپڑا کا کمال، فائنل میں داخل

 ٹوکیو اولمپکس میں ہندوستانی کھلاڑی نیرج چوپڑا نے نیزہ پھینکنے (جیولن تھرو) کے مقابلہ میں اپنی مہم کا آغاز انتہائی شاندار طریقہ سے کیا ہے۔ انہوں نے بہترین کارکردگی کا مظاہرہ کرتے ہوئے 86.65 میٹر پر نیزہ پھینک کر فائنل میں مقام حاصل کیا۔

کرناٹک میں بے روزگاری کی وجہ سے خودکشی کے معاملات میں اضافہ

بے روزگاری کی وجہ سے ریاست کرناٹک میں فوت ہونے والوں کی تعداد میں دن بدن اضافہ ہورہا ہے۔ ریاست میں پہلے ہی سے روزگار کا بحران تھا۔ کورونا وبا پھیلنے سے جو لوگ برسرروزگار تھے ان میں لاتعداد لوگ بے روزگار ہوگئے ہیں۔

دہلی میں 9 سالہ دلت بچی کی عصمت دری اور قتل کے خلاف کانگریس سراپا احتجاج

دہلی میں 9 سالہ دلت بچی کی عصمت دری اور قتل معاملہ کو لے کر کانگریس نے سخت ناراضگی کا اظہار کرتے ہوئے دہلی کی کیجریوال حکومت اور دہلی پولیس کے ساتھ ساتھ مرکز کی مودی حکومت کو بھی تنقید کا نشانہ بنایا ہے۔