چنئی،16؍فروری(ایس او نیوز؍ایجنسی) ہندوستان نے انگلینڈ کو دوسرے کرکٹ ٹسٹ میچ میں منگل کے روز 317 رنوں کے بڑے فرق سے زبردست  شکست دے کر چار میچوں کی سیریز میں 1-1 کی برابری حاصل کی ہے   جس  کے ساتھ ہی آئی سی سی ٹسٹ چیمپئن شپ کی ٹیبل میں ہندوستان دوسرے نمبر پر پہنچ گیا ہے۔

انگلینڈ کے خلاف ہندوستان کو  پہلے ٹسٹ میں شکست  ہوئی تھی جس کے بعد انڈیا  پہلے سے چوتھے نمبر پر کھسک گیا تھا جبکہ انگلینڈ چوتھے سے پہلے مقام پر پہنچ گیا تھا لیکن  دوسرے ٹسٹ میں شاندار  جیت کے بعد ہندوستان اب چوتھے نمبر  سے دوسرے نمبر پرپہنچ گیا ہے جبکہ انگلینڈ پہلے سے چوتھے نمبر پر آگیا ہے۔

چار میچوں کی سیریز کے باقی دو میچس اب احمدآباد میں ہونے والے  ہیں۔ ہندوستان کو ان دو ٹسٹ میچوں میں اگر  ایک میں جیت جاتا ہے  اور کم از کم ایک ٹیسٹ  ڈرا  کرانے میں کامیاب ہوتا ہے تو جون میں لارڈس میدان میں ہونے والے فائنل میں انڈیا کو پہنچا دے گا جبکہ انگلینڈ کو فائنل میں پہنچنے کے لئے دونوں میچوں میں جیت حاصل کرنے کی ضرورت ہے۔ نیوزی لینڈ کا فائنل میں مقام محفوظ ہے۔ اگر یہ سیریز 1-1 یا 2-2 سے ڈرا ہوتی ہے یا پھر انگلینڈ اسے 1-2 سے جیت جاتا ہے تو آسٹریلیا فائنل میں پہنچ جائے گا۔

فائنل کے لئے ایکویشن:

نیوزی لینڈ (فیصد پوائنٹ 70.0) فائنل میں

ہندوستان (فیصد پوائنٹ 69.7) فائنل کے لئے 1-2، یا 1-3

آسٹریلیا (فیصد پوائنٹ 69.2) ہندوستان انگلینڈ سیریز 1-1، 2-2 یا انگلینڈ کی 1-2 سے جیت انگلینڈ (فیصد پوائنٹ 67.0) 1-3