منشیات مخالف مہم: منگلورو میں ڈانسر کشور کا ایک او رساتھی گرفتار 

Source: S.O. News Service | Published on 28th September 2020, 2:21 PM | ساحلی خبریں | ان خبروں کو پڑھنا مت بھولئے |

منگلورو،28؍ستمبر (ایس او نیوز) ریاست میں   اینٹی نارکوٹکس ڈپارٹمنٹ اور پولیس کی طرف سے چلائی جا رہی منشیات مخالف مہم کے دوران منگلورو پولیس  کی سٹی کرائم برانچ نے مشہور ڈانسر  اور فلم ایکٹرکشور شیٹی ، اس کے ساتھی امن شیٹی اور عقیل نوشیل کو ایم ڈی ایم  جیسی نشہ آور اشیاء کے استعمال اور ان کی فروخت کے سلسلے میں گرفتار کیا تھا۔ 

گرفتار ملزمین سے تفتیش کے دوران حاصل کیے گئے بیان  پر کارروائی کرتے ہوئے اب سی سی بی نے محمد شاکر(35سال) نامی ان کے ایک اور ساتھی کو گرفتار کیا ہے جس پر الزام ہے کہ وہ گرفتار شدہ ملزمین اور دیگر افراد  کو ممبئی سے ممنوعہ  منشیات لاکر دیا کرتا تھا۔گرفتاری کے بعدشاکر کو عدالت میں پیش کیا گیا جہاں سے اس کو مزید تفتیش اور کووڈ جانچ کے لئے پولیس کی تحویل میں دے دیا گیا ہے۔

کشور شیٹی کی گرفتاری کے بعد سی سی بی نے اب تک امن شیٹی ، نوشیل اور شاکر کے علاوہ کوریوگرافر ترون راج اور منی پور کے رہنے والےآسکا نامی ملزم کو بھی گرفتار کیا ہے۔ اس طرح اس معاملے گرفتار ملزمین کی تعداد پانچ ہوگئی ہے۔

اسی دوران خبر ملی ہے کہ ڈرگ مافیا سے رشتو ں کے پیش نظر اداکارہ انوشری سے جو پوچھ تاچھ ہوئی تھی اس کا سلسلہ اس ہفتے میں بھی جاری رہ سکتا ہے۔کمشنر آف پولیس وکاش کمار نے بتایا کہ ضرورت محسوس ہوئی تو انو شری سے مزید تفتیش کی جائے گی۔ اس کے علاوہ اب منشیات کی سربراہی کرنے والے ملزم کی گرفتار ی کے بعد اس سے پوچھ تاچھ کے  نتیجے میں اور بھی زیادہ معلومات ملنے اور نئے انکشافات ہونے کی توقع ہے۔

ایک نظر اس پر بھی

ایم ایل سی انتخابات میں بی جے پی اُمیدوار سنکنور کے پرچار کے لئے فشریس منسٹرکوٹا سرینواس پجاری کا بھٹکل دورہ

کرناٹکا کے مغربی گریجویٹس حلقہ کے لئے  بی جے پی اُمیدوار ایس وی سنکنور کے انتخابی پرچار کاجائزہ لینے آج اتوار کو ماہی گیری اور مزورائی وزیر  کوٹا سرینواس پجاری نے بھٹکل کا دورہ کیا اور بی جے پی دفتر میں بی جے پی ورکروں کے ساتھ میٹنگ کا انعقاد کرتے ہوئے  ایس وی سنکنور کی ...

بھٹکل: شیرور ٹول گیٹ پر مقامی ٹیکسی والوں کو رعایت نہ ملنے  پر ٹیکسی ڈرائیورس نے ٹول گیٹ مینجر سے کی ملاقات؛ عملہ کی جانب سے غنڈہ گردی سے پیش آنے کی کی شکایت

مقامی ٹورسٹ ٹیکسی مالکان اور ڈرائیوروں کی یونین کی طرف سے آئی آر بی کمپنی کے منیجر کو آج ایک میمورنڈم دیا گیا جس میں مطالبہ کیا گیا ہے کہ شیرور ٹول گیٹ پر ان کےسا تھ جو ناانصافی ہورہی ہے اس کا ازالہ کیا جائے۔

جی ایس ٹی ریٹرن فائل کرنے کی آخری تاریخ میں توسیع

مرکزی بورڈ برائے بالواسطہ ٹیکس اور کسٹم نے مالی سال 19-2018 کے لیے جی ایس ٹی آر 9، جی ایس ٹی آر 9 اے اور جی ایس ٹی آر-9 سی کے تحت جی ایس ٹی ریٹرن داخل کرنے کی آخری تاریخ میں دوماہ کی توسیع کرتے ہوئے 31 دسمبر 2020 کر دی ہے۔