اڈپی، 2؍اپریل (ا یس او نیوز) اڈپی ضلع ڈسٹرکٹ ہیلتھ آفیسر ڈاکٹر سوڈ نے بتایا ہے کہ کورونا وائرس سے متاثر ہونے کے شبہ میں یکم اپریل کے دن 13 مریضوں کو  ضلع کے مختلف اسپتالو ں میں داخل کیا گیا ہے۔اور ان میں سے 11مریضوں کے گلے کے تھوک کا نمونہ لیباریٹری میں جانچ کے لئے بھیجا گیا ہے۔ایک خاتون سمیت دس مریضوں پر کورونا وائرس سے متاثر ہونے کا شبہ ہے جبکہ سانس لینے میں تکلیف کی وجہ سے دوخواتین سمیت تین مریضو ں کو اسپتالوں کے الگ الگ وارڈس میں داخل کیا گیا ہے۔ڈی ایچ او کے بیان کے مطابق اب تک ضلع کے جملہ 171مشتبہ مریضوں کے تھوک کے نمونے جانچ کے لئے بھیجے گئے تھے۔ ا ن میں سے 140 افراد کی رپورٹ موصول ہوئی ہے۔

کووڈ 19کے لئے خصوصی اسپتال: ڈ ایچ او ڈاکٹر سوڈ نے بتایا کہ اڈپی کے جوڈو کٹے میں واقع ڈاکٹر ٹی ایم اے پائی اسپتال کو کووڈ 19 مریضوں کے علاج کے لئے مخصوص کردیا گیا ہے۔اور جتنے مریض منی پال کے ایم سی اسپتال کے آئسولیشن وارڈ میں داخل تھے ان سب کو ا ب اس مخصوص اسپتال میں منتقل کیا گیا ہے۔ضلع میں اس وقت 75افراد ہائی رِسک(زیادہ خطرہ) اور 91افراد کو ’لو رِسک‘(کم خطرہ) والے زمرے میں رکھا گیا ہے۔جملہ 166افراد کوضروری سہولتوں والے کوارنٹائن مرکزوں میں منتقل کیا گیا ہے۔کُل 826 فراد نے 82دن تک گھروں میں کوارنٹائن رہنے کی مدت پوری کرلی ہے جبکہ 665لوگوں نے 14دن کوارنٹائن کی مدت پوری کرلی ہے۔