بھٹکل سے بنگلورو کے لئے نئی آرام دہ بس سرویس ’پلکی ‘ کا ضلع نگراں کار وزیر منکال وئیدیا کے ہاتھوں اجراء
بھٹکل :3؍فروری (ایس اؤ نیوز )بھٹکل کے ایس آر ٹی سی ڈپو کی جانب سے مرڈیشور سے بنگلورو کےلئے نئی آرام دہ بس سرویس’پلّکّی‘ کی شروعات کی گئی ہے، جس کا سنیچر کواُترکنڑا ضلع نگراں کاروزیر منکال وئیدیا کے ہاتھوں اجراء کیا گیا۔
پلکی نان اے سی سلیپر بس ہر دن شام سواسات بجے مرڈیشور سےنکلے گی ۔ بھٹکل، کولّور اور شیموگہ سے ہوتے ہوئے صبح 6بجے بنگلورو پہنچے گی ۔ اور بنگلورو سے شام سوا سات بجے کو نکل کر صبح 6بجے مرڈیشور پہنچے گی۔
اس موقع پر اخبارنویسوں سے بات کرتےہوئےوزیر موصوف نے کہاکہ بھٹکل ۔ منگلورو کے درمیان جو والوو بس سروس بند ہوئی ہے، اُسے بہت جلد شروع کیا جائے گا۔ اس کے ساتھ ساتھ دیہی علاقوں کے لئے بھی بہت جلد بسو ں کا انتطام کیاجائے گا۔انہوں نے بتایا کہ فروری کے آخرتک اترکنڑا ضلع کے لئے 45نئی بسیں مہیا کی جارہی ہیں۔
اس موقع پر اترکنڑا KSRTC کے ڈویزنل کنٹرولر کے ایچ شری نواس، سرسی کے ٹرافک سپرنٹنڈنٹ پروین شیٹھ ، بھٹکل ڈپو مینجر دیواکرسمیت کانگریس کے عہدیدارن اور عوام موجود تھے۔
