بھٹکل شرالی کی دختر انجمن ڈاکٹر انیسہ شیخ کو ملی ڈینٹل شعبہ میں اعلیٰ ترین کامیابی : جملہ مضامین کے علاوہ مینگلور کالج کی بہترین طالبہ کے ایوارڈ سے بھی نوازا گیا

Source: S.O. News Service | By Abu Aisha | Published on 12th November 2019, 8:04 PM | ساحلی خبریں | ان خبروں کو پڑھنا مت بھولئے | ریاستی خبریں |

بھٹکل:12؍نومبر(ایس اؤ نیوز) دختر ِ انجمن  کاگولڈ میڈل اور رابطہ گولڈ میڈل ایوارڈ سے سرفراز  بھٹکل  کی  ڈاکٹر انیسہ شیخ طبی میدان میں بھی بہترین کارکردگی کا مظاہرہ پیش کرتے ہوئے اے جے اسپتال مینگلورو میں بھی  امتیازی نمبرات سے کامیاب  ہونے کا سلسلہ جاری رکھا ہے اور کالج کی بہترین طالبہ کا ایوارڈ حاصل کرتے ہوئے بھٹکل سمیت پوری   قوم و ملت کا نام روشن کردیا ہے۔

بھٹکل تعلقہ کے شرالی کے شیخ زین العابدین اور صفورہ شیخ کی دختر ڈاکٹر انیسہ  کو  اے جے ایم ایس آڈیٹوریم میں منعقدہ اے جے انسٹی ٹیوٹ آف ڈینٹل سائنس منگلورو کے 13ویں سالانہ جلسے میں   ’اورل سرجری ‘ میں اعلیٰ نمبرات حاصل کرنے پر  مشہور سرجن نندیش شٹی کے ہاتھوں  ’ کویتا میمورئیل ایوارڈ‘ مع سند و نقد انعام سے نوازا گیا، ساتھ ساتھ اُنہیں کالج کی  بہترین طالبہ  کے ایوارڈ سے بھی نوازاگیا۔ پروگرام  کی صدارت ڈاکٹر اے جے شٹی کررہے تھے تو  وائس چانسلرپروفیسر سبرامنیا یڈپادیت تھایا مہمان خصوصی کے طور پر موجود تھے۔

ڈاکٹر انیسہ شیخ انجمن حامئی مسلمین بھٹکل کے تعلیمی اداروں سے پرائمری ، ہائی اسکول اور پی یو سی مکمل کرنے کے بعد سی ای ٹی کے بہترین رینکنگ کی بنیاد پر اے جے اسپتال منگلورو کے شعبہ ڈینٹل  میں داخلہ لیا ۔ جہاں انہوں نے جنرل پیاتھالوجی  اینڈ مائکرو بائیولوجی ، ڈینٹل مٹرئیلس، اورل اینڈ میاکسی لوفیشیل سرجری ، اورل میڈیسن اینڈ ریڈیالوجی ، پیڈیاٹرک ڈنٹسٹری شعبہ میں امتیازی نمبرات سے کامیاب ہوئی ہیں۔ جس کے لئے اُنہیں ایوارڈ سے نوازا گیا ہے۔

ڈاکٹر انیسہ شیخ اب تک کئی ریاستی و قومی سطح کے ایوارڈ سے بھی نوازی گئی ہیں۔ اپنی تعلیمی کارکردگی پر شادماں ڈاکٹر انیسہ شیخ نے اپنے تاثرات کا اظہار کرتے ہوئے بتایا کہ ڈاکٹر کاپیشہ پیسہ کمانا نہیں ہوتا  بلکہ غریبوں کا سب سے کم خرچ پر علاج کرانا مقصود ہوتا ہے۔ تعلیم خود اپنی ایک طاقت و قوت رکھتی ہے ،فوجی کی تلوار  بھی جو کام نہیں کرسکتی وہ کام تعلیم کے ذریعے کیا جاسکتاہے۔ انہوں نے اپنے تعلیمی مستقبل کو لےکر کہاکہ اب وہ تمبے گروپ کے گلف میڈیکل کالج یو اے ای سے پوسٹ گریجویشن یعنی ایم ڈی ایس میں داخلہ لینے کا ارادہ رکھتی ہیں ۔ انہوں نے اس تعلق سے تمام قارئین  سے دُعا کی بھی درخواست کی ہے۔

ایک نظر اس پر بھی

گلف کمیٹی شمشی کے زیراہتمام دبئی میں گیٹ ٹو گیدر کا انتظام

ہوناور کے شراوتی ندی کنارے بسا ایک خوبصورت چھوٹا سا گاؤں  شمشی سے روزگار کے لئے یونائیٹیڈ  عرب ایمریٹس(یو اے ای )  آکر مقیم   ممبران کے لئے’ گلف کمیٹی شمشی‘ کے زیر اہتمام  دبئی کے الراشیدیہ پارک میں 13دسمبر 2019بروز جمعہ کو گیٹ ٹو گید ر کا انتظام کیاگیا تھا۔

بھٹکل انجمن حامئی مسلمین کی سبکدوش انتظامیہ سے نئی انتظامیہ کے لئے 10ارکان منتخب

انجمن حامئی مسلمین بھٹکل کی سبکدوش ہونے والی مجلس انتظامیہ سے نئی مجلس انتظامیہ 2020-2024تک کے لئے 10اراکین کا انتخاب 14دسمبر 2019بروز سنیچر کو عمل میں آیا ۔ انجمن کے ناظم انتخابات محمد اسحق شاہ بندری کی طرف سے جاری کردہ پریس ریلیز کے مطابق کل 95.5فی صد پولنگ ریکارڈ کی گئی ۔ سبکدوش ...

بھٹکل جماعت المسلمین کے سالانہ جلسہ کا انعقاد : دین، تہذیب، ثقافت کی بقا کے لئے اجتماعیت ضروری

انسانی جسم کے سارے اعضاء آپس میں جڑے ہوئے ہوتے ہیں تو انسان کی صحت مضبوط ہوتی ہے۔ اگر اس کے اعضاء کو ایک ایک  کرکے کاٹ دیا جائے تو وہ کمزور،لاچار ہوجاتاہے ۔ امت مسلمہ کی مثال بھی ایسی ہی ہےکہ وہ آپس میں متحد رہے یہی اس کی طاقت بھی ہے۔  جامع مسجد کے امام و خطیب مولانا عبدالعلیم ...

بھٹکل کے نیو شمس اسکول میں 15دسمبر بروز اتوار کو انٹر اسکول سائنس فئیر کا اہتمام

تربیت ایجوکیشن سوسائٹی بھٹکل اور اے جے اکیڈمی سائنس اینڈ ریسرچ رائچور کے اشتراک سے 15دسمبر بروز اتوار کو نیو شمس اسکول میں ’بھٹکل انٹر اسکول سائنس فئیر ‘ کا اہتمام کئے جانے کی ادارے کی پرنسپال فہمیدہ ملا اور فئیر کے  کوآرڈنیٹرمحمد رضامانوی نے پریس ریلیز کے ذریعے جانکاری دی ...

بھٹکل تعلقہ کے موڈ شرالی جنگل علاقے کے  مرغ جوے اڈے پر پولس کا چھاپہ :18گرفتار، مرغے اور نقد رقم ضبط

تعلقہ کے موڈشرالی تلگیری کے جنگلات میں کھلی جگہ پر غیر قانونی طورپر کھیلے جارہے مرغی جوے کے اڈے پر چھاپہ مارکر پولس نے 18ملزمین کو اپنی تحویل میں لیتے ہوئے نقد ضبط کرلینے کا واقعہ جمعہ کی شام پیش آیاہے۔

میڈیا کی پیش کردہ تصویر سے کوسوں دورہے میرا شہر بھٹکل :  سرکاری اسپتال کی میڈیکل آفیسر ڈاکٹر سویتا کا تجربہ

برائیوں میں ڈوبی دنیا میں آج بھی  انسانیت ہے،ایسی ہی ایک زندہ مثال میرےاپنے امن وامان کے لئے مشہور  شہر بھٹکل میں خود میرے ساتھ پیش آئی ہے ،جب کہ میرے اس شہر کے متعلق میڈیا ہزار باتیں لکھتا ہےاور جو دکھاتا ہے وہ اس سے کوسو ں دور ہے۔ بھٹکل سرکاری اسپتال کی میڈیکل آفیسر ڈاکٹر ...

بھٹکل نیشنل ہائی وے پر تیزرفتار بس، لاری سے ٹکراگئی؛ 25 سے زائد زخمی

یہاں وینکٹاپور نیشنل ہائی وے 66 پر ایک تیز رفتار بس، پارک کی ہوئی لاری سے  ٹکراگئی جس کے نتیجے میں بس پر سوار 25 سے زائد مسافر زخمی ہوگئے، جن میں سے دو کو کنداپور اور باقی کو بھٹکل سرکاری اسپتال میں داخل کیا گیا ہے۔

  وزیر داخلہ امت شاہ کی پراسرار ’تسلی‘ کہا؛   ہندوستانی مسلمان، ہندوستانی تھے اور آئندہ بھی رہیں گے

وزیر داخلہ امت شاہ نے بدھ کو متنازعہ شہریت ترمیمی بل کو راجیہ سبھا میں بحث کے لیے پیش کرتے ہوئے کہا کہ بھارت کے مسلمان ہندوستانی شہری تھے، ہیں اورآئندہ بھی رہیں گے۔پاکستان، بنگلہ دیش اور افغانستان کے غیر مسلم تارکین وطن کو بھارتی شہریت فراہم کرنے کی فراہمی والے اس بل کو پیش ...

مرکزی حکومت کے خلاف 8/جنوری کو ملک گیر ہڑتال کا اعلان

آل انڈیا اسٹوڈنٹس فیڈریشن (اے آئی ایس ایف) نے تعلیم، روزگار، خواتین کے حقوق کی پامالی، معاشی شعبہ میں گراوٹ اوربے روزگاری کے مسئلہ کو حل کرنے میں ناکام مرکزی حکومت کے خلاف 8/جنوری کو ملک گیر ہڑتال کا اعلان کیا ہے-

شہریت ترمیمی قانون کے خلاف ہلیال میں دیا گیا میمورنڈم

مرکزی حکومت کی جانب سے متنازع شہریت ترمیمی بل منظور کیے جانے کے خلاف ہلیال میں جمیت العلماء الہند ضلع کاروارکے پرچم تلے مسلمانوں اور غیر مسلم ایس سی / ایس ٹی لیڈروں نے مشترکہ طور پر تحصیلدار کی معرفت سے صدر ہند کو میمورنڈم پیش کیا۔

شہریت ترمیمی بل کے خلاف بنگلورو میں کرناٹکامسلم متحدہ محاذ کے زیر اہتمام ملّی و سماجی تنظیموں کا زبردست احتجاجی مظاہرہ

سماج کو مذہبی بنیادوں پر تقسیم کرنے والے مرکزی حکومت کے شہریت ترمیمی بل (سی اے بی) کے خلاف بنگلورو میں کرناٹکا متحدہ محاذ کے زیر اہتمام دوپہر 12بجے ٹاؤن ہال کے پاس ایک زبردست احتجاجی مظاہرہ کیا گیا۔