مفرور ملزم ایم ڈی مُرلی 2008کے بعد ہونے والے بم دھماکوں اور قتل کااصل سرغنہ۔ مہاراشٹرا اے ٹی ایس کا خلاصہ

Source: S.O. News Service | By I.G. Bhatkali | Published on 3rd May 2019, 5:45 PM | ملکی خبریں | اسپیشل رپورٹس |

ممبئی 3/مئی (ایس او نیوز) مہاراشٹرا اینٹی ٹیرورازم اسکواڈ (اے ٹی ایس) کا کہنا ہے کہ سن  2008 کے بعد ہونے والے بہت سارے بم دھماکوں اور پنسارے، دابولکر، کلبرگی اور گوری لنکیش جیسے ادیبوں اور دانشوروں کے قتل کا سرغنہ اورنگ آباد کا رہنے والا مفرور ملزم ایم ڈی مُرلی ہے۔

معروف انگریزی اخبار انڈین ایکسپریس نے  مہاراشٹرا اے ٹی ایس کے حوالےسے رپورٹ دی ہے کہ  بم دھماکوں اور قتل کے اصل ملزم کے طور پر مُرلی کا نام اس وقت سامنے آیا جب اگست 2018میں اے ٹی ایس نے ممبئی کے نالاسوپارا میں سناتن سنستھاسے تعلق رکھنے والے وئیبھو راوت کی رہائش گاہ پر چھاپہ مارا اور وہاں سے ہتھیار اور گولہ بارود کا بڑا ذخیرہ برآمد کیا۔اس معاملے کی تحقیقات کے دوران سناتن سنستھا کے حامی شرد کالسکر، سدھنوا گندھالیکر، شری کانت پنگاریکر اور اویناش پوار کا کردار سامنے آیا اور انہیں گرفتار کرلیا گیا۔ ان ملزمین کے ٹھکانوں سے بھی ہتھیار ضبط کیے گئے۔

 اے ٹی ایس کا کہنا ہے کہ دہشت گردانہ کارروائیوں میں ملوث اس ٹیم کا پرد ہ فاش کرنے کے دوران اسے پتہ چلاکہ گرفتار کیے گئے کچھ ملزمین پونے میں دابولکر، کولھاپور میں پنسارے، دھارواڑ میں کلبرگی اور بنگلورو میں گوری لنکیش کے قتل میں شامل رہے ہیں۔ان سے سختی کے ساتھ تفتیش کے دوران پانچ ملزمین نے ایم ڈی مُرلی کے بارے میں بتایا کہ وہی ان دہشت گردانہ حملوں کا اصل سرغنہ ہے،اور وہ امول کالے کے ذریعے انہیں ہدایات اور پیغامات پہنچایا کرتاتھا۔ملزم امول کالے کوکرناٹکاکی اسپیشل انویسٹی گیشن ٹیم (ایس آئی ٹی) نے بعد میں گوری لنکیش قتل کے سلسلے میں گرفتار کرلیا۔ 

 پھر جب مہاراشٹرا اے ٹی ایس نے دوبارہ ان پانچ ملزمان کوتحقیقات کے لئے مزید20دنوں تک اپنی تحویل میں لیا تو ان ملزمین نے بتایاکہ مفرور ملزم ایم ڈی مُرلی ان کے ساتھ باقاعدہ تسلسل سے میٹنگس کیا کرتاتھا۔اور 2008کے بعد ہونے والے بہت سے بم دھماکوں کے پیچھے اس کا ہی دماغ کارفرما تھا۔ اس نے شہروں اور مختلف اہم مقامات پر بڑھتے ہوئے سی سی کیمروں کے پیش نظر اپنے ساتھیوں کو ہدایت دے رکھی تھی کہ وارداتیں انجام دیتے وقت وہ اپنے سر پر ٹوپی پہن لیا کریں اور آنکھوں پر سیا ہ چشمے لگایا کریں۔اے ٹی ایس ٹیم کے بیان کے مطابق ملزمین نے یہ دعویٰ بھی کیا ہے کہ ان کے گروپ نے سال 2017میں پونے میں ہونے والی ’سَن بَرن‘ نامی الیکٹرانک رقص و موسیقی کے جشن میں بم دھماکے کرنے کا منصوبہ بنایا تھا، کیونکہ وہ اسے ہندو تہذیب کے خلاف تصور کرتے تھے۔

 گرفتار شدہ ملزمین کے بیانات کے پس منظر میں اے ٹی ایس نے مُرلی کو گرفتار کرنے کی کوشش شروع کی، لیکن وہ جو بھی موبائل فون استعمال کرتا ہے وہ نمبرز کسی اور نام سے رجسٹر ڈ ہوتے ہیں جس کی وجہ سے اس کی موجودگی کا پتہ لگانا مشکل ہورہا ہے۔چونکہ ملزمین نے اس کے ساتھ اورنگ آباد میں ملاقاتیں کرنے کی بات کہی ہے اس لئے اے ٹی ایس نے اورنگ آباد میں مُرلی کو ڈھونڈ نکالنے کی کوشش کی، مگر کسی قسم کا ٹھوس ثبوت نہ ہونے کی وجہ سے وہاں بھی ناکامی ہوئی۔اے ٹی ایس ٹیم کا کہنا ہے کہ مُرلی کی تصویراب اس کے ہاتھ لگ گئی ہے اور وہ اس کی گرفتاری کے لئے مزیدکچھ اہم ثبوت اور معلومات اکٹھا کرنے میں مصروف ہے۔
 

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔

کرناٹک : استعفیٰ دینے والوں کی فہرست میں یلاپور رکن اسمبلی ہیبار بھی شامل۔کیاوزارت کے لالچ میں چل پڑے آنند اسنوٹیکر کے راستے پر؟

ریاست کرناٹک  میں جو سیاسی طوفان اٹھ کھڑا ہوا ہے اور اب تک کانگریس، جے ڈی ایس مخلوط حکومت کے تقریباً 13 اراکین اسمبلی اپنا استعفیٰ پیش کرچکے ہیں اس سے مخلوط حکومت پر کڑا وقت آن پڑا ہے اور قوی امکانا ت اسی بات کے دکھائی دے رہے ہیں کہ دونوں پارٹیوں کے سینئر قائدین کی جان توڑ کوشش ...

بھٹکل میں 110 کے وی اسٹیشن کے قیام سے ہی بجلی کا مسئلہ حل ہونے کی توقع؛ کیا ہیسکام کو عوامی تعاون ملے گا ؟

بھٹکل میں رمضان کے آخری دنوں میں بجلی کی کٹوتی سے جو پریشانیاں ہورہی تھی، سمجھا جارہا تھا کہ  عین عید کے  دن  بعض نوجوانوں کے  احتجاج کے بعد  اُس میں کمی واقع ہوگی اور مسئلہ حل ہوجائے گا، مگر  عید الفطر کے بعد بھی  بجلی کی کٹوتی یا انکھ مچولیوں کا سلسلہ ہنوز جاری ہے اور عوام ...

بھٹکل تعلقہ اسپتال میں ضروری سہولتیں تو موجود ہیں مگر خالی عہدوں پر نہیں ہورہا ہے تقرر

جدید قسم کا انٹینسیو کیئر یونٹ (آئی سی یو)، ایمرجنسی علاج کا شعبہ،مریضوں کے لئے عمدہ ’اسپیشل رومس‘ کی سہولت کے ساتھ بھٹکل کے سرکاری اسپتال کو ایک نیا روپ دیا گیا ہے۔لیکن یہاں اگر کوئی چیز نہیں بدلی ہے تو یہاں پر خالی پڑی ہوئی اسامیوں کی بھرتی کا مسئلہ ہے۔ 

آر ایس ایس کی طرح کوئی مسلم تنظیم کیوں نہیں؟ از: ڈاکٹر سید فاضل حسین پرویز

مسٹر نریندر مودی کی تاریخ ساز کامیابی پر بحث جاری ہے۔ کامیابی کا سب کو یقین تھا مگر اتنی بھاری اکثریت سے وہ دوبارہ برسر اقتدار آئیں گے اس کا شاید کسی کو اندازہ نہیں تھا۔ دنیا چڑھتے سورج کی پجاری ہے۔ کل ٹائم میگزین نے ٹائٹل اسٹوری مودی پر دی تھی جس کی سرخی تھی ”India’s Divider in Chief“۔

خود کا حلق سوکھ رہا ہے، مگر دوسروں کو پانی فراہم کرنے میں مصروف ہیں بھٹکل مسلم یوتھ فیڈریشن کے نوجوان؛ ایسے تمام نوجوانوں کو سلام !!

ایک طرف شدت کی گرمی اور دوسری طرف رمضان کا مبارک مہینہ  ۔ حلق سوکھ رہا ہے، دوپہر ہونے تک ہاتھ پیر ڈھیلے پڑجاتے ہیں،    لیکن ان   نوجوانوں کی طرف دیکھئے، جو صبح سے لے کر شام تک مسلسل شہر کے مختلف علاقوں میں پہنچ کر گھر گھر پانی سپلائی کرنے میں لگے ہوئے ہیں۔ انہیں  نہ تھکن کا ...

مودی جی کا پرگیہ سنگھ ٹھاکور سے لاتعلقی ظاہر کرنا ایسا ہی ہے جیسے پاکستان کا دہشت گردی سے ۔۔۔۔ دکن ہیرالڈ میں شائع    ایک فکر انگیز مضمون

 وزیر اعظم نریندرا مودی کا کہنا ہے کہ وہ مہاتما گاندھی کے قاتل ناتھو رام گوڈسے کو دیش بھکت قرار دیتے ہوئے ”باپو کی بے عزتی“ کرنے کے معاملے پر پرگیہ ٹھاکورکو”کبھی بھی معاف نہیں کرسکیں گے۔“امیت شاہ کہتے ہیں کہ پرگیہ ٹھاکور نے جو کچھ کہا ہے(اور یونین اسکلس منسٹر اننت کمار ہیگڈے ...