کرناٹک کے منڈیا میں کھڑی بس سے کار کی ٹکر، 4 ہلاک
منڈیا،28/ستمبر (ایس او نیوز/ایجنسی) سڑک پر کھڑی بس کو پیچھے سے ایک کار نے ٹکر مار دی جس کے نتیجے میں چار لوگوں کی موقع پر ہی موت ہوگئی۔یہ واقعہ چہارشنبہ کی صبح ضلع کے نا گمنگالا تعلقہ کے بی جے نگر میں آد چنچن گیری اسپتال کے سامنے پیش آیا۔
مرنے والوں کے شناخت نمیتا، رگھو ناتھ بھجنتری پنکج شرما اور ومشی کرشنا کے طور پرکی گئی ہے۔معلوم ہوا ہے کہ جاں بحق ہونے والے تمام افراد ایک معروف سافٹ ویئر کمپنی کے ملازم ہیں۔
حادثہ اس وقت پیش آیا جب صبح تقریباً 8 بجے ایک کار سڑک کے کنارے کھڑی بس سے ٹکر ا گئی۔ہاسن کی طرف سے آنے والی کار پیچھے بس سے ٹکراگئی۔ بیلور پولیس نے جائے وقوعہ کا دورہ کیا اور جانچ کی۔ بیلور ولیس تھانہ میں معاملہ درج کیا گیا ہے۔
