بنگلور سے گوا جانے والی بس کی انکولہ میں ٹرک سے ٹکر؛ دس سے زائد زخمی
انکولہ 14/جون (ایس او نیو) تعلقہ کے اندھلے کراس نیشنل ہائی وے 66 پر آج جمعہ صبح ہوئے ایک سڑک حادثہ میں دس مسافر شدید زخمی ہوگئے جنہیں مقامی اسپتال میں داخل کیا گیا ہے۔ حادثہ اُس وقت پیش آیا جب بنگلور سے گوا جانے والی ایک پرائیویٹ بس مخالف سمت سے آنے والی ایک ٹرک سے ٹکراگئی۔
ٹکر میں ٹرک اور بس کے اگلے حصوں کو شدید نقصان پہنچا ہے۔
حادثے کے فوری بعد نیشنل ہائی وے پر ٹریفک نظام کچھ دیر کے لئے ٹھپ پڑ گیا، انکولہ پولس نے جائے وقوع پر پہنچ کر مقامی لوگوں کی مدد سے زخمیوں کو سرکاری اسپتال منتقل کیا اور دونوںسواریوں کو الگ کرکے کنارے لے جانے کے بعد ہائی وے کو سواریوں کے لئے دوبارہ کھول دیا۔
انکولہ پولس تھانہ میں معاملہ درج کیا گیا ہے، چھان بین جاری ہے۔
