کاروار 10 / اکتوبر (ایس او نیوز) شمالی کینرا ضلع پنچایت چیف ایکزی کوٹیو آفسر کی حیثیت سے ذمہ داری انجام دینے والی پریانگا ایم کا تبادلہ کیا گیا ہے ۔

پریانگا ایم ضلع شمالی کینرا کے مختلف ترقیاتی کاموں میں دلچسپی لینے اور درپیش مسائل کو فوری طور پر حل کرنے کی وجہ سے ایک عوام دوست آفیسر کے طور پر  مقبول تھیں ۔ اب ضلع پنچایت سے تبادلہ کرکے انہیں  ہبلی دھارواڑ سمارٹ سٹی پروجیکٹ کی منیجنگ ڈائریکٹر کے طور پر نامزد کیا گیا ہے ۔ ریاستی حکومت کی طرف سے جاری کردہ احکام  کے مطابق پریانگا کی جگہ پر آئی اے ایس  آفیسر ایشور کھانڈور کو شمالی کینرا ضلع پنچایت کا سی ای او تعینات کیا گیا ہے ۔