ضلع پنچایت سی ای اؤ پریانکا فرانسس نے اب سنبھالا اُڈپی ڈپٹی کمشنر کا چارج ؛ اُڈپی سے ٹی وینکٹیش کاتبادلہ
اُڈپی:25/فروری (ایس او نیوز) اُڈپی ضلع پنچایت کی سی ای اؤ پریانکا میری فرانسس کو اُڈپی ضلع ڈپٹی کمشنر کے طورپر نامزد کرتےہوئے حکومت نے سرکلر جاری کیا ہے۔
اُڈپی ضلع کےڈپٹی کمشنر ، ٹی وینکٹیش نے پریانکا میری فرانسس کو چارج سونپا۔ ریاستی حکومت نے 21فروری کو 10آئی اے ایس آفیسران کا تبادلہ کرتے ہوئے جو سرکلر جاری کیا تھا اس میں ٹی وینکٹیش بھی شامل تھے۔ ٹی وینکٹیش کو میسور شوگر کمپنی لمیٹیڈ میں مینجنگ ڈائرکٹر کے طورپر نامزد کرتے ہوئے تبادلہ کیا گیا ہے۔
پریانکا میری فرانسس سال2009کے آئی اے ایس بیچ کی آفیسرہیں، نومبر 2015میں انہوں نے اُڈپی ضلع پنچایت سی ای اؤ کا عہدہ سنبھالاتھا۔ موصولہ ذرائع کے مطابق 2013میں ریاست میں کانگریس کے اقتدار سنبھالنے کے بعدپریانکا 5ویں ڈی سی ہیں جنہوں نے اُڈپی ڈی سی کے طورپر چارج لیاہے۔ مدوموہن، پٹن شٹی ،آر وشال ، ٹی وینکٹیش کے بعد پریانکا پانچویں ڈی سی ہیں۔ ضلع پنچایت سی ای اؤ کے عہدے پر نیا آفیسر نامزد ہونے تک پریانکا فرانسس سی ای اؤ کی خدمات بھی انجام دیتی رہیں گی۔