بھٹکل 12/اکتوبر (ایس او نیوز)  ضلع اُترکنڑا کے ہلیال میں پیش آئے ایک دردناک سڑک حادثہ میں دو موٹر بائک کی موقع پر ہی موت واقع ہوگئی، جبکہ ایک بائک کی پچھلی سیٹ پر سوار شخص شدید زخمی ہوگیا، جسے فوری طور پر ہبلی کے کیمس اسپتال لے جایا گیا ہے۔حادثہ  آج  جمعرات شام قریب چھ بجے پیش آیا۔

ذرائع سے ملی اطلاع کے مطابق  ہلیال تعلقہ کے  دُوسگی دیہات میں دونوں بائک کافی تیزی رفتاری کے ساتھ آپس میں ٹکراگئی۔ ٹکر کی شدت کا اندازہ اسی بات سے لگایا جاسکتا ہے کہ دونوں بائک سوار ٹکر میں ہلاک ہوگئے۔ اس میں ایک بائک سوار کی شناخت  الناور کے سچن کلیانکر (21) اور دوسرے بائک سوار کی شناخت دانڈیلی کے رہنے والے  دھیرج گیری (20) کی حیثیت سے کی گئی ہے۔ حادثے میں جو شخص زخمی ہوا ہے، اُس کی شناخت الناور کے ونائک تولگی   (21)  کی حیثیت سے کی گئی ہے ، جسے فوری طور پر ہبلی کے کیمس اسپتال میں لے جایا گیا ہے۔

حادثے کے فوری بعد  خانہ پور ۔ تالگوپہ نیشنل ہائی وے کچھ دیر کے لئے بلاک ہوگیا، مگر بعد میں ہلیال پولس کی موقع پر آمد کے بعد دونوں بائکوں کو ہٹانے اور لاشوں کو اسپتال منتقل کرنے کے بعد ٹریفک نظام درست کرلیا گیا۔

ہلیال پولس تھانہ میں معاملہ درج کیا گیا ہے ۔