بھٹکل 25/ اپریل (ایس او نیوز) مئی 12 کو ہونے والے کرناٹکا اسمبلی انتخابات میں کانگریس کے حق میں پرچار کرنے کل 26اپریل کو اے آئی سی سی صدر راہول گاندھی بھٹکل پہنچ رہے ہیں، جس کے لئے بھٹکل وینکٹاپور میدان میں تیاریاں زوروں سے جاری ہیں۔
موصولہ اطلاعات کے مطابق کانگریس صدر راہول گاندھی 26اپریل کو اترکنڑا ضلع کے مختلف مقامات بالخصوص کاروار، انکولہ، کمٹہ اور ہوناور میں روڈ شو اور جلسہ میں شرکت کے بعد بھٹکل پہنچیں گے اور کانگریس امیدوار کے حق میں ووٹ مانگیں گے ۔
26اپریل کی شام 6بجے راہول گاندھی بھٹکل کے وینکٹاپور میدان میں بڑے جلسے سے خطاب کرتے ہوئے کانگریس امیدوار منکال وئیدیا کے حق میں پرچار کریں گے اور عوام الناس سے انہیں ووٹ دینے کی اپیل کریں گے۔ اس تعلق سے جلسہ گاہ میں تیاریاں جاری ہیں، بھٹکل رکن اسمبلی منکال وئیدیا کی نگرانی میں ہی تمام تیاریاں کی جارہی ہیں، ان کے ساتھ بلاک کانگریس صدر ویٹھل نائک، جالی پنچایت صدر عبدالرحیم سمیت دیگر کئی کانگریسی کارکن موجود تھے۔
راہول گاندھی کی آمد کو لے کر جلسہ گاہ میں پولس کے تگڑے انتظامات کئے گئے ہیں۔
ضلع اُترکنڑا کے بعد راہول گاندھی جمعہ 27/اپریل کو پڑوسی ساحلی علاقہ مینگلور جائیں گے اور وہاں بھی کانگریس کےحق میں پرچار کریں گے۔