بھٹکل میں ماں کے انتقال کے بعد بیٹا بھی فوت؛ دونوں کی ایک ساتھ تدفین

Source: S.O. News Service | By I.G. Bhatkali | Published on 3rd July 2018, 9:42 PM | ساحلی خبریں | ان خبروں کو پڑھنا مت بھولئے |

بھٹکل 3/جولائی (ایس او نیوز) یہاں مدینہ کالونی محی الدین اسٹریٹ میں ماں کے انتقال کے کچھ ہی دیر بعد اُس کے بیٹے پر بھی دل کا دورہ پڑنے سے اُس کے بھی انتقال کرنے کی واردات پیش آئی ہے۔یہ واقعہ آج منگل دوپہر کو پیش آیا ۔

ذرائع سے ملی اطلاع کے مطابق ایک شادی ہال میں   محترمہ شہر بانو کے  ایک پوتے اور پوتی  کی  شادی کی تقریب چل رہی تھی جس کے دوران مدینہ کالونی، محی الدین اسٹریٹ پر واقع   گھر پر شہر بانو  انتقال کرگئی،  بتایا گیا ہے کہ ماں کے انتقال کی خبر ملتے ہی  فقیہ اسماعیل گھر پہنچا اور  ماں کی میت دیکھ کر اُسے بوسہ دینے کے بعد سیدھے  شادی ہال پہنچ گیا  مگر وہاں  نکاح کی تقریب چل رہی تھی جس  کو دیکھتے ہوئے اُس نے نکاح ہونے کا انتظار کیا پھر نکاح ہوتے ہی  اُس نے کچھ  لوگوں کو ماں کے انتقال کی خبر سنائی جس کے دوران اُس پر دل کا دوہ پڑ گیا اور وہ   وہیں گر گیا۔ فقیہ اسماعیل کو  فوری ایک پرائیویٹ اسپتال لے جایا گیا، جہاں سے اُسے    مینگلور لے جایا جارہا تھا کہ دوپہر قریب دو بجے سورتکل پہنچنے تک  اُس نے دم توڑ دیا۔

اسماعیل  کے بارے میں بتایا گیا ہے کہ وہ سعودی میں برسرروزگار تھا، وہاں سے بیمار ہونے کے بعد  واپس شہر لوٹا تھا، اس کی چاروں بیٹیوں کی شادی ہوچکی ہیں، اُس کو بیوی، ایک بھائی اور پانچ بہنیں ہیں۔

ایک ساتھ ماں اور بیٹے کے انتقال کی خبر  پھیلتے ہی  کافی لوگ گھر پہنچ گئے اورمیتوں  کا آخری دیدار کرتے ہوئے گھروالوں سے تعزیت کی۔بعد میں  دونوں جنازوں کو ایک ساتھ بھٹکل جامع مسجد لے جایا گیا، جہاں بعد نماز مغرب،  نماز جنازہ کے بعد پرانے قبرستان میں تدفین عمل میں ا ٓئی۔ جنازے میں شہر کے کافی لوگ شریک تھے۔ اللہ تعالیٰ دونوں کی مغفرت فرمائے اور پسماندگان کو صبر جمیل عطا فرمائے۔ اٰمین

ایک نظر اس پر بھی

یلاپور کے رکن اسمبلی شیورام ہیبار کا فیس بک پوسٹ : وزیر دیش پانڈے کے خلاف شکایت اور ووٹروں سے معافی

ریاستی حکومت کے باغی گروہ میں شامل اترکنڑا ضلع یلاپور حلقہ کے رکن اسمبلی شیورام ہیبار نے اپنے حلقہ کے رائے دہندگان سے معافی مانگی ہے۔ وہیں ضلع نگراں کار وزیر آر وی دیش پانڈے کے خلاف ناراضگی کا اظہار کرتے ہوئے کہاکہ اپنی ہی پارٹی   سے منسلک ایک  رکن اسمبلی کے حلقہ کے مسائل ...

بھٹکل کے اسٹوڈینٹس سمیت ضلع بھر کے ٹاپرس کو کاروار میں خصوصی تہنیت اور بیسٹ اسٹوڈینٹس کا خطاب

کرناٹکا پس ماندہ طبقات  اور پچھڑی طبقات ملازمین متحدہ محاذ اترکنڑا  کی طرف سے کاروار شہر کے ضلع رنگ مندر میں   ایس ایس ایل سی اور پی یوسی میں ٹاپ کرنے والے ضلع اُترکنڑا  کے اسٹوڈینٹس  کی شال پوشی کے ساتھ   تہنیت کی گئی اور اُنہیں بیسٹ اسٹوڈینٹس کے اعزاز سے نوازا گیا۔

کنّور ایئر پورٹ پر 7لاکھ روپے مالیت کی چرس کے ساتھ مسافر گرفتار

کنّور ایئر پورٹ پر سنٹرل انڈسٹریل سیکیوریٹی فورس(سی آئی ایس ایف) کے افسران نے نشے کے لئے استعمال ہونے چرس کے ساتھ دوحہ قطر کے سفر پر روانہ ہونے کی کوشش کرنے والے ایک مسافر کو گرفتار کرلیا ہے اور اس کے قبضے 7لاکھ روپے مالیت کی چرس بر آمد کرلی ہے۔

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...