منگلورو ڈسٹرکٹ جیل میں دوگروہوں کے درمیان مارپیٹ۔زخمی جیلر اور دو قیدی اسپتال میں داخل
منگلورو9؍جنوری (ایس او نیوز) ایسا لگتا ہے کہ ضلع جنوبی کینرا میں پھیلا ہوا مذہبی منافرت کا زہر او نچی اونچی دیواریں پھلانگ کر جیل خانوں کے اندرتک پہنچ گیا ہے۔موصولہ رپورٹ کے مطابق منگلورو ڈسٹرکٹ جیل میں 8جنوری کی شام کو چائے نوشی اور قیدیوں کی اپنے رشتے داروں سے ملاقات کے وقفے کے دوران دوفرقوں کے قیدیوں کے بیچ تکرار اور مارپیٹ کی واردات سامنے آئی ہے۔
بتایا جاتا ہے کہ تکرار اس وقت شروع ہوئی جب ایک قیدی نے دوسرے قیدی کو غصہ بھری نظروں سے گھور کر دیکھا۔پھر دونوں گروہوں نے جیل کے اندر جم کر توڑ پھوڑ مچائی۔ ایک دوسرے پر حملے کے لئے سلاخوں،پتھر اورٹیوب لائٹس کا استعمال کیا ۔اس مارپیٹ قیدیوں کے دوران بیچ بچاؤ کرنے کے لئے پہنچے ہوئے جیل کے عملے سے متعلقہ کئی افراد اور پولیس والے زخمی ہونے کی خبر ہے۔ ایک جیلر اور دو قیدیوں کو چوٹ اور زخموں کے علاج کے لئے ڈسٹرکٹ اسپتال میں داخل کیا گیا ہے۔