منگلورو:8/اگست (ایس اؤنیوز)ریاست میں بہت جلد 1706نئی بسیں کے ایس آرٹی سی کی طرف سے دوڑانےکی بورڈ کے صدر گوپال پجاری نے جانکاری دی ۔

وہ یہاں ڈپٹی کمشنر دفتر میں بورڈ افسران اور محکمہ ٹرانسپورٹ کے ضلعی افسران کے ساتھ جائزہ میٹنگ کے بعد پریس کانفرنس میں بات کررہے تھے۔ بورڈ صدر پجاری نے بتایاکہ 800پرانے بسوں کو بدل کر نئی بسیں سڑکوں پر دوڑیں گی ۔ بقیہ 121نرم بسیں چلنے کی بات کہی۔ فی الحال ضلع میں 21نرم بسیں چل رہی ہیں۔ منگلورو زون میں 145بسوں کو دوڑانے کی اجازت طلب کی گئی ہے اب 30بسیں جاری رہنےکی پجاری نے جانکاری دی ۔

بورڈ صدر نے بتایاکہ منگلورو ۔ بھٹکل کی اولوو بس سرویس کی زبردست کامیابی اور بہترین کمائی کو دیکھتے ہوئے منگلورو اور کمٹہ کے درمیان نئی بس سرویس شروع کرنے کے لئے منظوری مانگے جانےکی بات کہی۔ اسی طرح آئندہ دنوں میں منگلورو سے کاروار اور بھٹکل سے کاروار کے نیا روٹ شروع کرنے کے لئے عوامی سطح پر مانگ کی جارہی ہے اس سلسلے میں غورکرنے بورڈ تیار رہنے کی ذرائع نے خبر دی ہے۔

بی سی روڈ پر ہائی ٹیک بس اسٹانڈ کی تعمیر اگلے ماہ میں مکمل ہوگئی ہے۔ سورتکل میں جگہ دی جاتی ہے تو ڈپو شروع کرنےکا ارادہ ہے۔ منگلورو میں ایک مرکز ہے اور ایک مرکز کو شروع کرنے کے لئے بورڈ تیار رہنے کی جانکاری کے ایس آرٹی سی کے انتظامی ڈائرکٹر ایس آر اوما شنکر نے دی ۔

ریلوے اسٹیشن کی طرح ریاست کے بس اسٹانڈ وں پر بھی بنیاد ی سہولیات کو مہیا کیا جائے گا۔ مسافروں کو وائی فائی ، اخبارات، پینے کے لئے ایک روپیہ میں پاک صاف پانی کی سہولیات فراہم کرنا پیش نظر ہے۔ اوما شنکرنے بتایاکہ شہر اور مہانگر حدود میں 23000بسیں دوڑ رہی ہیں، دیہی علاقے میں 9لاکھ طلبا سمیت 18500طلبا رعایتی بس پاس رکھتے ہیں۔ کے ایس آر ٹی سی کی طرف سے سالانہ 104کروڑ روپیوں کا معاشی لین دین ہوتاہے۔ ہمارا ادارہ قومی سطح پر مشہور ہے۔ پریس کانفرنس میں ارکان اسمبلی جے آر لوبو، محی الدین باوا، کے ایس آرٹی سی ڈائرکٹر ٹی کے سدھیر، منگلورو تعلقہ پنچایت صدر محمد معینو وغیرہ موجود تھے۔