کمٹہ6؍اگست (ایس او نیوز)کمٹہ مچھلی مارکیٹ میں مچھلی فروش خواتین نے مارکیٹ کے اطراف پائی جانے والی گندگی صاف نہ کرنے کے مسئلے پر سخت احتجاج کرتے ہوئے بلدیہ افسران کو آڑے ہاتھوں لیا۔

مچھلی فروش خواتین کا کہنا ہے کہ روزانہ شام کو مچھلی مارکیٹ کی صفائی کی جاتی ہے اور تمام گندگی مارکیٹ سے متصل نالے میں چھوڑ دی جاتی ہے۔ بلدیہ والے گٹر صاف تو کرتے ہیں لیکن نالے سے نکالی گئی گندگی اوپر کنارے پر یوں ہی چھوڑ دیتے ہیں اور اس کو وہاں سے ہٹانے کا کام نہیں کرتے ۔ جس سے مچھلی فروشوں کے ساتھ ساتھ عوام کو بھی گندگی اوربدبو کا سامنا کرنا پڑتا ہے۔اس ہنگامے کے دوران مقامی ایم ایل اے شاردا شٹی نے موقع پر پہنچ کر معائنہ کیا اوربلدیہ افسران کو صفائی کے سلسلے میں زیادہ توجہ دینے کی ہدایت دی اور تنبیہ کی کہ آئندہ اس مقام پر گندگی کے ڈھیر کو اس طرح چھوڑے جانے پر سخت تادیبی کاروائی کی جائے گی۔

بعد میں رکن اسمبلی شاردا شٹی نے قریبی علاقہ میں سڑک کی خستہ حالی کا بھی معائنہ کیا اور جلد راستے کی درستگی کا عوام کو بھروسہ دلایا۔