کاروار: پولس اور عوام کے تعلقات کو مستحکم کرنے بیٹ سسٹم ایک پُل کی مانند :غلطی پر تنقید اور اچھے کاموں پر تعریف کریں : ایس پی ونایک پاٹل

Source: S.O. News Service | By Abu Aisha | Published on 17th July 2017, 9:48 PM | ساحلی خبریں | ان خبروں کو پڑھنا مت بھولئے |

کاروار:17/جولائی (ایس اؤنیوز)نئے طورپرمتعارف کردہ پولس گشتی نظام سے پولس محکمہ اور عوام کے درمیان تعلقات مستحکم ہونےکے علاوہ جرائم کی روک تھام میں معاون ہے، عوام جب پولس پر اعتماد کرتی ہے تو معاملات کو نتیجہ خیز انداز میں سلجھانا آسان ہوتاہے۔ ان خیالات کااظہار ضلع اترکنڑا کے ایس پی ونایک پاٹل نے کیا۔

وہ یہاں شہر کےضلع رنگ مندر میں پولس محکمہ کے زیراہتمام نئے ترمیم کردہ پولس بیٹ سسٹم اور بیٹ عوام پروگرام کی صدارت کرتے ہوئے خظاب کررہے تھے۔ انہوں نے بتایا کہ پولس بیٹ سسٹم ابھی ابھی متعارف کرایا گیا ہے، اس کے نتائج کے لئے کچھ وقت درکار ہے۔ اس سے قبل ضلع میں صرف 196بیٹ تھے اب اس میں اضافہ کرتے ہوئے 1110کیا گیا ہے ۔کل 45ہزار بیٹ ممبران ہیں جو جرائم کو روکنے میں پولس کا تعاون کریں گے۔ ضلع ایس پی نے کہاکہ جب پولس غلط کرتی ہے تو تنقید کریں اس کی تصحیح کرلیں گے، اسی طرح جب کوئی اچھا کرتی ہے تو اس کی تعریف بھی کریں تو ہمارے اعتماد میں اضافہ ہوگا۔ عوام جتنا پولس پر اعتماد کرے گی اتنا ہی جرم میں کمی ہونےکی بات کہی۔

کراولی منجاؤ کے مینجنگ ایڈیٹر گنگادھر ہیرے گتی نے خطاب کرتے ہوئے کہاکہ در اصل پولس محکمہ سماجی سطح پر بے انصافی کا شکار ہونےو الوں کی حفاظت کے لئے ہے، لیکن ایک ذمہ داری شہری کا فرض بنتاہے کہ غیر قانونی کارستانیوں پر قد غن لگانے کے لئے پولس کاتعاون کریں۔ اسی طرح پولس کی مشکلات اور تکالیف کا عوام کو شعور ہونا چاہئے ، انہوںنے محکمہ سے اپیل کی کہ رات کے اوقات میں گھومنے والوں پر کڑی نگاہ رکھیں۔انہوں نے نئے بیٹ سسٹم پر اظہار خیال کرتےہوئے کہاکہ گرچہ یہ اچھا پروگرام ہے لیکن محکمہ میں عملے کی قلت ہے ، اس کو دور کرنےکے لئے شہری اور نواحی علاقوں میں سی سی ٹی وی کیمروں کی تنصیب کو لازمی قرار دیں اور رات کے اوقات میں گھومنے والی سواریوں کے نمبر نوٹ کرلیں گے تو جانچ میں معاون ہونےکی بات کہی۔

مہمان خصوصی کی حیثیت سے بات کرتےہوئے ماہی گیر لیڈر گنپتی مانگرے نے کہاکہ پولس محکمہ کی طرف سے جرائم کو ختم کرنے کے لئے ایک نئے منصوبے کو جاری کیا گیا ہے جسکے لئے عوام کاتعاون ضروری ہونے کی بات کہی۔ سماجی فلاح و بہبودی کمیٹی کی صدر انو کلس نے خطاب کرتے ہوئے کہا کہ جہاں بھی جرم کی بوباس محسوس ہوتی ہے عوام فوری طورپر پولس کو اطلاع دیں۔ موظف پولس افسر کے ایس نائک نے خطاب کیا۔ ڈائس پر بلدیہ کی نائب صدر لیلا بائی تھانیکر، کے ڈی اے صدر سندیپ، کرائم برانچ کے ڈی وائی ایس پی جی ٹی نایک موجود تھے۔ کاروار کے ڈی وائی ایس پی این ٹی پرمود راؤ نے بیٹ سسٹم کے متعلق افتتاحی کلمات پیش کرتے ہوئے استقبال کیا۔ کدرا سی پی آئی نتیانند پنڈت نے نظامت کی۔ کاروار کے سی پی آئی شرن گوڈاپاٹل نے شکریہ اداکیا۔ گشت عملے کی طرف سے آنند نے اپنےتاثرات پیش کئے۔

ایک نظر اس پر بھی

بھٹکل میں سرکاری ملازمین کا پرانی پنشن اسکیم کو جاری کرنےکامطالبہ :حکومت کو سونپا میمورنڈم

2004میں مرکزی حکومت کی طرف سے جاری کردہ پنشن اسکیم غیر سائنٹفک ہے جس سے سرکاری ملازمین میں عدم تحفظ پیدا کرنےکا الزام عائد کرتے ہوئے کرناٹکا سرکاری ملازمین سنگھ بھٹکل کے ممبران نے جمعرات کو پرانی پنشن اسکیم کو ہی جاری رکھنے کا مطالبہ لےکر بھٹکل تحصیلدار کی معرفت حکومت کو ...

بھٹکل: بی کام 5ویں سم کے نتائج میں گروسدھیندراکالج کے بہتر نتائج

گذشتہ سال نومبر، ڈسمبر میں منعقد ہوئے بی کام 5ویں سم کے امتحانات میں گروسدھیندرا کالج کے متعلم پرتھویش شٹی نے 92.17فی صد نمبرات سے کامیابی حاصل کرتے ہوئے کالج میں اول مقام پایا ہے۔ میگھا نایک اور شویتا آچاریہ نے 91.86شرح کامیابی کے ساتھ دوم اور ونوتا مادیو نائک 90.71فی صد کامیابی کے ...