کارکلا:بیف کا پارسل لے جانے کے الزام میں پولیس نے کیا ڈرائیور اور کنڈکٹر کو گرفتار۔بیف سمیت بس کی گئی ضبط
کارکلا 8؍ستمبر (ایس اونیوز) ایک منی بس میں بیف لے جانے کی مصدقہ اطلاع پر کارروائی کرتے ہوئے کارکلا پولیس نے بس کے ڈرائیور اور کنڈکٹر کو گرفتار کرلیا ۔ اور گوشت سمیت بس کو ضبط کرلیا۔
موصولہ رپورٹ کے مطابق یہ واقعہ ہیبر ی پولیس اسٹیشن کے حدود میں پیش آیا۔ جہاں پر شیموگہ سے منگلورو کی طرف آنیو الی بس کو پولیس آفیسر مہابلا شیٹی نے روک کر تلاشی لی تو اس کے اندر 50کیلو گرام گوشت کا ایک پارسل رکھا ہوا ملا۔ جس کے بارے میں بس ڈرائیور ضوان اور کنڈکٹر دیپک نے بتایا کہ شیموگہ کے ایک شخص نے یہ پارسل اڈپی میں کسی شخص کو دینے کے لئے کہا تھا۔
پولیس نے ملزمین کے خلاف کیس درج کرلیا ہے اورمزید تحقیقات کی جارہی ہے۔