ہندوستان کی تاریخی 500ویں ٹیسٹ میچ میں بڑی جیت،اشون نے پانچویں بارلئے10وکٹ،روندرجڈیجہ آل راؤنڈرکارکردگی کی وجہ سے مین آف دی میچ منتخب
کانپور،26ستمبر(ایس او نیوز ؍آئی این ایس انڈیا)روی چندرن اشون نے پھر سے اپنی اسپن کا کمال دکھایا اور 6 وکٹ لئے جس سے ہندوستان نے پہلے ٹیسٹ کرکٹ میچ میں آج یہاں نیوزی لینڈ پر 197رنز سے جیت درج کرکے اپنے تاریخی 500ویں ٹیسٹ میچ کو یادگار بنا دیا۔نیوزی لینڈ کی ٹیم 434رنز کے مشکل ہدف کا تعاقب کرتے ہوئے میچ کے پانچویں اور آخری دن آج لنچ کے کچھ دیر بعد 236رنز پر ڈھیر ہو گئی۔ہندوستان نے اس طرح سے تین میچوں کی سیریز میں 1-0سے برتری بنا کر آئی سی سی رینکنگ میں دوبارہ نمبر ایک بننے کی طرف بھی مضبوط قدم بڑھائے۔اشون نے حالات کا مکمل فائدہ اٹھاتے ہوئے 132رنز دے کر 6 وکٹ لئے اور اس طرح میچ میں دس وکٹ لینے میں کامیاب رہے۔محمد سمیع(18رن دے کر دو وکٹ) نے آج دو کامیابیاں حاصل کرکے اشون کا اچھا ساتھ دیا۔روندر جڈیجہ نے ایک وکٹ حاصل کیا۔جڈیجہ کو ان کی لأآل راؤنڈر کارکردگی کے لئے مین آف دی میچ منتخب کیا گیا۔ہندوستان نے اس جیت سے ایک طرح سے ہیٹ ٹرک بھی مکمل کی۔اس نے اس سے پہلے اپنے 300ویں ٹیسٹ میچ میں 1996میں احمد آباد میں جنوبی افریقہ کو 64رنز سے اور 400ویں ٹیسٹ میچ میں 2006میں نگسٹن میں ویسٹ انڈیز کو 49رنز سے شکست دی تھی۔ہندوستان کی یہ ٹیسٹ میچوں میں کل 130ویں فتح ہے۔ہندوستان نے دسمبر 2012سے گھریلو سرزمین پر 12میچوں میں اپنی ناقابل شکست مہم بھی جاری رکھی۔اس نے ان میں سے دس میچ جیتے ہیں۔نیوزی لینڈ نے صبح چار وکٹ پر 93رن سے آگے کھیلنا شروع کیا۔اس کل کے ناٹ آوٹ بلے بازوں لیوک رونچی(80)اور مشیل سیٹنر(71)نے پانچویں دن صبح پہلے گھنٹے میں ہندوستان کو کوئی کامیابی نہیں ملنے دی لیکن ان دونوں کے درمیان پانچویں وکٹ کے لیے 102رنز کی شراکت ٹوٹنے کے بعد ہندوستان نے جیت حاصل کرنے میں دیر نہیں لگائی۔نیوزی لینڈ نے اپنے آخری پانچ وکٹ 42رن کے اندر گنوائے۔
اشون نے پانچویں بار میچ میں دس یا اس سے زیادہ وکٹ لے کر ہربھجن سنگھ کی برابری کی۔ان سے آگے اب صرف موجودہ کوچ انیل کمبلے ہیں جنہوں نے سب سے زیادہ8 بار میچ میں دس یا اس سے زیادہ وکٹ لئے ہیں۔صبح رایچی اور سیٹنر نے شروع میں احتیاط برتنے کے بعد جارحانہ رویہ اپنایا۔سیٹنر نے یہاں تک کہ جڈیجہ پر چھکا بھی لگایا۔ان دونوں نے صبح 20.4اوور میں 65رن جوڑے۔ان میں سے پہلے تین اوورز میں صرف چھ رنز بنے تھے۔روچی نے کچھ کرارے شاٹ جمائے،ان کی ٹائمنگ شاندار تھی،پہلے ڈرنکس وقفے تک دونوں بلے باز پورے اعتماد کے ساتھ کھیل رہے تھے۔رایچی نے اس کے بعد جڈیجا کی گیند پر سویپ شاٹ کھیلنے کی غلطی کی اور اپنا وکٹ انعام میں دیا،گیند ان کے بیٹ کے بالا حصے سے لگ کر اشون کے پاس چلی گئی۔رایچی نے اپنی اننگز میں 120گیندیں کھیلی اور نو چوکے اور ایک چھکا لگایا۔ان کا 80رنز کی اننگز اس میچ میں دونوں ٹیموں کی جانب سے سب سے زیادہ انفرادی اسکور رہا۔میچ میں دس نصف سنچری لگی لیکن کوئی بھی بلے باز سنچری نہیں لگاپایا۔سیٹنر نے ایک سرا سنبھالے رکھا اور ذاتی طور پر اپنے لئے اس میچ کو یادگار بنا دیا۔انہوں نے ایک اننگز میں سب سے بہترین گیند بازی کرنے کے بعد اپنے کیریئر کی پہلا نصف سنچری بھی جمائی۔انہوں نے براہ راست بلے سے کھیلنے کو ترجیح دی جس سے وہ ہندوستانی اسپنروں پر اچھی طرح سے نمٹ پائے۔ایش سوڈھی(17)نے سیٹنر کے ساتھ مل کر اسپنروں کے سامنے اپنی ساری بلے بازی کی مہارت جھونک دی،ان دونوں نے لنچ تک اور کوئی وکٹ نہیں گرنے دیا،اس کے بعد اشون نے خوبصورت گیند پر سیٹنر کی اننگز کا خاتمہ کیا۔سیٹنر کے لوگ سٹمپ کے باہر پچ کرائی گئی یہ گیند بلے کا بیرونی کنارہ لے کر سلی پوائنٹ پر کھڑے روہت شرما کے ہاتھوں میں سما گئی۔سیٹنر بھی اشون کی چالاکی بھری گیند کو دیکھ کر مسکرایے اور پھر پویلین لوٹ گئے. انہوں نے 179گیندیں کھیلی اور سات چوکے اور دو چھکے لگائے،اس کے بعد تو جیت محض رسمی رہ گئی تھی۔اشون نے سوڈھی کے طور پر اننگز کا اپنا پانچواں وکٹ لیا اور پھر نیل ویگنر کو ایل بی ڈبلیو آؤٹ کر کے ہندوستان کو جیت دلائی جو گھریلو سرزمین پر اس کی88ویں فتح ہے۔ہندوستان اس سے آئی سی سی رینکنگ میں نمبر ایک بننے کے قریب پہنچ گیا،اس کیلئے اسے یہ سیریز جیتنی ہوگی،دونوں ٹیموں کے درمیان دوسرا ٹیسٹ میچ جمعہ سے کولکاتہ میں شروع ہوگا۔تیسرا اور آخری ٹیسٹ میچ آٹھ اکتوبر سے اندور میں کھیلا جائے گا۔