تیسرے ٹی 20میں ہندوستان نے نیوزی لینڈ کو 6رنز سے شکست دے کرسیریزاپنے نام کرلی

Source: S.O. News Service | By Shahid Mukhtesar | Published on 8th November 2017, 11:26 AM | اسپورٹس | ان خبروں کو پڑھنا مت بھولئے |

تھرواننت پورم،7؍نومبر(ایجنسی)ہندوستاننے نیوزی لینڈ کو آخری اور فیصلہ کن ٹی 20 میچ میں دلچسپ مقابلے کے بعد 6 رنز سے شکست دیدی اور 3 میچوں کی سیریز کا 2 ۔1 سے فاتح بن گیا۔منگل کو کھیلا گیا سیریز کا فیصلہ کن ٹی 20 میچ بارش کی باعث 8، 8 اوورز تک محدود رہا ،نیوزی لینڈ کے کپتان کین ولیمسن نے ٹاس جیت کر ہندوستان کو بیٹنگ کی دعوت دی۔ہندوستان نے مقررہ اوورز میں 5وکٹ کے نقصان پر 67 رنز بنائے ،منیش پانڈے 17، کپتان ویراٹ کوہلی 13 اور ہردیک پانڈیا نے ناٹ آئوٹ 14رنز بنائے ، ان کے سوا کوئی بھی کھلاڑی ڈبل فیگر میں داخل نہ ہوسکا ۔نیوزی لینڈ کی طرف سے ٹم ساوتھی،اور سودھی نے 2،2 بھارتی کھلاڑیوں کو پویلین کی راہ دکھائی ۔نیوزی لینڈ  8اوورز میں 68 رنز کا نستباً آسان ہدف حاصل کرنے میں ناکام رہی ،کیوی ٹیم نے مقررہ اوورز میں 6 وکٹ پر 61 رنز تک محدود رہی ۔نیوزی لینڈ کے گلین فلپس 11 اور کولن ڈی گرینڈہوم نے 17 نمایاں اسکور کئے،اور کوئی بیٹسمین ڈبل ہندسہ عبور نہ کرسکا ۔ہندوستان کی جانب سے جسپریت بمرا 2 وکٹیں لے کر سب سے کامیاب باؤلر رہے ،انہیں مین آف دی میچ اور مین آف دی سیریز قرار دیا گیا۔

ایک نظر اس پر بھی

سچن ، سہواگ کو پیچھے چھوڑ دیتا یہ پاکستانی کرکٹر، لیکن اب لگنے والی ہے پابندی

پاکستان کے سابق آل راونڈرعبد الرزاق نے ابھی حال ہی میں بیان دیا تھا کہ سلامی بلے باز احمد شہزاد بہت باصلاحیت ہیں اوروہ سہواگ اور سچن تندولکر جیسے عظیم بلے بازوں کو بھی پیچھے چھوڑنے کی صلاحیت رکھتے ہیں،

مرکزی حکومت’’مدرسوں پرتالا‘‘نہیں بلکہ’’فارمل تعلیم کی مالا‘‘چاہتی ہے،برج کورس کے کا میاب طلبہ وطالبات کومختارعباس نقوی نے اسنادتقسیم کیں

مرکزی اقلیتی امورکے وزیرمختارعباس نقوی نے آج کہاہے کہ مرکزی حکومت’’مدرسوں پرتالا‘‘نہیں بلکہ’’فارمل تعلیم کی مالا‘‘چاہتی ہے۔یہاں وزارت برائے اقلیتی اموراورجامعہ ملیہ اسلامیہ کی جانب سے مشترکہ طورسے مدرسے طلبہء4 اوراسکول ڈراپ آؤٹس کے لئے چلائے جارہے’’برج کورس‘‘میں ...

ہوناور میں مہلوک پریش میستا کے والد کے بیان پر کانگریس کے جگدیپ کا پلٹ وار؛ کہا کانگریس والے ڈاکٹر نہیں ہیں کہ وہ پریش میستا کی موت کو فطری موت کہیں

پریش میستا کی مشتبہ ہلاکت کے سلسلے میں ہورہی سست رفتار تحقیقات کے خلاف  ہوناور بلاک کانگریس  کی جانب سے کی گئی  بھوک ہڑتال کے ساتھ احتجاج  کرنے پر مہلوک پریش کے والد کملاکر میستا نے بھوک ہڑتال کو  فریبی چال اور دکھاوا قرار دیا تھا، ان کے  الزام سے صریح انکار کرتے ہوئے ہوناور ...