بھٹکل میں کل جمعہ اور سنیچر کو ایکو پنکچرکے ذریعے علاج کا مفت کیمپ؛ مریضوں سے استفادے کی اپیل
بھٹکل 15/مارچ (ایس او نیوز) کل جمعہ 16 مارچ اور سنیچر 17مارچ کو بھٹکل نوائط کالونی ، خوشحال ہال میں ایک مفت ایکیو پنکچر علاج کا کیمپ رکھا گیا ہے جس میں ایکوپنکچر میں ماہر اور تربیت یافتہ ڈاکٹرس مریضوں کی جانچ کرتے ہوئے علاج تجویز کریں گے۔
یہ مفت کیمپ ہیلینگ ٹچ اور ہیربل لائف کے مشترکہ تعائون سے منعقد کیا جارہا ہے ، مریضوں سے درخواست کی گئ ہے کہ وہ اس کیمپ سے استفادہ کریں۔
ڈاکٹر عائشہ رُخسار نے اس تعلق سے معلومات فراہم کرتے ہوئے بتایا کہ ایکیوپنکچر ایک جامع صحت کی تکنیک ہے جس میں روایتی چینی طب کے طریقوں سے علاج کرایا جاتا ہے۔ اس تکنیک کےذریعے تربیت یافتہ ڈاکٹر جسم کے مخصوص حصوں میں پتلی سوئیاں چبھو کر علاج کرتے ہیں۔ اس تیکنیک کےذریعے بدن درد، گھٹنوں کا درد، سر درد، ایڑیوں کا درد، گردن کا درد، پیٹھ کا درد،سردرد، الرجی، ہاضمہ کی شکایت، ٹینشن، دماغی پریشانی، پیٹ کی تکلیف، ہائی بلڈ پریشر، ذیابیطس، نشہ، سگریٹ نوشی سے چھٹکارہ جیسی کئی بیماریوں کا مکمل علاج کیا جاسکتا ہے۔
کیمپ میں وزن بڑھانے یا وزن گھٹانے سمیت بچوں کی صحت،اُن کی جسمانی و ذہنی کمزوری، متوازن غذا وغیرہ کے تعلق سے بھی مشورہ لیا جاسکتا ہے۔
کل جمعہ کو یہ کیمپ دوپہر تین بجے شروع ہوگا، شام سات بجے تک چلے گا، جبکہ سنیچر 17/ مارچ کو یہ کیمپ صبح دس بجے شروع ہوکر شام کو سات بجے اختتام کو پہنچے گا۔
کیمپ میں شریک ہونے یا مزید معلومات کے لئے موبائل نمبر 08668635737 پر رابطہ کیا جاسکتا ہے۔
