کمٹہ: گھر سے اسکول کے لئے نکلے ہوئے لڑکے کی لاش برآمد؛ لاپتہ لڑکا نالے میں مردہ حالت میں پایا گیا

Source: S.O. News Service | By I.G. Bhatkali | Published on 11th June 2018, 7:11 PM | ساحلی خبریں | ان خبروں کو پڑھنا مت بھولئے |

کمٹہ 11/جون (ایس او نیوز) گھر سے اسکول کے لئے نکلے ہوئے لڑکے کی آج پیر کو قریبی نالے سے لاش برآمد ہوئی  ہے، جس کی شناخت  تعلقہ کے  ہیگڈے دیہات کے گاندھی نگر  کے رہنے والے منجوناتھ مُکری کے فرزند  گنیش عرف گوریش (12)  کی حیثیت سے کی گئی ہے۔

ذرائع سے ملی اطلاع کے مطابق گوریش سنیچر کو صبح اسکول گیا تھا،  پھر دوبارہ واپس گھر نہیں لوٹا، سنیچر دوپہر سے ہی اس کی تلاش کردی گئی  تھی،  مگر کہیں پر بھی پتہ نہ لگنے کی وجہ سے کمٹہ پولس کو واقعے کی جانکاری دی گئی۔ لڑکے کا پتہ لگانے کے لئے وہاٹس ایپ اور دیگر سوشیل میڈیا پر بھی لڑکے کی فوٹو وائرل کی گئی تھی، مگر کہیں سے بھی کوئی پتہ نہیں چل پایا۔

آج پیر کو لاپتہ لڑکے کی لاش قریب میں واقع ایک نالے میں تیرتی ہوئی پائی گئی۔

پولس نے بتایا کہ اسکول سے چھوٹنے کے بعد گوریش  دراصل اسکولی دوستوں کے ساتھ  بارش کے پانی سے بھرے ہوئے ایک نالے میں اُتر گیا تھا اور دوستوں کے ساتھ کھیل رہا تھا، جس کے دوران ہی وہ نالے میں ڈوب کر لاپتہ ہوگیا۔ ساتھی لڑکے  واقعے سے گھبراگئے اور چپی سادھ کر اپنے اپنے گھر فرار ہوگئے۔

پولس نے بتایا کہ سنیچر سے لاپتہ لڑکے کا جب کہیں پر بھی پتہ نہیں چل پایا تو آج پیر صبح کمٹہ پولس تھانہ کے  سرکل پولس انسپکٹر، پی ایس آئی، بلاک ایجوکیشن آفسر اور گائوں کے لوگوں نے اس کی جگہ جگہ تلاشی شروع کردی، جس کے دوران  متعلقہ نالے سے لڑکے کی نعش کا پتہ چلا۔

کمٹہ پولس تھانہ میں معاملہ درج کیا گیا ہے، چھان بین جاری ہے۔

ایک نظر اس پر بھی

مرڈیشور پالی ٹکنک طلبا کی طرف سے بم ناکارہ مشین کی نمائش

کورگ ضلع کے پونمپیٹ کے کورگ انسٹی ٹیوٹ آف ٹکنالوجی میں منعقدہ سال 2019کے پراجکٹ ایگزیبشن  مقابلے میں مرڈیشور آر این ایس پالی ٹکنک کالج کے طلبا کی طرف سے پیش کردہ الکڑانک بم کو ناکارہ بنانے والی مشین کے متعلق ہر ایک نے تعاریفی کلمات کہے۔

بھٹکل روٹری کلب کا انڈور اسٹیڈیم بھی قومی شاہراہ کی نذر : یادداشت کے لئے 29مارچ سے شٹل بیڈمنٹن ٹورنامنٹ کا انعقاد

قومی شاہراہ توسیع کام کو لے کر کچھ ہی دنوں میں نکال باہر ہونے والے دوردرشن مرکز سے متصل روٹری کلب کے انڈور اسٹیڈیم میں 29مارچ سے تین دنوں تک شٹل بیڈمنٹن ٹورنامنٹ منعقد کئے جانے کی روٹری کلب کے سکریٹری شری نواس پڈیار نے جانکاری دی ۔

سداپور : 5مرتبہ ایم پی منتخب ہونے والے اننت کمار سے ضلع کو کوئی فائدہ نہیں : آزاد امیدوار کی حمایت کریں گے

آئندہ ہونے والے لوک سبھا انتخابات میں آزاد امیدوار کی حیثیت سے انتخاب لڑنےو الے وکیل جی ٹی نائک کی ہم لوگ حمایت کریں گے۔ کیونکہ وکیل جی ٹی نائک غریب، پسماندہ ، کسان اور مظلو م طبقات کے متعلق فکر رکھتے ہیں ۔ہیمنت نائک، ہریش نائک، ارون نائک نے پریس ریلیز جاری کرتے ہوئے اعلان کیا ...

کانگریس کاچیلنج: مودی بتائیں کہ وہ ’نیائے‘ منصوبہ کے حق میں ہیں یا مخالف، بی جے پی گمراہی نہ پھیلائے،پالیسی کمیشن اب پالٹیکل کمیشن بن گیاہے

کانگریس نے ’کم از کم آمدنی منصوبہ بندی‘ کے تحت غریب خاندانوں کو سالانہ 72 ہزار روپے دینے کے انتخابی وعدے کو لے کر بی جے پی کے حملے پر جوابی حملہ کیا اور کہا کہ وزیر اعظم نریندر مودی کو یہ واضح کرنا چاہئے کہ کیا وہ غر یبوں کے مسائل کا تکفل کرنے والے اس مجوزہ اقدام کے حامی ہیں یا ...

پتور: منگلورو جارہے ٹرک ڈرائیور کو باندھ کرنیشنل ہائی وے 75پر لوٹا گیا

ایک تین رکنی لٹیروں کی ٹیم نے نیشنل ہائی وے 75پر مال سے لدے ہوئے ٹرک کو روکا اور ڈرائیور کے منھ میں کپڑا ٹھونس کر اسے باندھنے کے بعد ٹرک سے کچھ ساما ن کے علاوہ ٹرک ڈرائیور کے پاس موجود 5,200روپے اور موبائل فون لوٹ کر فرار ہوگئے ۔