ایشیا کپ:ہندوستان اور افغانستان کا میچ سنسنی خیز مقابلے کے بعد ٹائی

Source: S.O. News Service | By Shahid Mukhtesar | Published on 26th September 2018, 11:46 AM | اسپورٹس | ان خبروں کو پڑھنا مت بھولئے |

 دبئی، 26؍ستمبر (ایس او نیوز؍ایجنسی) ایشیا کپ میں ہندوستان اور افغانستان کے درمیان میچ سنسنی خیز مقابلے کے بعد ٹائی ہو گیا ہے اور افغانستان نے ایشیا کپ میں ہندوستان کی فتوحات کا خاتمہ کردیا۔

دبئی میں کھیلے گئے میچ میں افغانستان نے ٹیم میں پانچ تبدیلیوں کے ساتھ میدان میں اترنے والی ہندوستانی ٹیم کے خلاف ٹاس جیت کر پہلے بیٹنگ کا فیصلہ کیا۔

ہندوستاننے میچ کے لیے اوپنر شیکھر دھاون، روہت شرما، یزویندر شاہل، جسپریت بمراہ اور بھوونیشور کمار کو آرام کرایا اور ان کی جگہ لوکیش راہل، خلیل احمد، منیش پانڈے، دیپک چاہر اور سدہارتھ کول کو ٹیم کا حصہ بنایا۔

افغان اوپنر نے جارحانہ انداز میں بیٹنگ کی اور جاوید احمدی کے ہمراہ ٹیم کو 65رنز کا عمدہ آغاز فراہم کیا جس میں جاوید کا حصہ محض پانچ رنز تھا۔

تاہم اس موقع پرہندوستانی اسپنرز نے عمدہ باؤلنگ کا مظاہرہ کر کے بڑے ہدف کی جانب گامزن افغانستان کی ٹیم کی یکے بعد دیگرے چار وکٹیں لے کر انہیں مشکلات سے دوچار کردیا۔

جاوید احمدی 5، رحمت شاہ 3 بنا کر جدیجا کی وکٹ بنے جبکہ کلدیپ یادو نے لگاتار گیندوں پر حشمت اللہ شاہدی اور اصغر کا کام تمام کیا۔

82رنز پر چار وکٹیں گرنے کے بعد شہزاد کا ساتھ دینے گلبدین نائب آئے اور دونوں کھلاڑیوں نے 50رنز کی شراکت قائم کی جبکہ اس دوران شہزاد نے اپنی ریکارڈ ساز سنچری بھی مکمل کر لی۔

تاہم 132 کے اسکور پر دیپک چاہر نے گلبدین کو آؤٹ کر کے انہیں انٹرنیشنل کرکٹ میں اپنی پہلی وکٹ بنا لیا۔

شہزاد نے عمدہ بیٹنگ کا سلسلہ جاری رکھا اور تجربہ کار محمد نبی کے ساتھ مل کر اسکور کو 180تک پہنچانے کے ساتھ ساتھ ٹیم کی بڑے اسکور کی راہ بھی ہموار کی۔

محمد شہزاد نے آؤٹ ہونے سے قبل 116 گیندوں پر 7 چھکوں اور 11چوکوں کی مدد سے 124 رنز بنائے۔

شہزاد کے آؤٹ ہونے کے بعد محمد نبی نے ذمے داری سنبھالی اور نجیب اللہ زدران کے ہمراہ اسکور کو 226 تک پہنچا دیا، وہ چار چھکوں اور تین چوکوں کی مدد سے 64رنز بنانے کے بعد آؤٹ ہوئے۔

اختتامی اوورز میں افغانستان کی ٹیم زیادہ تیز رفتاری سے رنز نہ بنا سکی اور مقررہ اوورز میں 8وکٹوں کے نقصان پر 252رنز بنا سکی۔

واضح رہے کہ ایشیا کپ 2018 میں یہ ہندوستان کے خلاف اب تک کسی بھی ٹیم کا پہلے بیٹنگ کے لیے سب سے بڑا اسکور ہے اور کوئی بھی ٹیم انہیں جیت کے لیے اس سے بڑا ہدف نہیں دے سکی۔

ہندوستان کی جانب سے رویندرا جدیجا 3وکٹیں لے کر سب سے کامیاب باؤلر رہے جبکہ کلدیپ یادو نے دو وکٹیں حاصل کیں۔

ہندوستان نے اننگز کا آغاز کیا تو اوپنرز امبتی رائیڈو اور لوکیش راہل نے 110 رنز کی شراکت قائم کر کے میچ کو کافی حد تک یکطرفہ بنا دیا لیکن اس موقع پر افغان اسپنرز عمدہ باؤلنگ کے ذریعے اپنی ٹیم کو میچ میں واپس لے آئے۔

راہل 60 اور رائیڈو 57 رنز بنا کر آؤٹ ہوئے جبکہ قائم مقام کپتان مہندرا سنگھ دھونی صرف 8رنز بنا سکے۔

دنیش کارتھک اور منیش پانڈے نے اسکور 166 تک پہنچایا لیکن پانڈے کی اننگز بھی صرف 8رنز پر ہی تمام ہوئی۔

کیدار جادھو وکٹ پر آئے تو کارتھک کے ساتھ مل کر ٹیم کی ڈبل سنچری مکمل کرائی پھر یکے بعد دیگر دونوں کھلاڑی بالترتیب 19 اور 44 رنز بنانے کے بعد پویلین لوٹ گئے جس کے ساتھ ہی میچ دلچسپ شکل اختیار کر گیا۔

205 پر چھ وکٹیں گرنے کے بعد رویندرا جدیجا کا ساتھ دینے کے لیے پہلا میچ کھیلنے والے دیپک چاہر آئے اور دونوں نے 21رنز جوڑ کر بتدریج ہدف کی جانب پیش قدمی کی لیکن آفتاب عالم نے چاہر کی وکٹیں بکھیر کر ایک مرتبہ اپنی ٹیم کی میچ میں کامیابی کی امیدیں روشن کر دیں۔

اختتامی اوورز میںہندوستان بیٹنگ لائن افرا تفریح کا شکار نظر آئی اور 49ویں اوور میں کلدیپ یادو کے بعد سدہارتھ کول کے رن آؤٹ ہونے کے ساتھ ہیہندوستانی  ٹیم 9وکٹوں سے محروم ہو گئی۔

میچ کے آخری اوور میں ہندوستان کو فتح کے لیے 7 رنز درکار تھے اور جدیجا نے راشد خان کی پہلی گیند روکنے کے بعد دوسری گیند کو باؤنڈری کے پار بھیج دیا۔

اس کی اگلی گیند پر جدیجا نے ایک رن لیا جبکہ اگلی گیند پر خلیل نے بھی سنگل لے کر مقابلہ برابر کردیا اور ہندوستان کو آخری دو گیندوں پر جیت کے لیے ایک رن درکار تھا۔

تاہم جدیجا اپنے اعصاب پر قابو نہ رکھ سکے اور بڑا شاٹ مارنے کی کوشش میں باؤنڈری پر کیچ ہو گئے اور میچ دونوں ٹیموں کے اسکور کی برابری کے ساتھ اختتام پذیر ہوا۔

افغانستان کی جانب سے راشد خان، محمد نبی اور آفتاب عالم نے دو، دو وکٹیں حاصل کیں۔

محمد شہزاد کو شاندار سنچری پر میچ کا بہترین کھلاڑی قرار دیا گیا۔

ایک نظر اس پر بھی

وراٹ کوہلی اور پرتھوی شا کی نصف سنچریوں کی بدولت ہندوستان نے بنا358 رنز

شاندار فارم میں چل رہے کپتان وراٹ کوہلی (64) اور نوجوان پرتھوی شا (66) سمیت پانچ ہندوستانی بلے بازوں نے نصف سنچری جمائے جس کی مدد سے ہندوستان نے کرکٹ آسٹریلیا الیون کے خلاف بارش سے متاثر پریکٹس میچ میں دوسرے دن 358 رن بنائے۔جواب میں کرکٹ آسٹریلیا الیون نے چار اوور میں بغیر کسی نقصان ...

پاکستان کو زبردست جھٹکا: بی سی سی آئی کا ہندوستانی ٹیم کو پاکستان بھیجنے سےانکار

 ہندوستانی کرکٹ کنٹرول بورڈ (بی سی سی آئی) نے آئندہ ایمرجنگ نیشنس کپ کیلئے ہندوستانی ٹیم کو پاکستان بھیجنے سے انکارکردیا ہے۔ حال ہی میں معاوضے کے سلسلے میں کیس جیتنے والی بی سی سی آئی نے ہندوستانی ٹیم کو پاکستان بھیجنے سے انکارکیا ہے۔

اردویونیورسٹی میں پہلے آزاد راؤنڈ رابن لیگ والی بال ٹورنمنٹ کا انعقاد

نظامت جسمانی تعلیم و کھیل کود، مولانا آزاد نیشنل اردو یونیورسٹی کے زیر اہتمام پہلے آزاد راؤنڈ رابن لیگ والی بال ٹورنمنٹ 2018 کا انعقاد یونیورسٹی اسپورٹس کمپلیکس میں عمل میں آیا۔ ایک روزہ ٹورنمنٹ کو ریڈ ہلز والی بال ٹیم نے جیت لیا۔ مہمانِ خصوصی ڈاکٹر محمد اسلم پرویز، وائس ...

میرے بیان کو توڑ مروڑ کر پیش کیا گیا اے ایم یو کے نام سے’مسلم‘ لفظ ہٹانے کی بات نہیں کہی:سابق ہاکی کھلاڑی ظفر اقبال

ہندوستانی ہاکی ٹیم کے سابق کپتان اور اولمپک کھیلوں کے گولڈ میڈلسٹ ٹیم کے رکن رہ چکے ظفر اقبال نے ان کے ذریعہ علی گڑھ مسلم یونیورسٹی (اے ایم یو) کا نام بدلنے کی حمایت کرنے کی خبروں پر نارازگی ظاہر کی ہے۔ظفر نے کہا کہ ان کے بیان کو توڑ مروڑ کر پیش کیا جا رہا ہے۔اے ایم یو کے طالب علم ...

وراٹ کوہلی ٹاپ پربرقرار، ربادا پھر بنے نمبر ون گیندباز

ہندوستانی کپتان وراٹ کوہلی آسٹریلیا کے خلاف چار ٹیسٹ میچوں کی اہم سیریز سے پہلے آئی سی سی ٹیسٹ بلے بازی رینکنگ میں ٹاپ پربنے ہوئے ہیں جبکہ جنوبی افریقہ کے کیگسو ربادا پھر دنیا کے نمبر ایک ٹیسٹ بولر بن گئے ہیں۔آئی سی سی کی بدھ کو یہاں جاری رینکنگ کے مطابق کوہلی کے 935 پوائنٹس ہیں۔

ٹیسٹ ٹیم میں جگہ نہ ملنے سے دھون دکھی، بولے ٹریننگ کا اٹھاؤں گا لطف

خراب دور سے گزرنے کے بعد فارم میں واپس آئے شکھر دھون آسٹریلیا سیریز کے لئے ہندوستان کی ٹیسٹ ٹیم میں جگہ نہیں ملنے سے شروع میں دکھی تھے لیکن اب وہ اس سے نکل گئے ہیں۔ابھی حال ہی میں ختم ٹی 20 سیریز میں مین آف دی سیریز چنے گئے دھون نے کہاکہ میں تھوڑا سا اداس تھا لیکن میں آگے بڑھ گیا ...

بھٹکل انجمن کا طالب العلم میسور میں منعقدہ اسٹیٹ لیول پرتیبھا کارنجی مقابلے میں دوم

میسور میں منعقدہ ریاستی سطح کے پرتیبھا کارنجی اُردو تقریری مقابلہ میں بھٹکل انجمن ہائی اسکول کا طالب العلم  خبیب احمد اکرمی ابن مولانا خواجہ معین اکرمی مدنی دوسرا مقام حاصل کرنے میں کامیاب ہوگیا ہے۔

مینگلور: چار سالہ بچی کے ساتھ جنسی عمل۔عدالت نے دی ملزم کو دس سال قید بامشقت کی سزا

چار سالہ بچی کے ساتھ جنسی عمل کرنے والے ملزم چندرا شیکھر عرف راجیش (۴۹سال)کو سیکنڈ ایڈیشنل ڈسٹرکٹ اینڈ سیشنس اور پوکسو اسپیشل کورٹ نے دس سال قید بامشقت اور 10ہزار روپے جرمانے کی سزا سنائی ہے۔

بھٹکل کے ہیبلے میں ناراض عوام نے لیا رکن اسمبلی کو آڑے ہاتھ؛ احتجاج کے باوجود رکھا گیا دو اسکولوں اور دو کالجوں کا سنگ بنیاد

بھٹکل رکن اسمبلی سُنیل نائک کو آج اتوار کو ہیبلے کے لوگوں نے اُس وقت آڑے ہاتھ لیتے ہوئے احتجاج کیا جب وہ وہاں سرکاری ہاڈی زمین پر دو اسکولوں اور دو کالجوں کا سنگ بنیاد رکھنے کے لئے پہنچے تھے۔ 

بنگلورومیٹرو برڈج میں خرابی کا نائب وزیراعلیٰ پرمیشور نے معائنہ کیا

شہر کے ایم جی روڈ پر ٹرینٹی سرکل کے قریب ایم جی روڈ بیپنا ہلی میٹرو روٹ کے پلر نمبر 155کے قریب ایک بیم میں دراڑ کا آج نائب وزیراعلیٰ ڈاکٹر جی پرمیشور نے معائنہ کیا اور کہاکہ اس سلسلے میں مرمت کا کام جاری ہے۔