شارجہ میں ابناء علی گڑھ مسلم یونیورسٹی کی خوبصورت تقریب؛ یونیورسٹی میں میڈیکل تعلیم صرف 60 ہزار میں ممکن!

Source: S.O. News Service | By I.G. Bhatkali | Published on 20th November 2017, 8:50 PM | ملکی خبریں | خلیجی خبریں |

دبئی 20 نومبر (ایس او نیوز/جیلانی محتشم) علی گڈھ مسلم یونیورسٹی جسے بابائے قوم مرحوم سر سید احمد خان نے دو سو سال قبل قائم کیا تھا آج تناور درخت کی شکل میں ملک میں تعلیم کی روشنی عام کررہا ہے۔اس یونیورسٹی میں میڈیکل کے طلبا کے لئے پانچ سال کی تعلیمی فیس صرف 60,000 روپئے ہے، حالانکہ دوسری یونیورسیٹیوں میں میڈیکل کے طلبا سے ایک کروڑ سے بھی زائد رقم وصول کی جاتی ہے۔ ان باتوں کا اظہا ر علی گڈھ مسلم یونیورسٹی کے وائس چانسلر پروفیسر طارق منصور نے کیا۔ ہ یہاں شارجہ کے پرائیویٹ ہوٹل میں الومنی کی تقریب میں مہمان خصوصی کے طور پر خطاب کررہے تھے۔ پروفیسر طارق منصور نے کہا کہ ہر جگہ الومنی موجود ہیں لیکن میں نے یواے ای کی دعوت کو اس لئے قبول کیا کہ یہاں کی الومنی ٹیم نے بہت اچھا کام کیا ہے ۔ علی گڈھ مسلم یونیورسٹی میں نئے کورسس کو لانا ہمارا اہم کام ہے جس میں ائیروناٹکس وغیرہ کو بھی اب شامل کیا گیا ہے۔

علی گڑھ مسلم یونیورسٹی کے الومنی کے صدر جناب ایس ایم قطب الرحمن نے اپنے خطاب میں کہا کہ مرحوم سرسید احمد خان نے دو صدیوں قبل جب علی گڑھ مسلم یونیورسٹی کی بنیاد رکھی تھی، تو اُس وقت اُن کو بہت ساری رکاؤٹوں کا سامنا کرنا پڑا تھا، کافی مشکلات پیش آئیں، مگر انہوں نے اس کام کو جاری رکھا ، مسلم قوم کے لئے تعلیم کتنی ضروری ہے، اس بات کو مد نظر رکھتے ہوئے انہوں نے اپنے مشن کو مکمل کرکے ہی دم لیا اور آج اس یونیورسٹی کے ہزاروں اور لاکھوں فارغین دنیا بھر کے مختلف شہروں میں مختلف سیکٹرس میں کام کررہے ہیں۔ آگے کہا کہ اکثر ملکوں میں اس یونیورسٹی کے فارغین موجود ہیں جو ہر سال سرسید ڈے کی تقریب منعقد کرتے ہیں، جس میں مرحوم کی خدمات کو خراج تحسین پیش کیا جاتا ہے۔مگر متحدہ عرب امارات میں مقیم ہم الومنی نے سن 2008 سے اس بات کا فیصلہ کیا کہ ہم اس تقریب کو مختلف انداز سے منعقد کریں گے اور مرحوم سرسید کی تعلیمات اور ان کی خدمات کو عام کریں گے اور دوسروں کو ترغیب دیں گے کہ وہ بھی اس طرح کے کاز کے لئے آگے آئیں اور قوم وملت کے لئے بڑھ چڑھ کر اپنی خدمات پیش کریں۔ انہوں نے پورے عزم کے ساتھ کہا کہ اگر عرب امارات میں موجود چند الومنی کھڑے ہوجائیں اورمسلمانوں میں تعلیم عام کرنے کا عزم کریں تو ہم انشاء اللہ سچر کمیٹی کی رپورٹ کو غلط ثابت کرسکتے ہیں۔

اعزازی مہمان کی حیثیت سے تشریف فرما ڈاکٹر ایس ایم سید خلیل الرحمن نے بھی تعلیم کی اہمیت پر مفصل روشنی ڈالی اور علی گڑھ مسلم یونیورسٹی کی خدمات کو سراہتے ہوئے فارغین پر زور دیا کہ وہ بھی مرحوم سر سید احمد خان کے کاز کو آگے بڑھائیں اور مسلمان جو تعلیم کے میدان میں کافی پیچھے ہیں، اُسے آگے لانے کی طرف پورا زور لگائیں۔ انہوں نے پہلی سورہ اقراء کا حوالہ دیتے ہوئے اس بات کو ثابت کرنے کی کوشش کی کہ تعلیم آج کتنی ضروری ہے۔ اس سے پہلے متحدہ عرب امارات کے سابق وزیر ڈاکٹر محمد سعید الکندی نے اپنے تاثرات پیش کرتے ہوئے علی گڈھ مسلم یونیورسٹی کی خدمات کو سراہا ۔دیگر مہمانان نے بھی پروگرام میں اپنے اپنے خیالات کا اظہار کیا۔

ایک نظر اس پر بھی

سپریم کورٹ نے کہا،نہیں ملتوی ہوگی سماعت، آلو ک ورماجلد از جلدداخل کریں جواب

سپریم کورٹ نے پیر کو سی بی آئی کے ڈائریکٹر آلوک کمار ورما سے کہا کہ ان کے خلاف بدعنوانی کے الزامات کے بارے میں سی وی سی کی جانچ رپورٹ پر جلد سے جلد آج ہی اپنا جواب داخل کریں۔عدالت نے واضح کیا کہ اس کیس کے لئے منگل کو مقدمے کی سماعت نہیں ٹالی جائے گی

یوپی حکومت کے پاس معذوربچوں کیلئے اسکول کھولنے کو بجٹ نہیں، سیاست چمکانے کیلئے کمبھ میلے پرکروڑوں روپے خرچ کر رہی ہے: راج بھر

اتر پردیش کے وزیر کابینہ اوم پرکاش راج بھر نے بی جے پی کی قیادت والی ریاستی حکومت پر ایک بار پھر نشانہ لگاتے ہوئے الزام لگایا کہ ریاستی حکومت کوکمبھ کے لئے ہزاروں کروڑ روپے خرچ کر رہی ہے لیکن معذور بچوں کے لئے اسکول کھولنے کو اس کے پاس بجٹ ہی نہیں ہے

سیاسی نظریات کی جنگ ہے اسمبلی انتخابات:سچن پائلٹ

کانگریس کے ریاستی صدر سچن پائلٹ نے پیر کو کہا ہے کہ ریاست میں آئندہ اسمبلی انتخابات دو سیاسی نظریات کی جنگ ہے۔پائلٹ نے ٹونک اسمبلی نشست سے پرچہ نامزدگی داخل کرنے کے بعد صحافی سے کہا کہ بی جے پی نے عوام کو دھوکہ دیا اور اس کارپورٹ کارڈ عوام کے سامنے ہے۔انہوں نے کہا کہ ناراض لوگ ...

سی بی آئی بمقابلہ سی بی آئی: آلوک ورما نے سی وی سی کی رپورٹ پر سپریم کورٹ کو سونپا جواب

سی بی آئی کے چھٹی پر بھیجے گئے ڈائریکٹر آلوک کمار ورما نے خود پر عائد بدعنوانی کے الزامات کو لے کر مرکزی ویجلنس کمیشن کی ابتدائی رپورٹ پر اپنا جواب داخل کر دیا ہے۔ ورما نے پیر کی دوپہر سیل بند لفافے میں سپریم کورٹ کو اپنا جواب سونپا۔ اس کیس میں عدالت منگل کو سماعت کرے گی ۔عدالت ...

کنہیا کمار اور جگنیش میوانی پر پھینکی گئی سیاہی، ملزم گرفتار

جواہر لال نہرو یونیورسٹی، (جے این یو) طالب علم یونین کے سابق صدر اور طالب علم رہنما کنہیا کمار اور گجرات کے ممبر اسمبلی جگنیش میواي پر پیر کو یہاں ایک پروگرام کے دوران ہندو سینا کے ایک کارکن نے سیاہی پھینک دی۔موقع پر تعینات پولیس نے فوری طور پر اس کارکن کو گرفتار کر لیا۔اس دوران ...

کانگریس چھتیس گڑھ میں طویل عرصے کے بعد اقتدار میں لوٹے گی: ویرپا موئلی 

سینئر کانگریس لیڈر ویرپا موئلی کہا کہ چھتیس گڑھ میں 15 سال بعد ان کی پارٹی اقتدار مخالف لہر پر سوار ہوکر اقتدار میں لوٹے گی۔ انہوں نے یہ بھی دعوی کیا کہ کانگریس ریاست کے نکسل متاثرہ علاقوں میں 18 سیٹوں میں اپنی سیٹیں12 سے بڑھا کر 15 کرے گی۔سابق مرکزی وزیر نے یہاں کہاکہ چھتیس گڑھ میں ...

سابق وزیراعظم دیوے گوڈا کی دبئی آمد پر تہنیتی پروگرام؛ پہلے ملک کے اندرونی مسائل حل کرنے کی طرف توجہ ہونی چاہئے؛ گوڈا نے مودی پر کسا طنز

سابق وزیراعظم  ایچ ڈی دیوے گوڈا کی دبئی آمد کے موقع پر کرناٹکا این آر آئی فورم کی جانب سے دبئی میں گذشتہ روز دیوے گوڈا کے لئے تہنیتی پروگرام کا انعقاد کیا گیا جس میں یہ بات بھی بتائی گئی کہ ریاست کرناٹک سے وزیراعظم منتخب ہونے والے دیوے گوڈا واحد شخص ہیں۔ پروگرام میں شال اوڑھ ...

دمام میں کاسرگوڈ کے ایک شخص کی لاش کی تین سال بعد تدفین

دمام سعودی عربیہ میں تین سال قبل انتقال کرگئے پڑوسی تعلقہ  کاسرگوڈ کیرالہ کے حسینار کنہی (۵۷سال) نامی ایک شخص کی لاش کو تین سال بعد دفنایا گیا۔ بتایا جاتا ہے کہ مرحوم حسینار کنہی کے پاسپورٹ پر درج اس کے  ہندوستانی پتے میں کچھ خامیاں تھیں اور پتہ نامکمل تھا اس لئے سعودی پولیس ...

سی آئی اے کا دعویٰ ، سعودی عرب کے شہزادے نے دیا تھا جمال خشوگی کے قتل کاحکم

امریکی اخبار وشنگتن پوسٹ کے صحافی جمال خشوگی کی موت کو لیکر امریکی کی خفیہ ایجنسی نے بڑا دعوی کیا ہے۔ امریکہ کی سینٹرل انٹیلیجنس ایجنسی ( سی آئی اے ) نے کہا ہے کہ نے صحافی جمال خشوگی کے قتل کے احکام دئے تھے۔

ایران میں قید ضلع شمالی کینرا کے ماہی گیروں نے رہائی کی اپیل کے ساتھ جاری کیا نیا ویڈیو؛ اُترکنڑا کے ڈپٹی کمشنر نے جلد رہائی کی دی یقین دہانی

ایرانی سمندری حدود کے خلاف ورزی کرنے کے الزام میں دبئی سے ماہی گیری کے لئے نکلنے والے شمالی کینرا کے جن 18افراد کو ایرانی حفاظتی دستے نے گزشتہ تقریباً ساڑھے تین مہینوں سے ’کشتیوں میں قید‘کررکھا ہے ، انہوں نے ایک نیا ویڈیو جاری کرتے ہوئے مجلس اصلاح وتنظیم، دبئی جماعت ، ضلع ...

 قطر  حلقہ ادب اسلامی کے زیراہتمام ڈاکٹر شاہ رشاد عثمانی کی صدارت میں  نعتیہ اجلاس ومشاعرہ کا انعقاد

بڑی مسرت کی بات ہے کہ حلقہء ادب اسلامی۔قطر نے 8 نومبر 2018م کی شب اپنا سالانہ نعتیہ اجلاس ومشاعرہ  ادار ہ ادب اسلامی ہند کے کل ہند صدر  ڈاکٹر شاہ رشاد عثمانی کی صدارت میں منعقد کیا، موصوف محترم، حلقے کی خصوصی دعوت پر دوحہ قطر تشریف لائے ہوے تھے، اجلاس میں ڈاکٹر رضوان رفیقی فلاحی ...