غیر معمولی گرمی کے سبب آئندہ دنوں میں سبزیوں کی قیمت میں اضافہ کا امکان
نئی دہلی، 27/اپریل (ایس او نیوز /ایجنسی) ریٹنگ ایجنسی کرسیل نے کہا ہے کہ سبزیوں کی قیمتیںمعمول سے اوپردرجۂ حرارت کے سبب اگلے چند ماہ تک بڑھ سکتی ہیں۔یاد رہے کہ انڈیا میٹرولوجیکل ڈیپارٹمنٹ (آئی ایم ڈی )نے پیش گوئی کی تھی کہ سبزیوں کی قیمتیں بڑھنے کے امکانات ہیں۔جون میں مانسون کے آغاز کے بعد قیمتوں میں کمی کا امکان ہے۔ خوردنی اشیاء میں سبزیوں کی خوردہ افراط مارچ ۲۰۲۴ءمیں ۳۴ء۲۸؍فیصد سال بہ سال سب سے زیادہ تھی۔
ایجنسی نے ’’ڈائیسنگ سبزیاں ‘‘ کے عنوان سےافراط کے اعداد و شمار کی رپورٹ میں کہاکہ ’’آ ئی ایم ڈی نے ۲۰۲۴ء میں معمول سے زیادہ جنوب مغربی مانسون کی پیش گوئی کی ہے۔ یہ سبزیوں کی قیمتوں کیلئے اچھی بات ہے۔
بینگن، پرول اور پھلیاں جیسی دیگر سبزیوں کی قیمتوں میں بھی اضافہ دیکھا گیاگیا ہے۔رپورٹ میں بتایا گیا کہ سبزیوں کی خراب ہونے والی نوعیت کے پیش نظر بفر سٹاک کی تخلیق اور یہاں تک کہ درآمدات جیسے تدارکاتی اقدامات غیر مؤثر حل ہیں۔
ایجنسی نے کہا کہ ’’کولڈ اسٹوریج جیسی تکنیک سبزیوں کی ذخیرہ اندوزی کو طول دے سکتی ہے، لیکن ہندوستان میں اس طرح کے بنیادی ڈھانچوں کی تعددادکم ہے۔‘‘
گزشتہ سال، ہندوستان میں سبزیوں کی قیمتوں میں متعدد مرتبہ اضافہ ہوا تھاکیونکہ ہنگامہ خیز موسم نے فصل کو خراب کیا تھا۔ اس میں کہا گیا ہے کہ ال نینو کی صورتحال اوسط سے زیادہ گرم موسم کا باعث بنی اور اس کا اثرمانسون پر بھی پڑا ہے۔
جنوب مغربی مانسون مالی سال ۲۰۲۴ءمیں معمول سے کم تھا، جو اس کی طویل مدتی اوسط کے ۹۴؍فیصد پر تھا۔ رپورٹ میں کہا گیا ہے کہ مانسون کی تقسیم بھی غیر مساوی تھی، جس میں اگست غیر معمولی طور پر خشک تھا۔