کورونا سےہلاک ہونے والوں کو 4لاکھ روپیوں کا معاوضہ دینے کا کوئی منصوبہ نہیں : اُڈپی ڈی سی کی وضاحت
اُڈپی:31؍ مئی (ایس اؤ نیوز)سوشیل میڈیا پر وائر ل کورونا سےہلاک ہونے والوں کےخاندان کو مرکزی حکومت کی جانب سے 4لاکھ روپئے معاوضہ دینے کا کوئی منصوبہ نہیں ہے، اس بات کی وضاحت اُڈپی ضلع ڈپٹی کمشنر جی جگدیش نے کی ہے۔
اس سلسلے میں اُڈپی ڈپٹی کمشنر جی جگدیش نے کہاکہ سوشیل میڈیا پر غلط خبریں پھیلائی جارہی ہیں۔ وائرل ہونے والے ایک مسیج میں بتایا گیا تھا کہ کووڈ سے ہلاک ہونے والوں کو مرکزی حکومت کی جانب سے 4لاکھ روپیوں کا معاوضہ دیاجارہاہے جس کے لئے وہ ا پنے ضلع کی ڈی سی آفیس میں عرضی داخل کریں۔ ساتھ میں عرضی کے نمونے والی ایک پی ڈی ایف فائل بھی بھیجی گئی تھی۔ ڈپٹی کمشنر نے بتایا کہ یہ سب غلط اور بے بنیاد ہے ، سوشیل میڈیا پر ایسے شرارتی پیغامات شائع ہوتے رہتےہیں۔ انہوں نے کہاکہ مرکزی حکومت کا ایسا کوئی منصوبہ نہیں ہے، لہٰذا عوام ایسی خبروں پر بھروسہ نہ کریں اور ایسے پیغامات کو مزید وائرل نہ کریں۔
