ایس ایس ایل سی امتحانات آج سےختم؛ آخری پرچہ میں کاروار تعلیمی ضلع سے 189 طلبا غیر حاضر
بھٹکل 4/اپریل (ایس او نیوز) آج جمعرات تھرڈ لنگویج کے امتحان میں کاروار تعلیمی ضلع سے جملہ 189 طلبا غیر حاضر رہے جس میں بھٹکل کے دس طلبا بھی شامل ہیں۔
ڈی ڈی پی آئی دفتر کاروار سے ملی اطلاع کے مطابق ضلع کے 38 امتحانی مراکز سے آج تھرڈ لنگویج (ہندی ) پرچہ لکھنے کے لئے 9558 بچے (4971 لڑکے اور 4587 لڑکیاں) شریک ہونے چاہئے تھیں، مگر 9369 بچے (4822لڑکے اور 4547 لڑکیاں) امتحان میں شریک ہوئیں اس طرح جملہ 189 بچے (149 لڑکے اور 40 لڑکیاں) غیر حاضر رہیں۔
کاروار سے 88، انکولہ سے 50، کمٹہ سے 37، ہوناور سے 4 اور بھٹکل سے 10 بچے غیر حاضر رہے۔
محکمہ تعلیمات سے دی گئی اطلاع کے مطابق ضلع بھر میں بچوں نے پورے سکون کے ساتھ پرچہ لکھا اور کسی بھی امتحانی سینٹر سے کسی طرح کی کوئی شکایت موصول نہیں ہوئی۔
خیال رہے کہ آج کے پرچے کے ساتھ ہی ریاست بھر میں ایس ایس ایل سی امتحانات اختتام کو پہنچ گئے ہیں۔